Ucab Ajawinelab 15:14 - Quiché Bible

¹⁴ rumal chi ri Manahem, u c'ojol ri Gadi, xpaki' ulok pa Tirs xopan pa Samar xch'ojin c'u ruc' ri Salum, aretak c'u cämisatajinak chic rumal are' xajawin pa u c'olbal.

Ucab Ajawinelab 15:14 ပူးပေါင်းရင်းမြစ်များ

Nabe Ajawinelab 14:17

Xwalij c'ut ri rixokil ri Jeroboam xbe c'ut, xopan pa Tirs; xuwi c'u xuxalk'atij ri apal re ri ja, xcäm ri alaj ala.

Nabe Ajawinelab 15:21

Aretak xretamaj ri Baas, xutanaba' u yaquic ri Rama xtzelej c'u pa Tirs.

Nabe Ajawinelab 15:33

Pa ri urox junab rech ri rajawinic ri As pa Juda, ri Baas u c'ojol ri Ahiy, xuchaplej ajawinic pa Tirs puwi' ronojel Israel, juwinak quiejeb (24) junab c'ut xajawinic.

Nabe Ajawinelab 16:15

Pa ri juwinak wukub (27) junab re ri rajawinic ri As pa Juda, cätajin c'u caquitij qui chuk'ab ri ajch'ojab aj israelib che u ch'äquic ri qui tinimit ri aj pilisteyib ri Jibeton, ri Zimri xuchaplej ajawinic pa Tirs. Xa' c'u wukub k'ij xajawinic,

Nabe Ajawinelab 16:17

Ri Omri xukuje' conojel ri ajch'ojab aj israelib xquitanaba' u banic ch'o'j ruc' ri Jibeton, xebe che u ch'äquic ri Tirs.

Ucab Ajawinelab 15:10

Are' c'u ri Salum, u c'ojol ri Jabes, xuwalijisaj rib chrij, xusoc pa Ibleam xucämisaj c'ut, are c'u xajawin can chupam ri u c'olbal.

Ucab Ajawinelab 15:15

Ri u tz'akatil ri u tzijobelil ri Salum, cutz'akatij ri u walijisaxic rib chrij ri Zacariy, tz'ibatal chupam ri wuj rech ri qui tzijobelil tak ri rajawinelab re Israel.

Ucab Ajawinelab 15:17

Pa ri juwinak belejlajuj (39) junab ri rajawinic ri Azariy, ajawinel re Juda, ri Manahem, u c'ojol ri Gadi, xuchaplej ajawinic puwi' ri Israel, lajuj junab c'ut xajawin pa Samar.