Ucab Ajawinelab 2:5 - Quiché Bible

⁵ E are' tak c'ut ri e k'axal tzij ri e jekel pa Jerico xebel ulok che u c'ulaxic ri Elisey xquibij c'u che: “¿La aweta'm chi ri Ajawaxel camic cäresaj bic ri awajtij chawäch?” “Je, weta'm chic” xcha' ri Elisey, “c'o c'u jas mabij alak.”

Ucab Ajawinelab 2:5 ပူးပေါင်းရင်းမြစ်များ

Chapletajic 48:19

Ri u tat man xraj taj, xubij c'u che ri Jose: “¡Weta'm nu c'ojol, weta'm ri quinbano! Xukuje' ri are' cux na jun nim tinimit nim u k'ij. Are c'u ri Eprain ri u chak', are cänimar na u k'ij chuwäch. Ri e rija'lil cäquipok'osaj na nimak tak tinimit.”

Nabe Ajawinelab 20:35

C'o c'u jun achi ri are' jun cuc' ri jumulaj k'axal tzij xubij che jun rachil, rumal u takanic ri Ajawaxel: “¡Chabana' jun tok'ob chinasoco'!” Man xraj ta c'ut ri rachil.

Ucab Ajawinelab 2:3

E are' tak c'ut ri e k'axal tzij ri e jekel pa Betel xebel ulok che u c'ulaxic ri Elisey xquibij c'u che: “¿La aweta'm chi ri Ajawaxel camic cäresaj bic ri awajtij chawäch?” “Je', weta'm chic” xcha' ri Elisey, “c'o c'u jas mabij alak.”

Ucab Ajawinelab 4:1

C'o jun ixok, ri xrixokelaj can jun chque ri k'axal tzij, xetzujun chuwäch ri Elisey, xubij che: “Ri wachajil cäminak, ri lal eta'm la chi nim xril wi ri Ajawaxel. Opaninak c'ut ri ya'l jalomal are c'u cäraj quebuc'am bic ri quieb wal che u lok'om pataninel.”

Ucab Ajawinelab 5:22

“Jayi',” xcha' ri Jiez. “Xintak c'u ulok rumal ri wajaw che u bixic che la chi c'ä te' xebopan can quieb c'ojolab tak k'axal tzij, ri e petinak pa tak ri juyub re Eprain, cäbochi'x c'u la rumal chi chaya' la can oxib mil rakan sak puak chque xukuje' cac'ulaj atz'iak.”

Ucab Ajawinelab 6:1

C'o jun k'ij, xquibij ri e k'axal tzij che ri Elisey: “Chilampe' la, ri c'olbal ri uj jekel wi uc' la sibalaj latz' chke.

Ucab Ajawinelab 9:1

Ri Elisey ri k'axal tzij xusiq'uij jun chque ri jumulaj e k'axal tzij, xubij che: “Chasuc'umaj awib che awelic bic. Chac'ama' we jun uc'a' aseit ri' jät c'ut pa Ramot re Galaad;

Ri Tzijonel 3:7

Jun jok'otaj che jisonic, jun jok'otaj chic che t'isomanic. Jun jok'otaj che yinelem, jun jok'otaj chic che tzijtzotem.

Ri Isaiy 41:1

“C'o jas mibij chnuwäch, ulew tak ri ix c'o chupam ri plo. Nimak tak tinimit chiwika' tak iwib chicojo' ronojel ri i chuk'ab. Tisaj, rech cujtzijon puwi' we jasach ri' kamulij kib che u chomaxic.

Ri Amos 7:14

Are c'u ri Amos xutzelej u bixic che: “In man in ta k'axal tzij, mawi quintzucuj u banic. Quinch'äc ri quebajwataj chwe rumal qui chajixic chij xukuje' quimolic juyubal tak higo,

Ri Habacuc 2:20

Are c'u ri Ajawaxel c'o chupam ri tastalicalaj rachoch: ¡Chixyinil chuwäch are' ronojel ri uwächulew!

Ri Lucax 24:51

Aretak cätajin quebutewichi'j, xbe chicaj chquiwäch.

Hechos 1:11

Xquibij c'u chque: “Achijab aj galileyib, ¿jasche cätajin quixca'y chicaj? We Jesus ri' ri xc'am bic ajsic chiwäch pa ri caj, je jas ri xiwilo xbe chicaj, je cuban na wa' aretak cäpe chi na.”

Hechos 1:2

C'ä pa ri k'ij c'ut ri xpaki' chicaj. Aretak xbec, u yo'm chi can takanic, rumal ri Ruxlabal ri Dios, chque ri e u takomxenlab ri e u cha'om, jas ri rajawaxic cäquibano.

Hechos 26:25

Ri Pawl xubij che: “Pest ri sibalaj nim k'ij la, man in ch'ujirinak taj, xane quinbij ri kastzij, quinbij utzalaj chomanic.

Nabe Samuel 10:5

Oc'owinak chi wa' catopan na pa Gabaa aj Dios, jawije' e c'o wi ri qui chajinelab ri aj pilisteyib. Aretak catoc pa ri tinimit, cärik na awib cuc' e jumulaj k'axal tak tzij cätajin quekaj ulok che ri k'ijilabal. E nabe ri winak chquiwäch cäcok'isaj nimalaj arp, tzojtzoj, su' xukuje' alaj arp.