Santiago 5:5 - Quiché Bible

⁵ Ix c'olinak pa k'inomal cho ri uwächulew, i jachom iwib pa tak quicotemal. I k'obisam ri i c'u'x je jas che ri k'ij re cämisanic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Ix qas inimarisam iwibꞌ rukꞌ taq ri iqꞌinomal, xaq xwi iqꞌobꞌisam iwibꞌ rech kixpilik are kuriq ri qꞌij kaqꞌat tzij piꞌwiꞌ.

K'iche'

⁵ Waral cho we uwächulew xak i nimarisam iwib cuc' tak ri q'uialaj tak jastak iwe. I tzokopim iwib chubanic ronojel ri quiwaj, xak rech quixquicot ix. Xukuje' i chomarisam iwib je' ta ne ix wacäx, xa c'u jubik' man copan ri k'ij ri quixc'am bi pa cämisaxic rech quixpilic.

K'iche' (New Orthography)

⁵ Waral cho we uwächulew xaq i nimarisam iwib' kuk' taq ri k'ialaj taq jastaq iwe. I tzoqopim iwib' chub'anik ronojel ri kiwaj, xaq rech kixkikot ix. Xuquje' i chomarisam iwib' je' ta ne ix wakäx, xa k'u jub'iq' man kopan ri q'ij ri kixk'am b'i pa kämisaxik rech kixpilik.

Santiago 5:5 ပူးပေါင်းရင်းမြစ်များ

Salmib 17:14

ruc' ri cuinem la, Ajawaxel, chinto' la rech man quinkaj ta pa qui k'ab, ¡chebesaj la bic cho we uwächulew ri', ri are quechbal pa we c'aslemal ri'! Chya' la be chque chi quenoj chque tak k'inomal, chi chewok tak ri calc'ual c'ä chepok' na, xukuje' c'ä chto'taj na can chque tak ri qui' tak qui mam.

Salmib 73:7

che ri abajalaj canima' cäpe wi ri macaj, man cajilataj ta c'u ri itzel tak qui chomanic.

E C'ambal tak Tzij 17:1

Are utz na u tijic ri chaki'j caxlanwa pa jamaril, che qui q'uexwäch coc'owisaxic tak nimak'ij c'o c'u ch'o'j amak'el.

E C'ambal tak Tzij 7:14

“In nu chi'm ulok tabal tok'ob re utzirisan ib camic c'ut xintz'akatisaj ri xinchi'j u ya'ic.

Ri Tzijonel 11:9

Chaquicotisaj awib, ala o ali, camic ri at nojinak che c'aslemal; chatija' chacojo' ri utz camic ri c'ä catcuinic. Chanimaj ri cubij ri awanima' chawe xukuje' che ronojel ri cawilo, chnataj c'u chawe chi ronojel wa' ri Dios cutok'ij na chawe chi cacholajij na chuwäch.

Ri Isaiy 22:13

Xa c'u xiban nimak'ij xukuje' xixquicotic, xebipil wacax xukuje' chij, xixoc che u tijic ti'j xukuje' che ruq'uiaxic u wa'l uva. “Chujwok xukuje' chujuq'uianok chwek c'ut cujcämic”, quixcha'.

Ri Isaiy 3:16

Cubij ri Ajawaxel xukuje': “Ri ixokib aj Sion, ri e banal tak nimal, ri man cäquipachba' ta jubik' ri qui jolom quebinic, ri man c'o ta qui q'uixbal chquipalaj, ri xak cocoj u xo'l tak cäkan cäquibano aretak quebinic, cäquichinicha' ri wikbal cakan;

Ri Isaiy 47:8

Rumal ri', chatampe' wa' camic, ixok ri cäkaj ri banoj nimal chawäch, ri utz a banom pa ri a tem re ajawibal, ri cachomaj pa ri awanima': ‘Xuwi ri in, man c'o ta chi jun jas ri in, ri in man quinux ta na malca'n ixok mawi quincanajic chi ma ta e c'o chi wal.’

Ri Isaiy 56:12

Cäquibij: “Jo' jekatzucuj u wa'l uva xukuje' ja' ri cäk'abarisanic rech cujk'abaric. Je c'u cäkaban na chwek jas ri cäkaban camic, o coc'ow chi ne na jubik' u wi'.”

Ri Jeremiy 12:3

Are c'u ri lal, Ajawaxel, etamam la nu wäch; quinil la eta'm c'u la jachique tak ri e nu chomanic che la. ¡Chec'ama' la bic we winak ri' jacha' ri cäban chque ri chij ri quec'am bic pa ri pilbal; chcojo' la quetal che ri k'ij re ri cämisanic!

