Santiago 4:12 - Quiché Bible

¹² Xa' jun ri cäyo'w ri pixab, xa' jun ri cäcuin che qui colic o che u sachic qui wäch ri winak. ¿At jachinok chi cak'at tzij puwi' jun chic?

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Xa jun ri Dios qꞌatal tzij, ri kakwinik kakolonik xuqujeꞌ kubꞌan kꞌax. Are kꞌu ri at, ¿jachin jun jeꞌ kanaꞌo cher kaqꞌat tzij puꞌwiꞌ ri ajil tzꞌaqat?

K'iche'

¹² Xa jun ri Dios c'olic ri yo'winak ri Pixab, xuwi c'u ri Are' are kas K'atal Tzij pa ka wi'. Xuwi ri Are' cäcowinic cujuto', cäcowin c'ut chusachic ka wäch. Are c'u ri at, ¿jachin lo ri at chi ri at cak'at tzij puwi' ri awach winak?

K'iche' (New Orthography)

¹² Xa jun ri Dios k'olik ri yo'winaq ri Pixab', xuwi k'u ri Are' are qas Q'atal Tzij pa qa wi'. Xuwi ri Are' käkowinik kujuto', käkowin k'ut chusachik qa wäch. Are k'u ri at, ¿jachin lo ri at chi ri at kaq'at tzij puwi' ri awach winaq?

Santiago 4:12 ပူးပေါင်းရင်းမြစ်များ

Ri Job 38:2

“¿Jachin ri at chi caqueblaj a c'u'x che ri e nu yo'm u bixic cac'ut c'ut cumal tak ri e a tzij chi man c'o ta aweta'm?

Ri Isaiy 33:22

Ri colob ri taninem quech ri che' ri c'o pa qui niq'uiajil ri jucub quet'okpinic, man culic' ta rib ri atz'iak ri cäc'amow qui be. Quekatokij na q'ui tak k'inomal chque ri c'ulel, xukuje' ne ri moy curik na re ri jastak, ri man tz'akat ta cakan qui k'ab cäquitokij na que. Are' c'ut ri Ajawaxel are ka k'atal tzij, are cujpixbenic, xukuje' are' kajawinel, are' cujcolow na.

Ri Matey 10:28

Mixe'j ba iwib chquiwäch ri cäquicämisaj ri cuerp, man quecuin ta c'ut cäquicämisaj ri c'aslibal. Are c'u chixe'j na iwib chuwäch ri jun ri cäcuin che u sachic u wäch ri cuerp xukuje' ri c'aslibal chupam ri xibalba.

Ri Lucax 12:5

Quinc'ut c'u na chiwäch jachin chuwäch rajawaxic quixe'j wi na iwib: Are chixe'j iwib chuwäch ri Jun ri c'o u cuinem che i cämisaxic, xukuje' c'o u cuinem che i ya'ic pa ri xibalba. Je, quinbij chiwe, chuwäch ri are' chixe'j wi iwib.

Romanos 14:13

Je c'u ri', mäkak'atala' chi tzij pakawi'. Xane' are chichomaj chi man quiban ta chque ri iwachalal chi quetzakic o quekaj pa mac.

Romanos 14:4

¿Jachin ri at, rech cak'at tzij puwi' ri pataninel rech jun chic? Are quilow ri rajaw we utz cubano o man utz taj. Utz c'u quel na, rumal rech chi ri Ajawaxel cäcuinic cuto' che u banic ri utz.

Romanos 2:1

Rumal c'u ri', man c'o ta cawesaj wi awib, xa' ta ne at apachinok ri catk'atow tzij. Aretak c'u cak'at tzij puwi' jun chic, cätajin cac'am ulok c'ax pawi' chbil awib. Ri at c'ut ri catk'atan tzij, xa' junam caban ruc' ri jun ri cak'at tzij puwi'.

Romanos 9:20

Are c'u ri at, winak, ¿At jachinok, chi catc'ulelan che ri Dios? ¿La cubij lo ri lak che ri xbanowic: “Jasche je nu banic wa' xabano?”

Hebreos 7:25

Jeri' cäcuin che qui colic chbe k'ij sak ri winak ri quekeb ruc' ri Dios rumal are', rumal rech chi c'asal amak'el rech cubochi'j ri Dios paquiwi'.

Santiago 5:9

Wachalal, mixch'ach'atalob chixo'l rech man cäk'at ta tzij piwi'. Are ri Dios, ri k'atal tzij, tac'al chi' ri uchi'ja.

Nabe Samuel 25:10

Xutzelej c'u u bixic ri Nabal chque: “¿Jachin ri David? ¿Jachin c'u ri' ri u c'ojol ri Isayi? Camic sibalaj e q'ui ri lok'om tak pataninelab quebanimaj chquiwäch ri cajaw.