Ucab Ajawinelab 2:3 - Quiché Bible

³ E are' tak c'ut ri e k'axal tzij ri e jekel pa Betel xebel ulok che u c'ulaxic ri Elisey xquibij c'u che: “¿La aweta'm chi ri Ajawaxel camic cäresaj bic ri awajtij chawäch?” “Je', weta'm chic” xcha' ri Elisey, “c'o c'u jas mabij alak.”

Ucab Ajawinelab 2:3 ပူးပေါင်းရင်းမြစ်များ

Nabe Ajawinelab 18:4

aretak c'ut, ri Jezabel xuchaplej qui cämisaxic ri e k'axal u tzij ri Ajawaxel, ri Abdiy xebumol jun sient chque, aretak c'u xbantaj cak'at chque pa cawinak tak lajuj (50, 50), xebuc'u' pa tak pec, xebutzuk c'u chila'.

Nabe Ajawinelab 20:35

C'o c'u jun achi ri are' jun cuc' ri jumulaj k'axal tzij xubij che jun rachil, rumal u takanic ri Ajawaxel: “¡Chabana' jun tok'ob chinasoco'!” Man xraj ta c'ut ri rachil.

Ucab Ajawinelab 2:15

Ri e k'axal tzij ri e c'o pa Jerico, ri e c'o ulok chuwäch, xquibij aretak xquilo: “¡Ri ruxlabal ri Eliy xjeki' camic puwi' ri Elisey!” Xebe c'u che u c'ulaxic, xquimejela' c'u quib chuwäch.

Ucab Ajawinelab 2:5

E are' tak c'ut ri e k'axal tzij ri e jekel pa Jerico xebel ulok che u c'ulaxic ri Elisey xquibij c'u che: “¿La aweta'm chi ri Ajawaxel camic cäresaj bic ri awajtij chawäch?” “Je, weta'm chic” xcha' ri Elisey, “c'o c'u jas mabij alak.”

Ucab Ajawinelab 2:7

Xebopan c'u cawinak lajuj (50) k'axal tzij ri naj jubik' xquiya' wi quib che ri Eliy xukuje' che ri Elisey, xetaq'ui c'u wa' chuchi' ri nima' Jordan.

Ucab Ajawinelab 4:1

C'o jun ixok, ri xrixokelaj can jun chque ri k'axal tzij, xetzujun chuwäch ri Elisey, xubij che: “Ri wachajil cäminak, ri lal eta'm la chi nim xril wi ri Ajawaxel. Opaninak c'ut ri ya'l jalomal are c'u cäraj quebuc'am bic ri quieb wal che u lok'om pataninel.”

Ucab Ajawinelab 4:38

Xuwi c'u xbantaj wa', xtzelej ri Elisey pa Jilgal. Pa ri k'ijol ri' c'o nimalaj wi'jal pa ri ulew ri', c'o c'u jun k'ij e t'uyut'uj ri e k'axal tak tzij chuwäch ri Elisey, xubij c'u wa' che ri u pataninel: “Chacojo ri nimalaj t'uy puwi' ri k'ak', chabana' c'u jun riquil chque ri e k'axal tak tzij.”

Ucab Ajawinelab 5:22

“Jayi',” xcha' ri Jiez. “Xintak c'u ulok rumal ri wajaw che u bixic che la chi c'ä te' xebopan can quieb c'ojolab tak k'axal tzij, ri e petinak pa tak ri juyub re Eprain, cäbochi'x c'u la rumal chi chaya' la can oxib mil rakan sak puak chque xukuje' cac'ulaj atz'iak.”

Ucab Ajawinelab 6:1

C'o jun k'ij, xquibij ri e k'axal tzij che ri Elisey: “Chilampe' la, ri c'olbal ri uj jekel wi uc' la sibalaj latz' chke.

Ucab Ajawinelab 9:1

Ri Elisey ri k'axal tzij xusiq'uij jun chque ri jumulaj e k'axal tzij, xubij che: “Chasuc'umaj awib che awelic bic. Chac'ama' we jun uc'a' aseit ri' jät c'ut pa Ramot re Galaad;

Ri Isaiy 8:18

Ri in, xukuje' ri e nu c'ojol ri e u yo'm ri Ajawaxel uj mayibalalaj c'utbal chuwäch ri Israel. Uj cojom rumal ri Ajawaxel ri c'o ronojel u cuinem ri jekel puwi' ri juyub Sion.

Ri Amos 7:14

Are c'u ri Amos xutzelej u bixic che: “In man in ta k'axal tzij, mawi quintzucuj u banic. Quinch'äc ri quebajwataj chwe rumal qui chajixic chij xukuje' quimolic juyubal tak higo,

Hechos 22:3

“In kastzij in aj judey. Xinalax pa Tars re Silisiy, xinq'uiyisax c'u chi' pa Jerusalen. Xintijoj wib che ri qui pixab ri e ka mam, ri Gamaliel are ri wajtij. Xinoc il che u patanixic ri Dios ruc' ronojel wanima', je jacha' ri cäban alak camic.

U Camulixic ri Pixab 33:3

Ri Ajawaxel culok'ok'ej ri u tinimit, quebuchajij ri cäquijach quib pa u k'ab; ri e are' cäquimej quib xe' rakan u k'ab quequic'am tak ri e u takanic.

Nabe Samuel 10:5

Oc'owinak chi wa' catopan na pa Gabaa aj Dios, jawije' e c'o wi ri qui chajinelab ri aj pilisteyib. Aretak catoc pa ri tinimit, cärik na awib cuc' e jumulaj k'axal tak tzij cätajin quekaj ulok che ri k'ijilabal. E nabe ri winak chquiwäch cäcok'isaj nimalaj arp, tzojtzoj, su' xukuje' alaj arp.

Nabe Samuel 19:20

xebutak bic ri rachijab che u chapic ulok. Aretak xebopan ri rachijab ri Saul, xequil juk'at k'axal tak tzij ri e majtajinak, ri c'amom qui be rumal ri Samuel. Ri ruxlabal ri Dios xak c'ätetal xebumajij ri rachijab ri Saul, xukuje' c'u ri e are' xemajtaj che u k'axexic ri tzij.