Ucab Ajawinelab 2:6 - Quiché Bible

⁶ Xubij c'ut ri Eliy che: “Chatcanaj can waral, in u takom c'u bic ri Ajawaxel pa ri nima' Jordan.” Ri Elisey xutzelej c'u u bixic che: “Quinban na ri chi'nic ri kas cäban na, quincha' rumal ri Ajawaxel xukuje' umal la, chi man quintas ta wib che la.” Xebe c'ut qui cabichal.

Ucab Ajawinelab 2:6 ပူးပေါင်းရင်းမြစ်များ

Chapletajic 22:6

Ri Abraham xuc'am ri si' ri cucoj che u poroxic ri tabal tok'ob ri cächajirisaxic, xuya' puwi' u teleb ri u c'ojol; are' c'u ri are xruc'aj bic ri cuchilo xukuje' ri k'ak' junam xebec.

Chapletajic 22:8

“Ri Dios cäyo'w na ri chij ri cajwataj che ri tabal tok'ob ri cächajirisaxic, nu c'ojol,” xcha' ri u tat. Xquitakej c'u binem junam.

Ucab Ajawinelab 2:2

Ri Eliy xubij che ri Elisey: “Chatcanaj can waral, in u takom c'u bic ri Ajawaxel pa Betel.” Are c'u ri Elisey xutzelej u bixic che: “Quinban na ri chi'nic ri kas cäban na, quincha' rumal ri Ajawaxel, xukuje' umal la, chi man quintas ta wib che la.” Quicabichal c'ut junam xebe pa Betel.

Ucab Ajawinelab 4:30

Are c'u ri u nan ri alaj ala xubij che ri Elisey: “Quinban na ri chi'nic ri kas cäban na, quincha' pa u bi' ri Ajawaxel xukuje' umal la, chi man quinel ta bic waral we man cujbe junam.” Xbe c'u na ri Elisey junam ruc' ri chuchu'.

Ri Josue 3:15

Xak xuwi c'u xeboc ri e cojol tabal tok'ob chupam ri nima' xech'aki' c'u ri cakan rumal ri ja' ri c'o chuchi' (pa ri k'ijol ri cayac ri u wächinic ri ulew ri Jordan capulinic) ri ja' ri petinak ajsic xutanaba' binem xuk'il rib xux jun nimalaj cho. Sibalaj naj xcanaj wi, pa Adam, ri tinimit ri c'o chunakaj ri Saretan.

Ri Josue 3:8

At chebataka' ri e cojol tabal tok'ob chi chquic'ama' bic ri caxa ri c'o wi ri c'ulwächinic aretak c'u, chebopan chuchi' ri Jordan, quetaq'ui chupam ri nima'.”

Ri Rut 1:16

Ri Rut xutzelej c'u u bixic: “¡Mätz'onoj la chwe chi cäya' ta la canok wumal quintas ta c'u wib che la! Quinbe na jawije' ri cäbe wi na la, xukuje' quinejekel na jawije' ri quejekel wi na la. Ri tinimit la cux na nu tinimit, ri Dios la cux na nu Dios.

Nabe Samuel 1:26

Xubij c'u ri Na' che: “Sachala' nu mac, tat, sibalaj c'u kastzij jacha' ri lal c'aslic, in c'u ri' ri ixok ri naj xinbeytaj che u banic ch'awem ruc' Dios waral, chi nakaj la.

Nabe Samuel 20:3

Xutakej c'u u bixic ri David: “Ri a tat kas reta'm chi quel a c'u'x chwe, man craj ta c'u ri' chi cawetamaj rech man cäpe ta awoyowal. ¡Quinban ri chi'nic ri kas cäban na quincha' chawe pa ri u bi' ri Ajawaxel xukuje' pa ri a bi' at chi man cäbeytaj taj ri nu cämisaxic!”