Ucab Ajawinelab 4:2 - Quiché Bible

² Ri Elisey xuc'ot u chi': “¿Jas ta ri quincuinic quinban ta che a to'ic? Chabij chwe jas ri c'o awuc' chupam ri awachoch.” Ri ixok xutzelej u bixic che: “We pataninel ech la ri' man c'o ta jas c'o chupam ri rachoch, xak xuwi jun alaj xaru' aseit.”

Ucab Ajawinelab 4:2 ပူးပေါင်းရင်းမြစ်များ

Nabe Ajawinelab 17:12

Ri ixok xutzelej u bixic che: “Quinban jun chinic ri kas cäban na, quincha' rumal ri Ajawaxel ri Dios la chi man c'o ta nu caxlanwa nu chak'ajisam. Man c'o ta chi jas c'o wuc' xuwi jumuk' c'äj ri c'o chupam jun k'ebal xukuje' jubik' aseit ri c'o chupam jun xaru', cätajin c'u quinmol quieb rakan nu si' che u chak'ajisaxic che ri wal xukuje' chwe in. Xuwi c'u cätijtaj wa' kumal, cujcäm na rumal numic.”

Ucab Ajawinelab 2:9

Xuwi c'u xeboc'ow chupam ri nima', xubij ri Eliy che ri Elisey: “Chabij chwe jas cawaj quinban chawe c'ä majok chinel pa a xc'ut.” Ri Elisey xutzelej u bixic che: “Quinwaj quinc'am ri quieb u cämulixic ri uxlabal la.”

Ucab Ajawinelab 4:3

Xubij c'ut ri Elisey che: “Jät ba' camic jebakaja' jujun tak xaru' cuc' tak ri a c'ulja', ¡conojel ri xaru' ri catcuin che quikajic!

Elem 4:2

“¿Jas ri c'o pa ri a k'ab?” xcha' ri Ajawaxel. “Jun ch'ämiy,” xcha' ri Moises.

Ri Matey 15:34

Ri Jesus xubij chque: “¿Joropa' caxlanwa e c'o iwuc'?” Ri e are xquibij: “Wukub, xukuje' quieb oxib alaj tak cär.”

Hechos 3:6

Ri Lu' xubij che: “Sak puak, k'an puak man c'o ta wuc'. Are c'u ri c'o wuc' quinya' chawe: pa ri u bi' ri Jesucrist aj Nazaret, chatwalijok, chatbinok.”

2 Corintios 6:10

Je ta ne ri cujbisonic, cujquicot c'u ne amak'el; je ta ne ri uj ta mebayib, e q'ui c'u ne ri e ka k'inomarisam; je ta ne ri ma ta c'o jas c'o kuc', c'o c'u ne ronojel kuc'.

Santiago 2:5

Lok'alaj tak wachalal, chitatabej ri nu tzij: Ri Dios e u cha'om ri mebayib re we uwächulew ri', chi e are' ri k'inomab che cojonic, cäquechbej na ri ajawibal ri u bim ri Dios chi cuya' na chque ri winak ri cäquilok'ok'ej ri are'.