Ucab Ajawinelab 11:4 - Quiché Bible

⁴ Pa ri uwuk junab, ri Joiad xutak qui siq'uixic ri e qui nimakil tak ri ajch'ojab, xukuje' ri aj sereteyib xukuje' ri chajinelab, xebucoj c'u chupam ri rachoch ri Ajawaxel, jawije' ri c'o wi. Chila' xuban wi jun c'ulwächinic cuc' chuxe' ri chi'nic ri kas cäban na, xuc'ut c'ut ri u c'ojol ri ajawinel chquiwäch.

Ucab Ajawinelab 11:4 ပူးပေါင်းရင်းမြစ်များ

Chapletajic 50:25

Xuban c'ut chi ri e u c'ojol ri Israel chi cäquiban ri chi'nic ri kas cäban na chnuwäch xubij c'u chque: “Ri quinbij chiwe, ri Dios cäpe na che iwesaxic bic waral. Aretak cäc'ulmataj wa', quic'am na bic ri nu bakil iwuc' pa Canaan, miya' can waral.”

Ucab Samuel 20:23

Ri Joab are xcanaj che takanel paquiwi' conojel ri ajch'ojab aj Israel, are c'u ri Benaiy, ri u c'ojol ri Joiad, are cätakan paquiwi' ri chajinelab aj sereteyib xukuje' ri aj peleteyib.

Ucab Samuel 8:18

Are' c'u ri Benaiy, ri u c'ojol ri Joiad, are' c'o che takanel paquiwi' ri chajinelab aj sereteyib xukuje' ri aj peleteyib. Ri e u c'ojol ri David e cojol tabal tok'ob.

Nabe Ajawinelab 14:27

Ri ajawinel Roboam xebuban quetecak tak ch'ich' re k'an ch'ich' che qui q'uexwäch, xebujach c'u pa qui k'ab ri e quinimal tak ri ajch'ojab ri quechajin ri oquibal chupam ri rachoch ri ajawinel.

Nabe Ajawinelab 18:10

Quinban na ri chi'nic ri kas cäban na rumal ri Ajawaxel ri Dios la chi man c'o ta nim tinimit mawi ajawibal ri ma ta u takom ta wi tzucuxic la ri wajaw; aretak c'u caquitzelej u bixic chi man lal c'o ta chila', ri wajaw quebutakchi'j che u bixic chi quinban na ri chi'nic ri kas cäban na che chokok chi man rikom ta la.

Ucab Ajawinelab 11:17

Ri Joiad xuban c'u na jun c'ulwächinic ruc' ri Ajawaxel, ri ajawinel xukuje' ri tinimit, chi ri e are' xquicoj quib chuxe' chi quebux u tinimit ri Ajawaxel, ri ajawinel xukuje' ri tinimit.

Ucab Ajawinelab 11:19

xebuc'am c'ut ri e qui nimakil tak ri ajch'ojab, ri aj sereteyib ri chajinelab xukuje' conojel ri winak, junam xcachilaj bic ri ajawinel kas pa ri rachoch ri Ajawaxel c'ä pa ri rachoch ri ajawinel, xeboc pa ri oquibal jawije' e c'o wi ri chajinelab. Ri Joas xt'uyubax puwi' ri tem re ajawibal,

Ucab Ajawinelab 11:3

ri Joas wakib junab xc'u' chupam ri rachoch ri Ajawaxel. Pa tak ri k'ij ri xajawin ri Ataliy, puwi' ri ulew.

Ucab Ajawinelab 11:9

Ri e qui nimakil ri ajch'ojab xequiban conojel ri xetak che u banic rumal ri cojol tabal tok'ob ri Joiad. Chquijujunal xequic'am ri takanic paquiwi' tak ri cachijab, je xban chque ri queboc che chajinelab pa ri k'ij re uxlanem xukuje' ri quebelic, xebopan c'u chuwäch ri cojol tabal tok'ob Joiad.

Ucab Ajawinelab 12:7

Ri ajawinel Joas xusiq'uij ri cojol tabal tok'ob Joiad xukuje' ri niq'uiaj e cojol tabal tok'ob chic, xubij c'u chque: “¿Ri ix jasche man i c'ojom taj ri rachoch Dios? Camic cächaptaj bic man c'o ta chi puak quic'am pa qui k'ab ri c'olol tak puak; chijacha' c'ut ri c'o iwuc' che u c'ojoxic ri rachoch ri Dios.”

