Santiago 3:9 - Quiché Bible

⁹ Ruc' ri ak'aj cäkanimarisaj wi u k'ij ri Ajawaxel xukuje' ri Tataxel. Xukuje' ruc' wa' quekac'okoj wi ri winak, ri e banom je jas ri u banic ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Rukꞌ ri qaqꞌ kaqaqꞌijilaꞌj ri Dios xuqujeꞌ rukꞌ ri qaqꞌ keꞌqetzelaj kiwach ri winaq ri e tiktal rumal ri Dios.

K'iche'

⁹ Ruc' ri kak' cäkaya u k'ij ri Kajaw Dios ri ka Tat. Ruc' ri kak' xukuje' quekayok' ri winak ri e banom rumal ri Dios ri xak jubik' man e junam tä ruc'.

K'iche' (New Orthography)

⁹ Ruk' ri qaq' käqaya u q'ij ri Qajaw Dios ri qa Tat. Ruk' ri qaq' xuquje' keqayoq' ri winaq ri e b'anom rumal ri Dios ri xaq jub'iq' man e junam tä ruk'.

Santiago 3:9 ပူးပေါင်းရင်းမြစ်များ

Chapletajic 5:1

E are wa' ri cajilabal ri e rija'lil ri Adan. Aretak ri Dios xebuban ri winak, xuwinakirisaj jas ri u ca'yebal ri Dios;

Chapletajic 9:6

“We c'o jun cucämisaj jun winak, jun winak chic cacämisan na ri are', ri winak c'ut xwinak'irisaxic che ri u banic ri u ca'yebal ri Dios.

Ucab Samuel 16:5

Aretak ri ajawinel David xopan pa Bahurim, jun achi rachalaxic ri Saul xel ulok chila'. U c'ojol ri Jer, ri Simeiy u bi', cätajin cuc'okoj

Ucab Samuel 19:21

Xubij c'ut ri Abisay, ri ral ri Sarb, “¿La mat takal che ri Simeiy chi cacämisaxic, rumal rech chi xuc'okoj ri ajawinel ri cha'om rumal ri Ajawaxel?”

Nabe Tzijobelil 29:10

Xuk'alajisaj c'ut ri David chi tewichital ri Ajawaxel chquiwäch conojel ri winak ri qui mulin quib, xcha' c'ut: “¡Lal tewichital ba' Ajawaxel chbe k'ij sak, u Dios ri ka tat Israel!

Nabe Tzijobelil 29:20

Chuq'uisbalil c'ut xubij ri David chque conojel ri winak ri qui mulin quib: “Chixk'ijilan ba che ri Ajawaxel ri i Dios.” Conojel c'ut ri winak xek'ijilan che ri Ajawaxel, qui Dios ri e qui mam, xexuqui' c'ut xquimejela' quib chuwäch ri Ajawaxel xukuje' chuwäch ri ajawinel.

Salmib 10:7

Nojinak ri u pa u chi' chque tak c'okonic, chque banoj tak tzij xukuje' chque tak yok'onic; ri e u tzij quequic'u' il patan xukuje' etzelal.

Salmib 108:1

Ri wanima' suc'umatalic, nu Dios, ¡suc'umatal che qui bixoxic bix che la! Chatc'astajok nu c'aslibal;

Salmib 145:1

Quintzijoj na chi sibalaj nim banic la, nu Dios Wajawinel; quintewichi'j na ri bi' la amak'el.

Salmib 145:21

¡Ri nu chi' chuya' u k'ij ri Ajawaxel! ¡Conojel chquiya' u k'ij ri tastalicalaj u bi', camic xukuje' c'ä chbe k'ij sak!

Salmib 16:9

Rumal ri' cänoj ri wanima' che quicotemal. Quinuxlan pa utzil, man c'o ta jas quinoc ta wi il.

Salmib 30:12

Rumal ri', Ajawaxel xukuje' Dios, man cuya' taj quincanaj xak chi jeri': quebenbixoj na bix che u ya'ic k'ij la amak'el quinya' na maltioxinic che la.

Salmib 34:1

Quintewichi'j na ri Ajawaxel pa conojel jok'otaj, ri nu chi' amak'el cäk'ijilan na che.

Salmib 35:28

Quincoj ri wak' che u k'alajisaxic ri suq'uilal la; ¡quinya' k'ij la, ronojel k'ij quink'ijlan che la!

