Santiago 4:1 - Quiché Bible

¹ ¿Jawije' quepe wi ri ch'o'j xukuje' ri c'ulelanic chixo'l? ¿La ma ta pa ri itzel tak i rayinic, ri quech'ojin pa tak ri i tz'akatil?

RI KꞌAKꞌ TESTAMENTO PA TZIJOBꞌAL KꞌICHEꞌ

¹ ¿Jawjeꞌ kape wi ri nim taq chꞌoꞌj xuqujeꞌ ri nitzꞌ taq chꞌoꞌj ri kakꞌulmataj chiꞌxoꞌl? ¿La man kꞌu kakꞌulmataj wa rumal ri itzel taq rayinik ri kꞌo pa iwanimaꞌ?

K'iche'

¹ ¿Jas che xak amak'el quixch'ojinic? ¿Jas che quiban i c'ulel chbil tak iwib? ¿A mat cäpe wa' rumal ri itzel tak rayinic ri cäquicoj qui chuk'ab pa tak ri iwanima'? ¡Je', rumal wa'!

K'iche' (New Orthography)

¹ ¿Jas che xaq amaq'el kixch'ojinik? ¿Jas che kib'an i k'ulel chb'il taq iwib'? ¿A mat käpe wa' rumal ri itzel taq rayinik ri käkikoj ki chuq'ab' pa taq ri iwanima'? ¡Je', rumal wa'!

Santiago 4:1 ပူးပေါင်းရင်းမြစ်များ

Ri Jeremiy 17:9

Man c'o ta jun jasach c'olic ri sibalaj ta subunel na xukuje' sibalaj ta etzeletajinak na jacha' ri anima'aj aj winak. ¿Jachin ta ri ticarel che retamaxic?

Ri Matey 15:19

Chupam c'ut ri anima' quebel wi ulok ri itzel tak chomanic, cäcämisanic, ri kajic pa mac ruc' jun winak chic, ri cuc'axic quib cuc' achijab ixokib che qui banic macunic, eläk'anic, jalum k'alajisanic, yok'onic.

Ri Xuan 8:44

Ri ix ix rech ri i tat ri itzel. Ri u rayinic ri i tat quiwaj quibano. Ri itzel cämisanel kas pa ri tiquiritajic. Man jekelinak ta pa ri kastzij, rumal rech chi man c'o ta ri kastzij ruc'. Aretak cubij banoj tzij, are cutzijoj ri jastak rech, rumal rech chi ri are' banal tzij, xukuje' ri are' u tat ri banoj tzij.

Romanos 7:23

Quinwil c'u jun pixab chic pa ri nu cuerp, ri cuc'ulelaj ri pixab ri utz cäril wi ri nu chomanic. In c'o c'u pa u k'ab ri u pixab ri mac, ri c'o pa ri nu cuerp.

Romanos 7:5

Aretak xujc'oji' pa ri aj macalaj c'aslemal re winak, ri pixab xuc'asuj ri u rayinic ri ka ti'jal che u banic ri mac. Ri xkechbej che wa' are ri cämical.

Romanos 8:7

Ri caquichomaj ri jastak aj winak re mac, cuban u c'ulel che ri Dios. Rumal ri' man cuya' ta rib chuxe' ri u pixab ri Dios, mawi cäcuinic.

Gálatas 5:17

Cumal c'ut ri e aj macalaj tak qui rayinic ri winak, are cäcaj ri man cäraj taj ri Uxlabaxel; are c'u ri Uxlabaxel are cäraj ri man cäcaj taj ri winak cumal ri e itzel tak qui rayinic. C'o jun c'ulelanib chquixo'l, rumal ri' ri ix man quixcuin taj ix are ta quibano jachique ri quiwaj quibano.

Colosenses 3:5

Chibana' ba' chi cäcäm ronojel ri quech ri e u tz'akatil ri e itzel tak e i rayinic ri e rech ri uwächulew: chi c'o jun mamacun cuc' ixokib achijab, mawi muban tz'ilalaj tak jastak, mawi mac'oji' u rayinic che u macurisaxic ri u cuerp, mawi mec'oji' itzel tak u rayinic, mawi mebuya' c'olbal chi ri ranima' queburayij tak k'inomal (are c'u wa' ri qui k'ijilaxic ri e diosib).

2 Timoteo 2:23

Maya' c'olbal chque tak ri tzij, xukuje' ri chomanic ri man c'o ta qui patan, o ri xak cabixic. Aweta'm c'ut chi ri u banic wa' xa cuwalijisaj ch'o'j.

Ri Tit 3:3

Xukuje' ri uj man c'o ta ka no'j nabe canok, man uj nimanelab taj, uj subutajnak, ka yo'm kib pa u k'ab ri xa' ka rayibal xukuje' ronojel u wäch jastak ri xkaj chkawäch. Xkaban etzelal, xpe koyowal we jun chic xurik utzil. Itzel xekil niq'uiaj winak chic, xukuje' itzel xujquil uj ri e are'.

Ri Tit 3:9

Maya' c'u qui k'ij ri conalaj tak chomanic xukuje' ri jo'sanic ri cabix chquij ri e i mam, mayac ch'o'j cuc' ri winak, miban ch'o'j chrij ri pixab. Man c'o ta c'u quechbex chque we jastak ri', man c'o ta qui patan.

Santiago 1:14

Xane' ri winak chquijujunal quetakchi'x che mac, aretak benak qui c'u'x chrij ri qui rayibal ri e are', quec'am bic rumal.

Santiago 4:3

Quita' ri quiwaj, man quic'am ta c'ut, rumal rech chi man utz ta ri quito. Xak quita' jastak che u sachic pa tak i quicotemal.

1 Pedro 1:14

Chibana' jas ri alc'ualaxelab ri quenimanic. Miban chic ri ojer tak i rayibal ri xec'oji' can iwuc' aretak man c'o ta iweta'm.

1 Pedro 2:11

Lok'alaj tak wachalal, chixux je jas winak ri xak queboc'owic, ri e c'o pa jun tinimit man quech taj. Miban ri u rayibal ri i ti'jal, ri cäch'ojin chrij ri iwanima'.

2 Pedro 2:18

Cäquibij nimak tak tzij ri man c'o ta qui patan. Ruc' ri etzelal ri curayij ri qui ti'jal, cäquicoj qui c'u'x ri winak ri c'ämaja' naj quiyo'm can ri sachinakil.

2 Pedro 3:3

Iweta'm chi c'u wa', chi pa ri q'uisbal tak k'ij quepe na winak ri cäquetz'bej u wäch ri jastak aj Dios, are cäquiban na ri etzelal re qui rayibal ri e are',