Ucab Ajawinelab 4:1 - Quiché Bible

¹ C'o jun ixok, ri xrixokelaj can jun chque ri k'axal tzij, xetzujun chuwäch ri Elisey, xubij che: “Ri wachajil cäminak, ri lal eta'm la chi nim xril wi ri Ajawaxel. Opaninak c'ut ri ya'l jalomal are c'u cäraj quebuc'am bic ri quieb wal che u lok'om pataninel.”

Ucab Ajawinelab 4:1 ပူးပေါင်းရင်းမြစ်များ

Chapletajic 22:12

Ri tako'n aj caj xubij: “Maban jun c'ax che ri ala, xinwetamaj c'ut chi caxe'j awib chuwäch ri Dios, man xak'il ta c'u awib che u ya'ic ri a c'ojol chwe, ri xa jun.”

Nabe Ajawinelab 18:3

Ri Acab xusiq'uij ri Abdiy ri chajil re ri jastak rech, ri cäk'ijilan che ri Ajawaxel ruc' nim ilic

Nabe Ajawinelab 20:35

C'o c'u jun achi ri are' jun cuc' ri jumulaj k'axal tzij xubij che jun rachil, rumal u takanic ri Ajawaxel: “¡Chabana' jun tok'ob chinasoco'!” Man xraj ta c'ut ri rachil.

Ucab Ajawinelab 2:15

Ri e k'axal tzij ri e c'o pa Jerico, ri e c'o ulok chuwäch, xquibij aretak xquilo: “¡Ri ruxlabal ri Eliy xjeki' camic puwi' ri Elisey!” Xebe c'u che u c'ulaxic, xquimejela' c'u quib chuwäch.

Ucab Ajawinelab 2:3

E are' tak c'ut ri e k'axal tzij ri e jekel pa Betel xebel ulok che u c'ulaxic ri Elisey xquibij c'u che: “¿La aweta'm chi ri Ajawaxel camic cäresaj bic ri awajtij chawäch?” “Je', weta'm chic” xcha' ri Elisey, “c'o c'u jas mabij alak.”

Ucab Ajawinelab 2:5

E are' tak c'ut ri e k'axal tzij ri e jekel pa Jerico xebel ulok che u c'ulaxic ri Elisey xquibij c'u che: “¿La aweta'm chi ri Ajawaxel camic cäresaj bic ri awajtij chawäch?” “Je, weta'm chic” xcha' ri Elisey, “c'o c'u jas mabij alak.”

Ucab Ajawinelab 2:7

Xebopan c'u cawinak lajuj (50) k'axal tzij ri naj jubik' xquiya' wi quib che ri Eliy xukuje' che ri Elisey, xetaq'ui c'u wa' chuchi' ri nima' Jordan.

Ucab Ajawinelab 4:38

Xuwi c'u xbantaj wa', xtzelej ri Elisey pa Jilgal. Pa ri k'ijol ri' c'o nimalaj wi'jal pa ri ulew ri', c'o c'u jun k'ij e t'uyut'uj ri e k'axal tak tzij chuwäch ri Elisey, xubij c'u wa' che ri u pataninel: “Chacojo ri nimalaj t'uy puwi' ri k'ak', chabana' c'u jun riquil chque ri e k'axal tak tzij.”

Ucab Ajawinelab 6:9

Xutak c'u u bixic ri Elisey che ri ajawinel re Israel chi chuchajij rib moc'ow pa tak we c'olbal ri', rumal rech chi ri aj siriyab benam que jela'.

Ri Nehemiy 10:31

Aretak c'u chepe ri winak ri e re jun ulew chic pa ri k'ij re uxlanem che qui c'ayixic ri jastak ri tijic quij xukuje' niq'uiaj c'ayij chic, man c'o ta jas ri cakalok' ta na chque, mawi pa ri k'ij re uxlanem mawi pa apachique chi k'ij re nimak'ij; xukuje' ne, pa ri uwuk junab quekak'ila' kib che u tiquic ri ulew xukuje' quekasach tak ri c'asaj.

Ri Nehemiy 7:2

Are' c'u xincoj ri wachalaxic Hanani che c'amal u be ri Jerusalen, xukuje' ri Hananiy, ri takanel pa ri tinimit, jun achi wa' ri ya'tal che chi cacu'bisax c'uxaj chrij, ri are' nim c'u na caril wi ri Dios man e je ta c'ut ri niq'uiaj winak chic.

Salmib 103:11

sibalaj c'o na ri u nimal lok'ok'ebal u c'u'x chque ri nim queilowic, jacha' ri u nimal ri caj puwi' ri uwächulew.

Salmib 103:17

Are c'u ri u lok'ok'ebal c'u'x ri Ajawaxel re chbe k'ij sak chque ri queyo'w u k'ij; ri u suq'uil man c'o ta u q'uistajic chque pa conojel ri ija'lil,

Salmib 115:13

Quebutewichi'j na ri queyo'w u k'ij, chi nimak chi ch'utik.

Salmib 147:11

are nim queril wi ri queyo'w u k'ij; ri caquijiquiba' qui c'u'x chrij ri u lok'ok'ebal u c'u'x.

