Ucab Ajawinelab 24:2 - Quiché Bible

² Are' c'u ri Ajawaxel xebutak ulok chrij ri Joasim jumulaj eläk'omab aj caldeyib, aj siriyab, aj moabib xukuje' aj amonib. Xebutak ulok chrij ri Juda, rech caquisachisaj u wäch, je jas ri u yo'm u bixic ri Ajawaxel cumal ri e pataninel tak rech ri e k'axal tzij.

Ucab Ajawinelab 24:2 ပူးပေါင်းရင်းမြစ်များ

Ucab Ajawinelab 20:17

‘Quepe na k'ij chi ronojel ri c'o chupam ri achoch la xukuje' ronojel ri qui mulin ri e mam la c'ä pa ri k'ij camic, cac'am na bic pa Babilon. Man c'o ta jas cäcanaj can waral.

Ucab Ajawinelab 22:16

chi ri in, ri Ajawaxel, quinbij: Quinwerej na ulok jun u q'ueyowal puwi' we c'olbal ri' xukuje' paquiwi' ri winak ri e c'o chupam, je jas ri cubij ri wuj ri xusiq'uij u wäch ri ajawinel re Juda.

Ucab Ajawinelab 23:27

Rumal ri' xubij ri Ajawaxel chi curesaj ri Juda chuwäch, jacha' ri xuban che resaxic ri Israel, cuxutuj c'u can ri Jerusalen ri u cha'om, xukuje' ri rachoch ri u bim wi chi chila' cajeki' wi ri u bi'.

Ucab Ajawinelab 6:23

Xban c'u jun nimalaj nimak'ij chque, xewa' c'ut xukuje' xebuq'uianic. Xejachaxtax c'u bic rumal ri ajawinel, xetzelej c'ut xebe ruc' ri cajaw. Mawi c'u jumul xetzelej ta chic ri aj siriyab pa ri culew ri aj israelib.

Ucab Tzijobelil 33:11

Rumal ri', ri Ajawaxel xebuc'am ulok ri e qui nimal tak ri rajch'ojab ri ajawinel re Asiriy, ri xquichap ri Manases cuc' tak xecabal, xquiyut c'u cuc' tak tikom k'an ch'ich' xquic'am c'u bic pa Babilon.

Ri Job 1:17

C'ä maja' c'u ne chutaba' tzijonem we achi ri', aretak xopan jun urox xubij c'ut: “Oxib mulaj aj caldeyib xepe pakawi' xequeläk'aj tak c'u bic ri camey. Xequicämisaj tak c'ut ri achijab che ch'ich' re ch'o'j. Xuwi ri in xincuinic xinanimajic rech xinpe che u bixic che la.”

Ri Isaiy 13:5

Pa jun najalaj ulew e elinak wi ulok c'ä jela' che ri elebal k'ij. Are' ri Ajawaxel ri e uc'aninak ulok ri e u chaconisan ri royowal, ri petinak che u sachic u wäch ronojel ri uwächulew.

Ri Isaiy 28:19

Joropa' mul coc'owic quixucharchatej na bic. Cäpe na chwek cäbij pa k'ij xukuje' chak'ab. Xuwi ri u tatabexic u tzijol quixubirbobisaj na.

Ri Isaiy 7:17

Ri Ajawaxel cuc'am na ulok pawi', puwi' ri a tinimit xukuje' puwi' ri rachoch ri ajawinel, k'ijol ri mawi jumul e c'ulmatajinak canok aretak ri Eprain xutas rib chrij ri Juda.” (Che ri ajawinel ri Asiriy cäbix wi wa'.)

Ri Jeremiy 12:9

Ri nu tinimit je ta ne jun chicop ri e c'o u xic' ri sibalaj e je'l ri rismal, ri caban c'ax che cumal jule' tak chicop chic ri e c'o qui xic', ¡Chepet conojel ri juyubal tak awaj; chquimulij quib che u tzukic quib!

