Santiago 2:5 - Quiché Bible

⁵ Lok'alaj tak wachalal, chitatabej ri nu tzij: Ri Dios e u cha'om ri mebayib re we uwächulew ri', chi e are' ri k'inomab che cojonic, cäquechbej na ri ajawibal ri u bim ri Dios chi cuya' na chque ri winak ri cäquilok'ok'ej ri are'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Qas chitampeꞌ, loqꞌalaj taq wachalal: Ri Dios xuꞌchaꞌ ri e mebꞌaibꞌ ri aꞌjuwachulew rech kuꞌxik qꞌinomabꞌ pa ri ajawarem ri kuya na chike konojel ri winaq ri kakiloqꞌaj ri ubꞌiꞌ.

K'iche'

⁵ Lok'alaj tak wachalal, chitampe wa': Ri meba'ib cho we uwächulew, e cha'tal rumal ri Dios rech kas quecojon na che ri Are', xukuje' rech cäyi' na chque ri echbal ru bim ri Dios chi cuya chque ri lok' cäquil wi ri Are'. Are wa' chi queopan ruc' ri Dios rech cätakan ri Are' pa qui wi'.

K'iche' (New Orthography)

⁵ Loq'alaj taq wachalal, chitampe wa': Ri meb'a'ib' cho we uwächulew, e cha'tal rumal ri Dios rech qas kekojon na che ri Are', xuquje' rech käyi' na chke ri echb'al ru b'im ri Dios chi kuya chke ri loq' käkil wi ri Are'. Are wa' chi keopan ruk' ri Dios rech kätaqan ri Are' pa ki wi'.

Santiago 2:5 ပူးပေါင်းရင်းမြစ်များ

Nabe Ajawinelab 22:28

Xutik chi na ri Micaiy: “We e utz akan k'ab la cattzelej la ulok, ri Ajawaxel man ch'awinak ta wumal in.”

Ri Job 34:10

E are' c'u ri alak, winak ri utz ta cächoman alak, chintatabej alak. ¡Mawi machomaxic chi ri Dios, ri c'o ronojel u cuinem, chubana' ri lawaloyil o chuchacuj ta ri ma ta suq'uilal!

Ri Job 34:19

Ri are' man cucoj ta rib cuc' tak ri k'atal tak tzij, mawi are ta cutok'obisaj qui wäch ri k'inomab chquiwäch ri mebayib, are' c'u xebanow conojel.

Ri Job 38:14

Quek'alajin tak c'u na ri e u chi' tak ri ulew cäk'otaj c'ut ri u ca'yebal jacha' jun atz'iak;

Elem 20:6

quebenlok'ok'ej pa jun mil ija'lil ri quinquilok'ok'ej xukuje' quequitz'akatisaj qui banic ri e nu takomal.

E C'ambal tak Tzij 13:7

E c'o jachin tak ri man c'o ta cäc'am chque cäquiban c'u quib chi e k'inomab, e c'o c'u jachin tak c'o ronojel cuc' cäquiban c'u quib chi e mebayib.

E C'ambal tak Tzij 7:24

Je ba' ri', nu c'ojol, chinatatabej; chatoc il che qui tatabexic ri nu tzij.

E C'ambal tak Tzij 8:32

Are' c'u ri camic, ix nu c'ojol, chinitatabej; chitakej u banic iwech ri quinbano sibalaj c'u utz na iwech.

Ri Isaiy 14:32

¿Jas ri cuya' cätzelex bic u bixic chque ri e qui takom we nim tinimit ri'? Chi ri Ajawaxel co u jekebam ri Sion e are' c'u ri e ch'ibatajinak che ri u tinimit caquito' na quib chila.

Ri Isaiy 29:19

Ri man nimak ta qui k'ij quequicot chi na pa ri Ajawaxel, ri sibalaj e mebayib na quequicot chi na pa ri Tastalicalaj u Dios ri Israel.

Ri Soponiy 3:12

In quebenya' canok awuc' winak ri e mach'amoj ri man nim ta qui banic, ri caquijiquiba' na qui c'u'x chrij ri nu bi'.

Ri Zacariy 11:11

Pa ri k'ij ri' man xk'ijin ta chic ri c'ulwächinic, e are tak c'ut ri e lok'ol tak chij, ri cätajin queca'y chwe, xquich'obo chi are' ri Ajawaxel cätajin cäch'aw rumal ri cätajin quinbano.

Ri Zacariy 11:7

Xinchaplej c'u quilixic ri chij ri pilic quij. Xinbij c'u chque ri quelok'ow ri chij chi chinquitojo' che u banic. Xebenban c'u quieb nu ch'amiy: che ri jun xincoj “Utzilal” che ri u bi', che chic ri jun “Junil” u bi'.

Ri Matey 11:5

Ri moyab, queca'yic chic. Ri ch'ocojib quebin chic. Ri c'o ch'a'c chquij quecunatajic. Ri man queta'm taj, queta'm chic. Ri cäminakib quec'astajic. Chque ri mebayib cätzijox wi ri utzalaj tzijol.