Salmib 51:14

Mintzokopij la che qui banic cämisanic, nu Dios, Dios re ri nu colotajic, quinwesaj c'u na tzijol la cuc' tak bix chi lal suc'.

Salmib 57:8

Chatc'astajok, nu c'aslibal; chatc'astajok, arp xukuje' nimalaj arp; ¡quinc'astaj na che ri c'ac' k'ij!

Salmib 59:12

Quemacun pa ronojel ri caquibij; ¡chekaj c'u pa u k'ab ri nimal ri quec'amowic xukuje' quequibano ri chi'nic ri kas cäban na ruc' subunic!

Salmib 62:4

Xuwi quichomaj nu t'akixic; ri i quicotemal are ri banoj tzij: ruc' ri i chi' quiya' nu k'ij quiniyok' c'u pa tak iwanima'.

Salmib 63:4

pa ronojel nu c'aslemal quinya' na k'ij la, quinyac ri nu k'ab chwäch la aretak quinch'aw uc' la.

Salmib 71:24

xukuje' ri wak' man cutanaba' ta u bixic chi ri lal, lal suc', e are' tak c'ut ri cäcaj chi quinrik c'ax elinak nimalaj qui q'uixbal.

Ri Tzijonel 7:22

Pune' c'u ne aweta'm at xukuje', chi q'ui mul a yok'om chi jule'.

Ri Isaiy 29:13

Ri Ajawaxel xubij chwe: “We tinimit ri' xak caquitzijoj chi quinquipatanij cäquiya' c'u nu k'ij xak ruc' ri qui chi' naj c'u c'o wi ri canima' chwe, ri k'ijilanic ri cäquiya' chwe xak winak e chomaninak, quicojom c'u pa qui jolom.

Ri Matey 26:74

Ri Lu' xuchaplej c'okonic, xuban jun chi'nic chi kastzij xcha': “Man weta'm ta u wäch we achi ri'.” Chanim ri ama' ec' xok'ic.

Ri Matey 5:44

Are c'u ri in quinbij chiwe: Chebilok'ok'ej ri qui banom qui c'ulel chiwe, chibana' ch'awem ruc' Dios paquiwi' ri caquiban c'ax chiwe.

Hechos 2:26

Rumal wa' ri wanima' xquicotic, sibalaj xquicot ri wak', xukuje' ri nu cuerp c'o na cu'lbal u c'u'x.

Romanos 3:14

Ri u pa qui chi' nojinak che c'axalaj tak tzij, che yok'onic. Ri u pa qui chi' nojinak che c'okonic xukuje' che c'ayil.

1 Corintios 11:7

Man takal taj che ri achi cuch'uk ri u jolom, rumal rech chi are u wächbal ri Dios, xukuje' are yabal u k'ij ri Dios. Are c'u ri ixok are yabal u k'ij ri achi.

Efesios 1:3

Ka k'ijilaj ri Dios ri u Tat ri Kajaw Jesucrist, chupam c'ut ri ka junaxic ruc' ri Crist uj u tewichi'm pa ri caj cuc' tak conojel qui wäch tak tewichibal e aj uxlabal.

Santiago 1:27

Ri k'ijilanic che ri Dios ri kas ch'ajch'oj, ri man tz'ajtal ta chuwäch ri Dios Tataxel are wa': Chi quekilij ri malca'nib xukuje' ri man c'o ta chic qui tat qui nan, ri e c'o pa c'axc'olil, xukuje' chi cäkachajij kib man cakatz'aj ta kib, man cakaban ta ri etzelal re ri uwächulew.

Santiago 3:10

Xa' pa jun chi'aj quel wi ulok ri k'ijilanic che ri Dios xukuje' ri c'okonic. Wachalal, man utz taj chi que ka ban we jastak ri'.

1 Pedro 1:3

Chnimarisax u k'ij ri u Dios xukuje' ri u Tat ri Kajaw Jesucrist, rumal rech chi ri are' sibalaj xel u c'u'x chke, xuya' jun c'ac' ka c'aslemal je ta ne jun alaj ne' c'äte xalaxic, rech c'o c'aslic cu'lbal ka c'u'x rumal ri u c'astajic ri Jesucrist chquixo'l ri cäminakib,

K'atal tak Tzij 9:27

xebel c'u bic pa tak ri juyub che qui c'amic uva, xequipitz'o xquesaj c'ut ri u wa'l uva, xquiban jun nimak'ij, xewa'ic, xebuq'uian, chupam ri rachoch ri qui dios, xquichap c'u u c'okoxic ri Abimelec.