Ri Jeremiy 25:1

Chupam ri ucaj junab ri rajawinic ri Joasim, u c'ojol ri Josiy, pa Juda, ri Ajawaxel xutak jun tzijol che ri Jeremiy ri cubij wi ri cuc'ulmaj na ronojel ri tinimit aj Juda. Are' c'u nabe junab wa' ri cajawin ri Nabucodonosor pa Babilon.

Ri Jeremiy 25:9

quebensiq'uij conojel ri tinimit re ri riquiak'ab elebal k'ij xukuje' ri pataninel wech ri Nabucodonosor, ajawinel re Babilon, jebelch'ojin ruc' we ulew ri', conojel tak ri e u winakil xukuje' conojel ri c'ulja nimak tak tinimit. Quebensachisaj na qui wäch chnimalaj conojel. Kas xa' jumul quebenyojyobisaj na, pa jun jasach ri cuya' xibriquil xukuje' xibin ib.

Ri Jeremiy 26:20

Xukuje' ri k'axal tzij ri Uriy, u c'ojol ri Semaiy, ri aj tinimit Quiriat-jearim, xtzijon pa ri u bi' ri Ajawaxel xubij ri cuc'ulmaj na we tinimit ri' xukuje' ri ulew, je xubij jas ri xubij ri Jeremiy.

Ri Jeremiy 26:6

quinban c'u na che we wachoch ri' je jas ri xinban che ri xc'oji pa Sil. Quinban na che we tinimit ri' jun esbal no'j re c'okonic chque conojel tak ri winak re ri uwächulew.’ ”

Ri Jeremiy 32:28

Je c'u ri', in quinbij chawe: Quenbana' chi we tinimit ri cäkaj pa u k'ab ri Nabucodonosor, rajawinel ri Babilon, xukuje' pa qui k'ab ri aj caldeyib.

Ri Jeremiy 35:11

Aretak c'u ri Nabucodonosor, ajawinel re Babilon, xoc che u ch'äquic we ulew ri', xkachomaj ka petic pa Jerusalen che kanimajic chquiwäch ri ajch'ojab ri aj caldeyib xukuje' ri aj siriyab; rumal ri' uj jekel camic pa Jerusalen.”

Ri Jeremiy 52:28

Ri cajilabal ri winak ri xebesax bic rumal ri Nabucodonosor e are' tak wa': chupam ri uwuk junab ri rajawinic xeresaj bic juwinak oxib mil juwinak oxib (3023) winak pa Juda;

Juyuwem 1:17

Ri Sion culic' ri u k'ab che u tz'onoxic tok'ob, man c'o ta c'u jachin cacu'bisan ta u c'u'x. Ri Ajawaxel u yo'm takanic chi cäsutix rij ri Jacob cumal tak ri e qui banom qui c'ulel che; ri Jerusalen chque e are' jun jasach ri quetzelex u wäch.

Ri Ezequiel 19:8

Xquiwalijisaj c'u quib tak ri c'ulja tak tinimit chrij xequicoj tak c'amibal che xquiban c'u che chi xkaj chupam ri c'amibal.

Ri Ezequiel 23:23

xukuje' ri aj caldeyib, ri e aj Pecod, ri e aj Soa ri e aj Coa, xukuje' conojel tak ri aj asiriyab; conojel e c'ojolab e wiktalic, e c'amal tak be xukuje' e k'atal tak tzij, e qui nimal ajch'ojab e banal tak ch'o'j; conojel wa' e quiejeninak chquij tak quiej.

Ri Miquey 3:12

Man je ta c'u ri', u mac iwech ix, ri Jerusalen, ri tinimit aj juyub Sion, cacanaj canok jacha' jun c'upuj, pa jumulaj etzeletajic, are c'u ri juyub ri' ri c'o wi rachoch Dios cach'ukutaj na cumal patzapak tak k'ayes.

Ri Habacuc 1:6

Quebentakchi'j ri aj caldeyib chi chewalij che u banic ch'o'j e winak wa' abaj canima', ri xak e suc'umatal che u binibexic ronojel ri uwächulew che qui tokixic tak ulew ri man e quech taj.