Ri Matey 25:34

Cubij c'u na ri Ajawinel chque ri e c'o pa ri riquiak'ab: ‘Tisaj, ix tewichi'm rumal ri nu Tat. Chiwechbej ri ajawibal ri suc'umam chiwe kas pa ri u tiquiritajic ri uwächulew.

Ri Matey 5:3

“Utz que ri cäquich'obo chi cajwataj ri Dios chque, caquechbej c'ut ri rajawibal ri Dios.

Marcos 7:14

Xebusiq'uij chi jumulaj q'uialaj winak, xubij chque: “Chinitatabej, iwonojel. Chich'obo' jas ri quinbij.

Ri Lucax 12:21

Jewa', ri cac'ulmataj ruc' ri winak ri cumulij u k'inomal chbil rib, man k'inom ta c'u ne cho ri Dios.”

Ri Lucax 12:32

“Mixe'j iwib, ch'utinalaj jumulaj nu chij. Cäkaj c'u chuwäch ri i Tat ri u ya'ic ri rajawibal chiwe.

Ri Lucax 16:22

C'o c'u jun k'ij xcäm ri meba'. Xc'am bic cumal ri e tako'n aj caj rech quecol cho u c'u'x ri Abraham. Xukuje' xcäm ri k'inom, xmuk c'ut.

Ri Lucax 16:25

Ri Abraham xubij: ‘Nu c'ojol, chnataj chawe chi xarik utzalaj tak jastak pa ri a c'aslemal, are c'u ri Lazaro xurik itzel tak jastak. Camic c'ut ri are' cu'bisam u c'u'x waral, ri at c'ut catel ch'u'j.

Ri Lucax 22:29

Ri in c'ut quinya' chiwe jun iwajawibal jas ri xuya' ri nu Tat chwe,

Ri Lucax 6:20

Ri Jesus xca'y chque ri u tijoxelab, xubij: “Utz iwe ri ix mebayib, rumal rech chi iwech ri rajawibal ri Dios.

Ri Xuan 7:48

¿La c'o lo jun chque ri nimak qui banic, o chque ri pariseyib, ri e cojoninak che ri are'?

Hechos 7:2

Ri Estebn xubij: “Wachalal tak xukuje' tatayib, tampe' alak ri nu tzij. Ri Dios ri sibalaj nim u k'ij xuc'ut rib chuwäch ri ka mam Abraham aretak c'ä c'o pa Mesopotam, c'ä majok chejekel pa Haran.

Romanos 8:17

We c'u uj alc'ualaxelab, xukuje' uj echbenelab che ri c'aslemal ri cuya' ri Dios. Cujechben na junam ruc' ri Crist, we junam cäkarik c'ax ruc' ri Crist, rech xukuje' junam cuje' c'ol na pa ri u juluwem.

1 Corintios 2:9

Xane' jas ri tz'ibatalic: “Jastak ri man quilom ta ri winak ruc' ri qui bak'wäch, mawi qui tom ruc' ri qui xiquin, mawi qui chomam pa ri canima', e are wa' ri e u suc'umam ri Dios chque ri winak ri quelok'ok'en ri are'.”

2 Corintios 4:15

Ronojel wa' ka c'ulmam rumal iwech. Rech jeri', aretak e q'ui cäquic'am ri u tok'ob ri Dios, sibalaj e q'ui quemaltioxinic, rech cänimarisax u k'ij ri Dios.

2 Corintios 6:10

Je ta ne ri cujbisonic, cujquicot c'u ne amak'el; je ta ne ri uj ta mebayib, e q'ui c'u ne ri e ka k'inomarisam; je ta ne ri ma ta c'o jas c'o kuc', c'o c'u ne ronojel kuc'.

2 Corintios 8:9

Iweta'm c'ut ri u tok'ob ri Kajaw Jesucrist. Ri are' k'inom, xux c'u meba' rumal iwech, rech quixux k'inom rumal ri u mebayil.

Efesios 1:18

Quintz'onoj che ri Dios chi cuya' ri i chomanic pa sak, rech kas quiwetamaj jachique ri cu'lbal c'uxaj re ri i siq'uixic rumal, xukuje' quiwetamaj ri u k'inomal ri u juluwem ri echbal ri cuya' chque ri winak ri e rech ri Dios,

Efesios 3:8

In ri man nim ta nu banic chuwäch ri man nim ta u banic chquixo'l ri e aj u tinimit ri Dios, are' c'ut ri are' yowinak we nimarisabal ib ri' chwe chi quinya' u tzijoxic chque ri man aj judeyib taj ri utzalaj tzijol che qui k'alajisaxic tak ri e u k'inomal ri Crist ri man e ch'obel taj.

1 Tesalonicenses 2:12

Xixkabochi'j chi quixbinic jas ri takal che jun ri terenel ri Dios. Are' ri Dios xixsiq'uinic rech ix jun pa ri rajawibal xukuje' pa ri u juluwem.

