Santiago 2:6 - Quiché Bible

⁶ Ri ix c'ut man nim ta quiwil wi ri meba'. ¿La ma ta e are ri k'inomab ri e c'analaj tak winak ri e c'o piwi', ri quixquicharchatej bic pa ri k'atbal tzij?

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Ix iwetzelam ri mebꞌaꞌ, ¿la man are ri qꞌinomabꞌ ri qas kebꞌanow kꞌax chiꞌwe xuqujeꞌ kixkikꞌam bꞌik choch ri qꞌatbꞌal tzij?

K'iche'

⁶ Are c'u ri ix xa quiwetzelaj qui wäch ri meba'ib, quiwesaj qui q'uixbal. ¿A mat pu e are' ri k'inomab ri quetakan pi wi', quebanow c'äx chiwe, quixquic'am c'u bi chquiwäch ri k'atal tak tzij? ¡Je', je ri'!

K'iche' (New Orthography)

⁶ Are k'u ri ix xa kiwetzelaj ki wäch ri meb'a'ib', kiwesaj ki k'ixb'al. ¿A mat pu e are' ri q'inomab' ri ketaqan pi wi', keb'anow k'äx chiwe, kixkik'am k'u b'i chkiwäch ri q'atal taq tzij? ¡Je', je ri'!

Santiago 2:6 ပူးပေါင်းရင်းမြစ်များ

Ri Job 20:19

Xebut'orij chque ri mebayib xebuwonoba' c'ut; xerechbej tak ja ri man xebuyac taj.

Salmib 10:10

Cäjupic, cuc'ololej rib, quekaj c'u pa u k'ab ri man quecuin taj cäquito' quib.

Salmib 10:14

Lal ilom la ri c'ax ri cäquiban ruc' ri quetzelal; ¡ilom la, cäya' c'u na la rajil u q'uexel chque! Uc' la cäquito' wi quib ri man c'o ta queto'wic; lal ri to'l quech ri minorib.

Salmib 10:2

Ri banal etzelal, ruc' nimarisan ib ch'ujirinak cuban c'ax che ri meba'; pa ri c'amibal c'ut ri u cojom cäkaj wi na.

Salmib 10:8

Cäc'ac'alen chquinakaj ri alaj tak tinimit, chic'uyal cucämisaj ri man c'o ta u mac. Man quel ta ri u bak'wäch chrij ri man cäcuin taj cuto' rib:

Salmib 12:5

Are wa' u bim ri Ajawaxel: “Chque ri mebayib xukuje' ri man c'o ta qui chuk'ab cäban pak'alenic chque xukuje' caban chque chi caquirik c'axc'olil. Rumal ri' camic quinwalijic camic, quebenya' c'u chque ri sibalaj qui rayim ulok.”

Salmib 14:6

Cäquitze'j u wäch ri e u rayinic ri man nim ta u k'ij, are c'u queto'w na ri Ajawaxel.

E C'ambal tak Tzij 14:31

Cuc'axc'obisaj ri u winakirisanel jachin ri cuban c'ax che ri meba', cuya' c'u u k'ij jachin ri quel u c'u'x che.

E C'ambal tak Tzij 17:5

Ri cäretz'bej u wäch ri meba' cuc'axc'obisaj ri u winakirisanel; ri cäjajat che ri u quiäkasakil man cacanaj ta canok we ta ma ta cäc'äjisax u wäch.

E C'ambal tak Tzij 18:23

Ri meba' cäch'aw cuc' tok'lenic; ri k'inom cutzelej u bixic ri cäbix che ruc' nimal.

E C'ambal tak Tzij 22:16

Jachin ri cut'orij ri meba' che u k'inomarisaxic rib o cuya' che ri k'inom, coc na pa ri mebayil.

E C'ambal tak Tzij 22:7

Chquixo'l ri mebayib, ri k'inom are ajawinel; chquixo'l ri ajc'asib, ri ya'l jalomal.

Ri Tzijonel 5:8

Mamayo chi we pa jun ulew chic cawilo chi cäban c'ax che ri meba' catokix c'ut ri suq'uilal xukuje' ri takal u banic, jun c'u nim rekle'n xch'uk u wi' rumal jun chic ri nim na rekle'n, niq'uiaj chi c'ut ri nimak chi na quekle'n quequich'uk qui wi' chic we quieb ri'.

