Salmib 97:3 - Quiché Bible

³ ri k'ak' nabe chuwäch quebuporoj c'u ri c'ulel ri quenakajin che.

Salmib 97:3 ပူးပေါင်းရင်းမြစ်များ

Salmib 18:8

Pa ri u tza'm quel ulok si'b, pa ri u chi' jun k'ak' ri cächajirisanic; ¡rachak tak k'ak' ri quejuluwic quebel ulok pa u chi'!

Salmib 18:9

Xupac ri ch'ukuwinak ri caj, xkaj ulok. Chquixe' ri rakan c'o k'ekalaj tak sutz'.

Salmib 50:3

Ri ka Dios cäpetic, man xak ta c'u chi jeri': nabejinak jun k'ak' chuwäch ri cäsachan wächaj; terenetal rumal jun xibibalalaj cakulja.

Ri Ezequiel 1:4

Xinwil c'ut chi petinak jun quiakik' jäb pa ri riquiak'ab ri elebal k'ij; che jun nimalaj sutz' quel wi ulok jun k'ak' jacha' ta ne ri caypa', ri sutim rij rumal jun nimalaj repc'unic. Pa u niq'uiajil ri k'ak' cajuluw jun jasach ri je ta ne jun ch'ich' ri quiäkarinak pa ri k'ak',

Ri Daniel 7:10

jun nima' re k'ak' quel ulok, chuwäch ri are'. Mil chi mil quepatanij che, miyon chi miyon e tac'ätoj chuwäch. Ri k'atan tzij xchapletaj c'ut ri k'atan tzij, xejak c'u tak ri wuj.

Ri Habacuc 3:5

Chuwäch ri are' quebopan wi ri cämisanelalaj tak yabil, chrij c'ut ri nimalaj k'ak' lak'apunel.

Ri Malaquiy 4:1

Ri Ajawaxel ri c'o ronojel u cuinem je cubij wa: “Canakajin ri k'ij, ri canicowic jacha' jun jorno, ri quenicow wi na conojel ri caquiban nimal xukuje' ri e banal tak etzelal jacha' ri pajo chupam jun poro'n. Ri k'ij ri' ri cäpe na quebujarisaj na, man c'o ta c'u cacanaj na chque.

U Camulixic ri Pixab 32:22

Nicowinak ri woyowal jacha' jun k'ak', copan na ri u nicowem pa tak ri c'olbal ri naj e kajinak cusachisaj na u wäch ri ulew xukuje' tak ri u wächinic, cucoj na k'ak' chquixe' tak ri juyub.

U Camulixic ri Pixab 4:11

Ix xixkeb chuxe' ri juyub, ri quebel wi rak' tak k'ak' ri sibalaj naj quebel chicaj, ri xebux jun tzatzalaj k'ekalaj sutz'.

U Camulixic ri Pixab 4:36

Ri are' xixuch'abej ulok kas pa ri caj che i jiq'uic, chuwäch c'ut ri uwächulew xuc'ut wi ri nimalaj u k'ak' chiwäch, xita' c'u ri u tzij pa u niq'uiajil ri k'ak'.

U Camulixic ri Pixab 5:4

Ri Ajawaxel xch'aw iwuc' pa ri juyub chwinakil pa u niq'uiajil ri k'ak'.

2 Tesalonicenses 1:8

cutoj na u q'uexel chque ri man queta'm ta u wäch ri Dios, ri man queniman ta che ri u tzij ri Kajaw Jesus re colobal ib.

Hebreos 12:29

Rumal rech chi ri ka Dios are je ta ne jun k'ak' ri ronojel cuporoj canok.

Apocalipsis 11:5

We c'o jachin jun cäraj cuban c'ax chque, quel ulok k'ak' pa qui chi', quebutij ri quec'ulelanic. We c'o c'u jachin jun cäraj cuban c'ax chque, jewa' ri u cämical curik na.

Apocalipsis 20:15

Ri man e tz'ibatal ta qui bi' pa ri wuj re ri c'aslemal, xeq'uiak pa ri cho re k'ak'.