Ucab Ajawinelab 10:5 - Quiché Bible

⁵ Are' c'u ri takanel pa ri rachoch ri ajawinel, ri k'atal tzij ri cätakan puwi' ri tinimit, ri nimak tak tatayib ri e chajil tak quech ri e u c'ojol ri Acab xquitak u bixic che ri Jehu: “Uj uj c'o chuxe' ri a takanic, cakaban c'u na ronojel ri cujatak wi, man cakacoj ta jachin jun che ajawinel. Chabana' ri cäkaj chawäch.”

Ucab Ajawinelab 10:5 ပူးပေါင်းရင်းမြစ်များ

Nabe Ajawinelab 20:32

Xequicoj c'ut wakawoj catz'iak xukuje' jun colob re jitz'abal chiquikul, xequitac'aba' c'u quib chuwäch ri ajawinel pa Israel, xquibij c'u che: “Ri Ben-adad cäbochi'x la rumal chi sacha' la ri u mac, macämisaj la.” Ri Acab xutzelej u bixic: “¿La c'ä c'aslic? ¡Chwe in je ta ne ri wachalal!”

Nabe Ajawinelab 20:4

Ri ajawinel re Israel xutzelej u bixic: “Je' jacha' ri bim la, ajawinel, in xukuje' ronojel ri c'o wuc' ech la.”

Ucab Ajawinelab 10:6

Ri Jehu xebutz'ibaj chi bic chucamul je xubij bic wa': “We ri ix junam i wäch wuc' we c'u qui nimaj tak ri e nu takanic, chebic'ama' ulok ri qui jolom ri e u c'ojol ri iwajaw, je tak c'u wa' chwek chixpet che wilic pa Jezreel.” Ri oxc'al lajuj u c'ojol ri ajawinel e jachom chquixo'l ri winak ri nimak qui k'ij ri e c'o pa ri tinimit, ri e qui q'uiyisam,

Ucab Ajawinelab 18:14

Ri Ezequiy ajawinel re Juda, xutak bic jun wuj ruc' ri ajawinel re Asiriy, ri c'o pa Lacs, ri je cubij wa': “Xa man xinch'ob ta ri xinbano. Chel la bic pa ri wulew quintoj c'u na ri puak ri catok'ij la chwe.” Rumal ri' ri ajawinel re Asiriy xubij che ri Ezequiy, ajawinel re Juda, chi chutojo' quieb sient ruc' wajxaklajuj (218) quintal sak puak xukuje' juwinak quieb (22) quintal k'an puak.

Ri Jeremiy 27:17

¡Miya' i xiquin chque! Chicojo' iwib chuxe' ri u takanic ri ajawinel re Babilon quixc'asi' c'u na. ¿Jas ri rajawaxic wi chi we tinimit ri' caq'uextaj pa jumulaj etzeletajic?

Ajilanic 11:12

¿La xa ta pune' in ta u tat o u nan rech cätz'onoj la chwe chi queben k'alula' bic e jacha' ta ne ac'alab ri c'ä quetu'n cho u c'u'x ri qui nan, c'ä pa ri ulew ri xchi'j la chque ri e qui mam?

Ri Xuan 12:26

We c'o jachin quinupatanij, chinuterenej. Jawije' ri quinc'oji' wi, chila' xukuje' cäc'oji' wi na ri pataninel wech. We c'o jachin quinupatanij, nim quil wi na rumal ri nu Tat.”

Ri Josue 9:11

Rumal ri', ri e c'amal tak ka be xukuje' tak ri e ka winakil xquibij chke: ‘Chebic'ama' bic i wa' ri quitij pa tak ri be jix c'ut jawije' ri e c'o wi. Chibij c'u chque chi cakajach kib pa qui k'ab che qui patanixic cakaj c'ut cakaban jun c'ulwächinic cuc'.’

Ri Josue 9:8

Xquibij c'ut we winak ri' che ri Josue: “Ri uj cakajach kib pa i k'ab che i patanixic.” Ri Josue xuc'ot qui chi': “¿Ix jachinok ix? ¿Jawije' quixpe wi?”