Ri Isaiy 53:3

ri winak cäquetzelaj u wäch xukuje' caquixutuj, Are jun achi q'uisnak pa ri k'oxomal, ri nak'atal che u rikic c'ax, Jacha' jun ri man takal ta u ca'yexic, xketzelaj u wäch, man xujoc ta il che.

Ri Amos 4:1

Chebitatabej tak wa': je'lalaj tak ixokib je ri quixpe ri e chomak tak ati'tab wacax re Basan pa ri juyub re Samar, ixokib ri quequiban c'ax chque tak ri mebayib quebic'axc'obisaj c'ut ri e c'o tak qui rajawaxic, ri quequitak ri cachajilal chi chequic'ama' ulok u wa'l uva rech cacuq'uiaj.

Ri Amos 5:11

Quixak'alej c'ut ri meba', quitok'ej c'u tojbal che ri u trico, man quixcuin taj quixjeki' chquipam tak ri ja re abaj ri e i yacom, mawi qui wuq'uiaj tak na iwe ri u wa'l uva ri quebel chque ri ticbal tak uva ri e i ticom.

Ri Habacuc 3:14

Xcämisaj la ri c'amal u be cumal tak ri kas e u ch'ab, aretak ri e rajquiejab, e jacha' ta ne jun quiakik' jäb, xquiq'uiak quib ruc' ronojel qui ch'ujilal che qui jabuxic ri man quecuin taj caquito' ta quib, che u sachisaxic qui wäch chi c'uyal.

Ri Zacariy 7:10

Miwesaj canima' ri malca'nib, mawi ri minorib, mawi ri man e i winakil taj, mawi ri mebayib. Michomala' qui banic tak c'ax chbil tak iwib.”

Ri Xuan 8:49

Ri Jesus xubij chque: “Man c'o ta itzel uxlabal chwe. Xane' ri in nim quinwil wi ri nu Tat. Are c'u ri ix man nim ta quiniwil wi.

Hechos 13:50

Are c'u ri aj judeyib xquicoj qui c'u'x ri chuchuyib nimak qui k'ij ri cäquik'ijilaj ri Dios xukuje' ri achijab ri nimak qui banic pa ri tinimit, xecokataj ri Pawl xukuje' ri Bernabe, xequesaj bic pa ri qui tinimit.

Hechos 17:6

Aretak c'u man xequirik taj, xequicharchatej bic ri Jason xukuje' jujun chic, xequiya' chquiwäch ri e k'atal tak tzij re ri tinimit. Xquirak qui chi' xquibij: “¡E are wa' ri quequituquij ri winak cho ronojel ri uwächulew, xukuje' e petinak waral!

Hechos 18:12

Aretak c'ut ri Galion are k'atal tzij pa Acay, ri aj judeyib xa' jun qui chomanic xewalij chrij ri Pawl, xquic'am bic pa ri k'atbal tzij.

Hechos 8:3

Are c'u ri Sawl cutuquij ri comon cojonelab, coc pa tak ja. Quebucharchatej bic ri cojonelab chi achijab chi ixokib, quebucojo c'u can pa che'.

1 Corintios 11:22

¿La ma ta c'o iwachoch jawije' quixwa' wi xukuje' quixuq'uian wi? ¿La ma ta nim quiwil wi ri u comon cojonelab ri Dios? ¿Jasche quiwesaj qui q'uixbal ri man c'o ta que? ¿Jas c'u quinbij chiwe? ¿La quinbij lo chi utz ri cätajin quibano? Jayi', kastzij chi man utz taj.

Santiago 2:3

we c'u nim quiwil wi ri u cojom je'lalaj ratz'iak quibij c'u che: “Chatt'uyul waral ri utz wi”, quibij c'u che ri meba': “Chattac'al chila', o chatt'uyul waral puwi' ri qui tac'alibal ri wakan”,

Santiago 5:4

Chiwilampe', ri puak, ri man tz'akat taj ri i yo'm chque ri ajchaquib ri xeyicow qui wäch ri e iwulew. We puak ri' cätajin quixuc'okoj; are' c'u ri Ajawaxel ri c'o ronojel u cuinem u tom ri qui tzujunic we ajchaquib ri'.

Santiago 5:6

I k'atom tzij paquiwi' xukuje' e i cämisam ri e suc'ab. Ri e are' c'ut man xquiya' ta u q'uexel ri c'ax chiwe.