Ucab Ajawinelab 18:3 - Quiché Bible

³ Ri e u banoj tak ri Ezequiy e suc' chuwäch ri Ajawaxel, e jacha' ronojel ri xebuban ri David ri u mam.

Ucab Ajawinelab 18:3 ပူးပေါင်းရင်းမြစ်များ

Nabe Ajawinelab 11:38

We c'u canimaj ronojel ri catintak che u banic quebux c'u colom ri e a banoj chnuwäch, we c'u quebatz'akatisaj tak ri e nu pixab xukuje' tak ri nu takomal, jacha' ri xuban ri David, ri pataninel wech, in quinc'oji' na awuc', quinban na chi quebenjekeba' na ri awalaxic pa ri ajawinic, jacha' ri xinban che ri David; quinjach c'u na ri Israel chawe.

Nabe Ajawinelab 11:4

Aretak nim winak chic ri Salomon, ri e rixokil xquibano chi xjech'ob ri ranima' che qui k'ijilaxic jule' tak diosib chic, man kas ta c'u u jachom chi rib pa u k'ab ri Ajawaxel ri u Dios, jacha' ri xuban can ri David, ri u tat.

Nabe Ajawinelab 15:11

Ri e u banoj tak ri As e utz xeril ri Ajawaxel, je xubano jas ri xebuban ri David ri e u mam.

Nabe Ajawinelab 15:5

ri David utz xbinic xya' c'u u k'ij rumal ri Ajawaxel, mawi jubik' xutas ta rib che u nimaxic u banic ri xtakan wi ri Ajawaxel, xuwi ri etzelal ri xuban che ri Uriy ri aj hitit.

Nabe Ajawinelab 3:14

We c'u caban ri nu rayibal, xukuje' quebatz'akatisaj tak ri nu pixab xukuje' tak ri e nu takomal, jacha' ri xuban ri David, ri a tat, naj c'ut catin c'asba' na.”

Ucab Ajawinelab 12:3

Man c'u xebesax taj ri quek'ijilax wi ri diosib, ri xquitakej wi quichi'xic tabal tak tok'ob ri tinimit xukuje' xequiporoj wi c'oc' tak k'ol.

Ucab Ajawinelab 14:3

Ri e u banoj tak ri Amasiy e suc' chuwäch ri Ajawaxel, man kas ta c'u je jacha' ri xuban ri David ri u mam. Xak c'u junam xubano jas ri xuban ri Joas ri u tat,

Ucab Ajawinelab 20:3

“In quinbochi'n che la, Ajawaxel, chi chnataj che la jas ri jicalaj patanixic la nu banom man c'u ruc' ta cawächibal, are c'u nu banom ri cakaj chwäch la.” Xok' c'ut ruc' c'ayil.

Ucab Ajawinelab 22:2

Ri e u banoj ri Josiy e suc' xeril ri Ajawaxel, are c'u xutakej u banic ronojel ri xuban ri David, ri u mam, man c'o ta xujech'ba ta wi rib.

Ucab Tzijobelil 29:2

Ri e u banoj tak ri Ezequiy suc' chuwäch ri Ajawaxel, e jacha' conojel tak ri e u banoj ri David ri e u mam.

Ri Job 33:27

Cubij na: ‘Xinmacunic, xinban ri man suq'uilal taj, man xraj ta c'ut ri Dios xuc'äjisaj ta nu wäch;

Salmib 119:128

Rumal ri' e nu c'ojom ri e tz'ibatal umal la che c'amal nu be, quinwetzelaj c'u u wäch apachique subunelalaj c'aslemal.

Elem 15:26

Xubij chque: “In ri' ri Ajawaxel ri i Dios, we kas quitatabej ri quinbij chiwe, we quiban ri suq'uil chnuwäch, quinimaj ri nu takomal, quebitz'akatisaj tak ri nu pixab, mawi jun chque ri yabil ri xintak paquiwi' ri aj ejiptib quintak ta piwi' ix, in c'ut ri Ajawaxel, ri quixincunaj.”

Ri Isaiy 38:3

“Quinta' tok'ob che la Ajawaxel, chi chnataj che la chi sibalaj jic nu banom che patanixic la xukuje' ruc' ronojel wanima', xinban c'u ri cäkaj chwäch la.” Xuq'uis c'u rib che ok'ej.

Romanos 7:12

Je c'u ri', tastalic ri pixab, tastalic, suc', xukuje' utz ri takomal.

Efesios 6:1

Alc'ualaxelab, rumal rech chi ix cojoninak che ri Ajawaxel, chebinimaj ri i tat i nan. Are c'u wa' ri suc'.

U Camulixic ri Pixab 10:12

“Are c'u ri camic aj israelib, ¿jas ri cutz'onoj ri Ajawaxel chiwe? Xuwi chiya' u k'ij, chilok'ok'ej chebitakej c'u conojel ri e u be; xukuje' chik'ijilaj ruc' ronojel iwanima' xukuje' ruc' ronojel ri i c'aslibal,

U Camulixic ri Pixab 6:18

Chibana' ri suc' xukuje' ri cäkaj chuwäch ri Ajawaxel, rech utz quixelic, quiwechbej c'u ri utzalaj ulew ri xcha' ri Ajawaxel chi cuya' chque ri e i mam;