Ucab Ajawinelab 15:30 - Quiché Bible

³⁰ Are' c'u ri Osey u c'ojol ri Ela, xuwalijisaj rib chrij ri Pek, u c'ojol ri Remaliy, xusoco xucämisaj c'ut. Je xuban wa' rech xoc che ajawinic pa ri u c'olbal, chupam ri juwinak junab ri rajawinic ri Jotam, u c'ojol ri Uziy.

Ucab Ajawinelab 15:30 ပူးပေါင်းရင်းမြစ်များ

Ucab Ajawinelab 15:10

Are' c'u ri Salum, u c'ojol ri Jabes, xuwalijisaj rib chrij, xusoc pa Ibleam xucämisaj c'ut, are c'u xajawin can chupam ri u c'olbal.

Ucab Ajawinelab 15:25

Jun c'ut qui nimal rajch'ojab, Pek u bi', u c'ojol ri Remaliy, xuwalijisaj rib chrij ruc', c'ut ri qui to'banic cawinak lajuj (50) achijab aj Galaad, xusoc chupam ri nimalaj ja ri c'o chupam ri rachoch ri ajawinel xucämisaj c'ut, xuwi c'ut xbantaj rumal xajawin pa ri u c'olbal.

Ucab Ajawinelab 15:29

Pa ri k'ijol aretak ri Pek are' ajawinel pa Israel, xopan ri Tiglat-pileser, ajawinel re Asiriy, xuch'äc ri Ijon, ri Abel-bet-maac, ri Jano, ri Seds, ri Azor, ri Galaad, ri Galiley xukuje' ronojel ri rulew ri Neptali, xukuje' ri winak ri e chupam xebuc'am bic che patanijic pa Asiriy.

Ucab Ajawinelab 15:31

Ri u tz'akatil ri u tzijobelil ri Pek xukuje' ronojel ri xubano, tz'ibatal chupam ri wuj rech ri qui tzijobelil tak ri ajawinelab re Israel.

Ucab Ajawinelab 16:1

Pa ri uwuklajuj (17) junab ri rajawinic ri Pek, u c'ojol ri Remaliy, xuchaplej ajawinic ri Acaz, u c'ojol ri Jotam, ajawinel pa Juda.

Ucab Ajawinelab 17:1

Pa ri cablajuj (12) junab ri rajawinic ri Acaz, ajawinel re Juda, ri Osey, u c'ojol ri Ela, xuchaplej ajawinic puwi' ri Israel, belejeb junab c'ut xajawin pa Samar.

Ucab Tzijobelil 28:16

Chupam c'ut ri k'ijol ri', ri ajawinel Acaz xebutak bic tako'n ruc' ri ajawinel aj Asiriy che u tz'onoxic ri u to'banic,

Ri Isaiy 7:16

Aretak c'u ri ac'al c'ä maja' c'o ri u no'j, ri culew ri quieb ajawinel ri cäquiya' xe'n ib chawe quetz'ini na canok.

Ri Isaiy 8:6

“Rumal c'u ya' xe'n ib chuwäch ri Rezin xukuje' chuwäch ri u c'ojol ri Remaliy, we winak ri' man nim ta xquil wi ri ja' Siloe ri xak cälememic,

Ri Osey 10:15

Je c'u wa' xukuje' qui c'ulmaj na ix ri ix jekel pa Betel, rumal rech ri nimalaj iwetzelal. ¡Ri ajawinel re Israel cäcäm na aretak cäpe u sakaric!”

Ri Osey 10:3

Camic we tinimit ri' cubij na: “Man c'o ta kajawinel rumal rech chi man nim ta cakil wi ri Ajawaxel. ¿Jas ta c'u lo ri cacuin wi jun ajawinel cuban ta na chke?

Ri Osey 10:7

Cäsach na u wäch ri ajawinel re Samar jacha' jun u xe'r che' ri cälew puwi' ri ja'.