2 Tesalonicenses 1:5

C'utbal wa' chi ri Dios suc' cubano cuk'at tzij paquiwi' ri winak. Cäril ri Dios chi ya'tal ri rajawibal chiwe. Rumal wa' quirik c'ax.

1 Timoteo 6:18

Chebataka' chi chquibana' utzil, chebux e k'inom pa utzalaj tak chac, chebux utzalaj tak sipanelab, mäquibij chi quech ri c'o cuc' chquijacha' chque ri niq'uiaj chic.

2 Timoteo 4:18

Xukuje' quinresaj na ri Ajawaxel pa ronojel itzelalaj chac ri cäbantaj na, quinucol na, quinuc'am c'u na bic pa ri rajawibal chicaj. ¡Chnimarisax ta u k'ij ri are' amak'el chbe k'ij sak! Je chbanok.

2 Timoteo 4:8

Kas camic c'ut c'olotal chi apan chwe ri corona re suq'uil, ri tojbal ri cuya' na ri Ajawaxel, ri suc'alaj k'atal tzij pa ri k'ij ri'; man xak xuwi ta c'u chwe in, xane' xukuje' chque conojel ri quelok'ok'en ri u petibal.

Hebreos 11:26

Xuchomaj chi are nimalaj k'inomal na chi cäyok' rumal rech ri Crist, chuwäch ri k'inomal re Ejipt. Are xril apan ri tojbal re.

Santiago 1:12

Caquirik ri quicotemal ri winak ri cucoch' ri c'ambejenic ruc' nimalaj chuk'ab, aretak c'u quilitajic chi ch'äcaninak cuc'am na ri c'aslemal che tojbal rech, are c'u corona wa' ri u chi'm ri Dios chque ri quelok'ok'en che.

Santiago 1:16

Lok'alaj tak wachalal, mixsubutajic.

Santiago 1:19

Rumal wa', lok'alaj tak wachalal, chijujunal chanim chitatabej ri u tzij ri jun chic, chixbeytaj che tzijonic, chixbeytaj che oyowal,

Santiago 1:9

Ri achalaxel ri mach'alic rajawaxic cuna' rib chi nim u banic we ri Dios cunimarisaj u k'ij.

1 Pedro 1:4

rech cuya' jun kechbal ri man cäsach ta u wäch, man tz'ajtajinak taj, ri man cächaki'jar taj, ri c'olom chiwe pa ri caj.

2 Pedro 1:11

Jeri' cäya' na nimalaj oquibal chiwe pa ri junalic rajawibal ri Kajaw, ka Colonel Jesucrist.

Apocalipsis 2:9

Weta'm chi at c'o pa c'axc'olil, at meba', pune' c'ut at k'inom. Weta'm chi quixyok' cumal ri cäquibij quib chi e aj judeyib. Man e je ta c'ut, xane' e jun u comon ri Satanas.

Apocalipsis 21:7

Are' c'ut ri cäch'äcanic cärechbej na we jastak ri'. Quinux na u Dios, ri are' cux na walc'ual.

Apocalipsis 3:18

Rumal wa' quinya' a no'j chalok'o' k'an puak wuc', ri ch'ajch'ojirisam pa k'ak', rech catk'inomaric. Xukuje' chalok'o' sakloloj tak atz'iak wuc', che ratz'iakixic awib, rech man quebel ta u q'uixbal ri ach'analiquil, xukuje' chalok'o' cunabal wuc' che u ya'ic chquipam ri e a bak'wäch, rech catca'yic.

K'atal tak Tzij 9:7

Aretak xretamaj ri Jotam, xpaki' puwi' ri juyub Jerizim, c'ä chila' xurak wi ulok u chi', co xurak u chi' rech cäquita' conojel ri winak: “¡Achijab aj Siquem, utz nu tatabexic chibana'!, ¡rech xukuje' quixutatabej ri Dios!

Nabe Samuel 2:30

Rumal c'u ri' ri Ajawaxel, ri u Dios ri Israel, ri u bim ulok chi ri at xukuje' conojel ri e awachalaxic quepatanin na chuwäch amak'el, camic cuk'alajisaj: Mawi jubik' xak quinwilo chi je caban wa', xane' quinya' qui k'ij ri queyo'w nu k'ij, are c'u ri cäquetzelaj nu wäch queq'uis na pa yok'ic. In, ri Ajawaxel quinjiquiba' u bixic.

Nabe Samuel 2:8

ri Dios cuwalijisaj ri meba' pa ri ulew cäresaj c'ut ri molonel chupam ri tixbal mes, che u t'uyubaxic chquixo'l ri nimak tak achijab cuya' c'u che chi cäya' pa jun c'olbal ri nim u k'ij; rumal rech chi ri Ajawaxel are ajchak'e ri e u tiq'uilibal ri uwächulew, paquiwi' c'u xuya' wi ri uwächulew.