Ucab Ajawinelab 23:3

Xutac'aba' c'u rib ri ajawinel chuxcut ri rakan ja, xuya' c'u u tzij chuwäch ri Ajawaxel chi caniman che, cuban c'ut ri cubij ruc' tz'akatil, man ruc' ta quieb u c'u'x cutakej qui banic ri e u takomal, ri e u takanic xukuje' tak ri pixab, xukuje' ri qui tz'akatisaxic ri u cholajil ri c'ulwächinic ri e tz'ibatal chupam ri wuj. Ronojel c'ut ri tinimit xuya' u tzij che u banic.

Nabe Tzijobelil 9:13

xukuje' ri e rachalaxic, e jun mil wukub sient oxc'al (1760) e c'amal tak qui be jujun ja winak, achijab ri sibalaj quena'w che ri patanijic chupam ri rachoch ri Dios.

Ucab Tzijobelil 15:12

Xquiya' c'u qui tzij xuwi che u tzucuxic ri Ajawaxel ruc' ronojel canima'; ri qui Dios ri e qui mam.

Ucab Tzijobelil 29:10

Je c'u ri' nu yo'm nu tzij che u banic jun c'ulwächinic ruc' ri Ajawaxel, ri u Dios ri Israel, rech cupac ri royowal pakawi'.

Ri Nehemiy 10:29

xquijunamaj quib cuc' tak ri cachalaxic xukuje' cuc' tak ri e c'amal tak qui be, xeban chi'nic ri kas cäban na, xecha' chi quequibana' je jas ri cubij ri u pixab ri Dios ri yo'm che ri Moises ri pataninel rech, xukuje' quebequitz'akatisaj tak ruc' jicomal conojel tak ri takomal, xukuje' ri pixab tak ri e tz'ibam, xukuje' tak ri e u pixab ri Ajawaxel.

Ri Nehemiy 5:12

Ri e are' xquitzelej u bixic: “Ronojel wa' cakatzelej, man c'o ta c'u cäkatok'ij na chque. Cakaban na ronojel jacha' ri bim la.” Xebensiq'uij c'u tak ri e cojol tabal tok'ob, chquiwäch c'u tak wa' xebentakchi'j chi xeban chi'nic ri kas cäban na che chokok che ri xquichi'j u banic.

Ri Nehemiy 9:38

Pune' c'u je c'ulmatajinak wa' ri uj cakatz'ibaj jun je'licalaj c'ulwächinic, ri wuj ri t'ikom caquicoj qui bi' ri e c'amal tak ka be che, ri aj levitib xukuje' tak ri e cojol tabal tok'ob.

Hechos 5:24

Aretak xequita' we tzij ri', ri c'amal qui be ri e chajinelab re ri rachoch Dios xukuje' ri qui nimakil ri e cojol tabal tok'ob, xquita' la chbil tak quib: ¿Jas ta lo ri cäc'ulmataj chi na? Man cäquich'ob taj jas lo ri quec'ulmataj na rumal wa'.

Hechos 5:26

Xel c'u bic ri qui nimal ri e chajil re ri rachoch Dios, xebuc'am bic ri niq'uiaj chajinelab chic che qui chapic ri takomxenlab. Xebequic'ama ulok pa utzil. Cäquixe'j c'u quib, we ne quebuc' che abaj cumal ri winak.

Ri Josue 24:25

Kas pa ri k'ij ri', chila' pa Siquem, ri Josue xuban jun c'ulwächinic ruc' ri tinimit, xebuya' c'u pixab chque xukuje' tak takanic,

Nabe Samuel 18:3

Ri Jonatan xukuje' ri David junalic chi'nic ri kas cäkaban na xecha' chi cacaj quib, are' c'u ri Jonatan sibalaj xulok'ok'ej ri David jacha' ri kas are' chbil rib.

Nabe Samuel 23:18

Qui cabichal c'ut xquiban jun c'ulwächinic chquixo'l, xquicoj c'u ri Ajawaxel che k'alajisanel. Xuwi c'u xbantaj wa' cumal ri Jonatan xtzelej cho rachoch, are c'u ri David xcanaj can pa Hors.