E C'ambal tak Tzij 22:7

Chquixo'l ri mebayib, ri k'inom are ajawinel; chquixo'l ri ajc'asib, ri ya'l jalomal.

Ri Tzijonel 12:13

Xq'uis u tza'm ri chomanic. Ronojel bitajinak chic. Nim ba' chawila' wi ri Dios chebatz'akatisaj tak qui banic ri e u takomal, are c'u wa' ri rajawaxic u banic rumal ronojel winak.

Ri Tzijonel 8:12

¡Ri quel wi wa' chi ri cämacunic cutakej c'u macunic sibalaj q'ui junab cac'asi' na! (Ri weta'm cänok in chi ri nim cäquil wi ri Dios xukuje' caquina' quib chuwäch, utz caquitaklebej;

Ri Isaiy 50:1

Ri Ajawaxel cubij: “¡Michomaj chi xinjach can ri Israel ri i nan, jacha' ri cuban jun achi cujach can ri rixokil, o xixinc'ayij ta bic jacha' pataninelab ri que lok'ic u mac rech chi c'o ta nu c'as ruc' jachin jun! Ri ix xixc'ayix bic rumal rech chi xixmacunic; ri Israel ri i nan, xjachic rumal rech chi man xixniman taj.

Ri Jeremiy 34:14

chi chuwukutak junab chequitzokopij apachique aj hebrey ri u c'ayim rib cuc' ri e u patanim chic wakib junab. E are' tak c'ut ri e i mam man xquiya' ta qui xiquin chwe mawi xeniman ta chwe.

Aj Levitib 25:48

ya'tal che chi cälok' ri u tzokopitajic pune' u c'ayim chi rib. Cuya' cälok' rumal jun chque ri rachalal.

Ri Malaquiy 3:16

(Ri nim caquil wi ri Dios xquitzijobela' c'u tak quib, are c'u ri Ajawaxel xoc il che u tatabexic ri caquibij. Chuwäch c'ut ri Ajawaxel xtz'ibax wi jun wuj, ri quenatax wi ri nim caquil wi ri Ajawaxel man c'u casach ta pa u jolom).

Ri Malaquiy 4:2

Are c'u ri ix ri nim quiniwil wi, ri nu suq'uilal cajuluw na chiwe jacha' ta ne ri chaj ri cuya' ri k'ij, ri quebuc'am ulok rutzil wächaj chquipam tak ri e u tun. Are c'u ri ix quixch'opin na che quicotemal e jacha' ri alaj tak ama'ib wacax ri quebel ulok chupam ri qui warabal.

Ri Matey 18:25

Rumal c'u rech chi man c'o ta cutojbej rech, xtakan ri rajaw che qui c'ayixic rachil ri rixokil xukuje' ri e ralc'ual. Xukuje' xtakan che qui c'ayixic conojel ri jastak ri c'o ruc', cutojbej c'u re ri u c'as.

Ri Matey 18:30

Ri pataninel c'ut man xraj taj. Xane' xbec, xucoj ri rach pataninel pa che' c'ä cutoj na ri u c'as.

Ri Matey 18:35

Je c'u ri' xukuje' cuban na ri nu Tat chiwe we man quisach chijujunal ri u mac ri iwachalal ruc' ronojel iwanima'.”

Hechos 13:26

“Wachalal, ix ri ix rija'l ri Abraham, xukuje' c'u ri ix, ri man ix ka winakil taj ri quixe'j iwib chuwäch ri Dios: we tijonic ri' re colobal ib iwech wa ix.

Santiago 2:13

Ri jun ri man elinak ta u c'u'x chque niq'uiaj chic, ri Dios man quel ta u c'u'x che ri are' aretak cuk'at na tzij puwi'. Nim na ri elebal c'u'x chuwäch ri k'atoj tzij.

Apocalipsis 15:4

¿Jachin ta lo ri ma ta cuxe'j rib chwäch la, Ajawaxel? ¿Jachin ta lo ri ma ta cunimarisaj u k'ij ri bi' la? Xuwi c'u ri lal tastalic man queban ta la etzelal. Quepe na conojel ri nimak tak tinimit, quek'ijilan na chwäch la. K'alajininak c'ut chi suc' ri k'atoj tzij ri cäban na la.”

Apocalipsis 19:5

Xel c'u ulok jun ch'abal pa ri tem re ajawibal, ri xubij: “Chinimarisaj u k'ij ri ka Dios, iwonojel ri ix pataninel tak rech, ri quixe'j iwib chuwäch, chi ch'utik chi nimak.”

Ri Rut 1:3

Xc'ulmataj c'ut chi xcäm ri Elimelec, ri rachajil ri Noemi, xcanaj c'u can cuc' ri quieb ral.

Nabe Samuel 22:2

Xukuje' xequimulij quib ruc' conojel ri e c'o pa tak c'axc'olil, conojel ri c'o qui c'as xukuje' conojel ri man cäquirik taj jas caquibano, ri David are xux c'amal qui be. Ri quebin ruc' craj e c'o quiejeb sient (400) achijab.