Santiago 5:4 - Quiché Bible

⁴ Chiwilampe', ri puak, ri man tz'akat taj ri i yo'm chque ri ajchaquib ri xeyicow qui wäch ri e iwulew. We puak ri' cätajin quixuc'okoj; are' c'u ri Ajawaxel ri c'o ronojel u cuinem u tom ri qui tzujunic we ajchaquib ri'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ ¡Chitampeꞌ! Ri kirajil ri ajchakibꞌ ri xkichakuj ri iwulew ri man xitzꞌaqatisaj taj kakichaꞌ kibꞌ chiꞌwe. Ri kichꞌawem ri ajchakibꞌ xtataj rumal ri Ajawxel, ri kakwin chubꞌanik ronojel jastaq.

K'iche'

⁴ ¡Chitampe'! Ri ajchaquib ri xeyacow ri i cosech cäcok'ej ri qui rajil ri iwelak'am can chque. Quel cubij wa' chi man i yo'm tä ri tojbal que. Opaninak c'u ri cok'ej chuwäch ri Kajaw Dios ri c'o u takanic puwi' ronojel. ¡Ri Are' c'ut u tom ri qui tzij!

K'iche' (New Orthography)

⁴ ¡Chitampe'! Ri ajchakib' ri xeyakow ri i kosecha käkoq'ej ri ki rajil ri iwelaq'am kan chke. Kel kub'ij wa' chi man i yo'm tä ri tojb'al ke. Opaninaq k'u ri koq'ej chuwäch ri Qajaw Dios ri k'o u taqanik puwi' ronojel. ¡Ri Are' k'ut u tom ri ki tzij!

Santiago 5:4 ပူးပေါင်းရင်းမြစ်များ

Chapletajic 4:10

Ri Ajawaxel xubij che ri Cain: “¿Jas ri xaban che ri a chak'? Ri u quiq'uel ri a chak' ri xatix cho ri ulew, curak u chi' cuta' chwe chi quinc'äjisaj a wäch.

Ri Job 34:28

Xquibano chi ri qui rakoj tak chi'aj ri mebayib ri e c'o chupam ri c'ax xebopan c'ä chuwäch ri Dios, xetatabex c'u rumal.

Ri Job 7:2

Ruc' jun lok'om pataninel ri quel u c'u'x che u rikic ri mumu'j, ruc' ri jun ajchac ri cacäm che reyexic ri tojbal rech.

Salmib 9:12

Ri qui rikom c'ax quenataj che ri Dios man quesach ta ri cok'ej pa u jolom; man cuya' ta can ri cämisanel chi ma ta cuc'äjisaj u wäch.

Elem 22:27

rumal rech chi xuwi u k'u' wa' c'olic ri cuch'ukbej rib cho ri tew. We man catzelej che, ¿jas ri cucojo cäwaric? We c'u cutz'onoj ri nu to'banic, quinbe na che u to'ic, in nak'atal c'ut chi quinban tok'ob.

Elem 3:9

Ri qui rakoj chi'aj ri aj israelib opaninak chnuwäch, xukuje' wilom ri c'ax ri cäban chque cumal ri aj ejiptib.

Ri Isaiy 1:9

We ta ri Ajawaxel ri c'o ronojel u cuinem ma ta xebuto'tajisaj can quieb oxib chke, je ta ka c'ulmam ri' jas ri xuc'ulmaj ri Sodom xukuje' ri Gomor.

Ri Isaiy 5:7

Ri ticbal u uva ri Ajawaxel ri c'o ronojel u cuinem ri u tico'n ri sibalaj lok' chuwäch, are ri rulew ri Israel, u tinimit ri Juda. Ri Ajawaxel reye'm chi queniman che ri u pixab, xuwi c'u cämisanic curik cuc' reye'm suq'uilal, xuwi c'u cuta' rakoj tak chi'aj re k'oxom.

Ri Isaiy 5:9

Ri Ajawaxel ri c'o ronojel u cuinem xuban ri chi'nic ri kas cäban na chwe: “E q'ui ja queyojyob na; pune' ta ne e nimak xukuje' e je'lic, man c'o ta chi jun caraj cäc'oji' ta chquipam.

Ri Jeremiy 22:13

“¡Tok'ob a wäch, chi are xacoj ri etzelal xukuje' ri man suq'uilal taj che u yaquic ri awachoch xukuje' ri tac'atak tak awachoch aj ajawinel ri quebacoj wi ri winak pa tak chac man c'u c'o ta tojbal quech cayao!

Aj Levitib 19:13

Macoj ri tokinic che ri awajil a tz'akat, mawi c'o mawelk'aj che. Mäcanaj na jun ak'ab awuc' ri tojbal re ri awajchac.

Ri Habacuc 2:11

Xukuje' ne tak ri abaj quech ri nimak tak tapia xukuje' ri che' que tak ri tem quequirakala' na tak qui chi' che a c'ulelaxic.

Ri Malaquiy 3:5

Ri Ajawaxel ri c'o ronojel u cuinem cubij. “In quinpe che u k'atic tzij piwi' ix. Xukuje' quinux c'u na k'alajisanel che qui c'ulelaxic tak ri quequiban tak itzinic, ri quekaj pa mac ruc' jun winak chic, ri xak lok' cäquiban ri chi'nic ri kas cäban na, ri quequiban c'ax chque ri ajchaquib, chque ri malca'nib xukuje' chque ri minorib, ri caquiban lawaloyil chque ri man e qui winakil taj xukuje' ri man nim ta quinquil wi.”

Ri Matey 9:37

Xubij c'u chque ri u tijoxelab: “Kastzij ri k'atoj sibalaj nim, are c'u ri ajchaquib man e q'ui taj.

Ri Lucax 18:7

¿La ma ta ri Dios cuk'at na tzij paquiwi' ri qui c'ulel ri winak ri e u cha'om, we ri e are' cäquirak qui chi', quebochi'n che chi pa k'ij chi chak'ab? ¿La cäbeytaj ta lo ri Dios?

Romanos 9:29

Jas u bim ulok ri Isaiy: “Ri Ajawaxel ri c'o ronojel u cuinem xujuto', rumal ri' e c'o can kija'l. We ta ma ta jeri', xsach ta ka wäch ri' uj jas ri Sodom xukuje' ri Gomor.”

U Camulixic ri Pixab 15:9

Mac'ulaj we itzel chomanic ri' pa a jolom: ‘Cäketet chi ulok ri uwuk junab, ri junab re cuyubal c'asaj.’ Maban c'u a palaj che ri awinakil ri c'o pa mebayil, ma ta c'u caya' ri u jolomal; ri are' cuya' c'u na chuwäch ri Ajawaxel, mac c'u wa' cajilax na chawij.

Colosenses 4:1

Ix ri ix ajawib, chibana' ri suc' xukuje' ri tz'akat cuc' ri iwajchaquib. Iweta'm c'ut chi xukuje' ri ix c'o jun iwajaw pa ri caj.