Ri Jeremiy 25:34

¡Chiraka' i chi', ajyuk'ab, chiraka' i chi' rumal ri k'oxomal! ¡Ix, ri qui c'am qui be ri jumulaj, chi wolkotela' iwib cho ri ulew! Opaninak ri k'ij re ri cämisanic are c'u ri ix quixecämisaxok jacha' ri e k'obisam ama'ib tak chij.

Ri Ezequiel 16:49

Are wa' ri u mac ri a chak' Sodom: xquina' quib chi nimak qui k'ij rumal rech chi c'o sibalaj caquitzukbej quib xukuje' chi c'o ronojel u wäch k'inomal cuc', mawi c'u jumul xquiban ta jun tok'ob che ri meba' mawi che ri c'o u rajawaxic.

Ri Ezequiel 39:17

Ri Ajawaxel xubij chwe: “Chabij chque conojel ri chicop ri e c'o qui xic' xukuje' chque conojel ri juyubal tak awaj chi chequisiq'uila' tak ri e c'o tak chquinakaj chepet c'ut pa tak ri u juyub ri Israel, che u tijic ri tabal tok'ob ri quenbana' na chque. Cuya' caquitij ti'j cacuq'uiaj quic';

Ri Amos 6:1

¡Tok'ob qui wäch ri cuc'am jun ch'uch'ujalaj c'aslemal pa Sion! ¡Tok'ob qui wäch ri e jekejoj ri qui cuban qui c'u'x chrij ri Samar, ri e c'amal tak u be ri nim tinimit ri nim na qui banic, ri quecuq'uij ri aj israelib!

Ri Lucax 16:19

“C'o c'u jun k'inomalaj achi ri cucoj je'licalaj morato atz'iak sibalaj pakal rajil, cucoj ch'uch'ujalaj atz'iak re lino. Ronojel c'u k'ij cäjajat chubanic nimak'ij.

Ri Lucax 16:25

Ri Abraham xubij: ‘Nu c'ojol, chnataj chawe chi xarik utzalaj tak jastak pa ri a c'aslemal, are c'u ri Lazaro xurik itzel tak jastak. Camic c'ut ri are' cu'bisam u c'u'x waral, ri at c'ut catel ch'u'j.

Romanos 13:13

Chujbinok je jas ri pa k'ij, rech utz quilitaj ri ka chac. Mujk'abaric makamulij chi kib che nimak tak wa'im re wojcorem. Mujc'uji ruc' ri winak pa ri u ch'at ri man kech taj. Mäkaban ri ka rayinic ri man takal ta qui banic. Mäkaban ch'o'j. Itzel mäkil wi we jun chic curik utzil.

1 Timoteo 5:6

Are c'u ri cutzucuj u quicotisaxic rib, cäminak wa' pune' c'aslic.

2 Timoteo 3:4

cäquijach tak cachil pa qui k'ab ri qui c'ulel, man cäquichomaj ta ri cäquibano, cäquichomaj chi nim qui banic, je'l caquina' u banic ri qui rayibal; are c'u ri u rayibal ri Dios, man cäcaj taj.

2 Pedro 2:13

Ri e are' caquirik c'ax rumal ri c'ax ri qui banom chque jule' chic. Caquichomaj chi sibalaj utz que aretak e c'o pa tak ri quicotemal ri xa' e re jok'otaj. E jun tz'ilol xukuje' jun q'uixbal aretak quixcachilaj pa tak ri e i wa'im re xk'ekal, quequicot c'ut pa tak ri e qui banoj ri xa' e subunelab.

Ri Juds 1:12

E xok'olil c'u wa' pa tak ri i wa'im re lok'ok'ebal c'uxaj, quebulan c'u iwuc' pa ri i wa'im ri quibano, man ruc' ta xe'n ib cäquitzuk quib; e chaki'j tak sutz', ri quec'am bic cumal ri quiakik'; e che' ri e pulpubinak man c'o ta qui wächinic, camul e cäminak, e bokom apanok;

Apocalipsis 18:7

jacha' ri nimal ri xc'amowic, sibalaj xoc'ow u wi' ri u k'inomal, xa junam chibana' ba c'ax che, chiya' pa bis, rumal rech chi cubij pa ranima': ‘In t'uyul che chuchu' ajawinel, man in malca'n taj, man quinwil ta na bis.’

Nabe Samuel 25:36

Aretak xopan ri Abigail jawije' c'o ri Nabal, xrilo chi cätajin cuban jun nimak'ij pa ri rachoch cajunamataj ruc' ri cuban jun ajawinel. Sibalaj cätajin cäquicotic sibalaj c'u k'abarel. Rumal ri' man c'o ta jas xubij ri Abigail che xane' c'ä chucab kij.

Nabe Samuel 25:6

xukuje' ri u ya'ic we takquil ri' che: “Chebac'ama', wachalal, ri utzalaj tak nu rayinic chawe chi utz ta a wäch xukuje' conojel ri awachalal xukuje' chque conojel ri e c'o pa ri awachoch.