Salmib 92:9 - Quiché Bible

⁹ Jun jasach ri kastzij, Ajawaxel: ri e c'ulel la cäsach na qui wäch; conojel ri itzel tak winak quejabux na.

Salmib 92:9 ပူးပေါင်းရင်းမြစ်များ

Salmib 1:4

Cuc' ri e banal tak etzelal, man je ta c'ulmatajic, e junam ruc' ri pajo ri quebuc'am bic ri quiakik'.

Salmib 102:13

Walija la chel c'u'x la che ri Sion, xtz'akat ya' ri k'ijol; ¡xurik ri rajilabal u pam ri k'ij rech cacuy la ri u mac!

Salmib 102:25

Co xtiq'uiba' la ri uwächulew kas pa ri qui tiquitajic; lal xbanow la ri caj.

Salmib 37:20

Ri banal tak etzelal quenicow na jacha' ri chaki'j k'ayes; ri qui banom qui c'ulel che ri Ajawaxel, cäsach na qui wäch jacha' ri sib.

Salmib 59:11

Mecämisaj la rech quenataj che ri nu tinimit; chejabuj la ruc' ri cuinem la, chemach'irisaj c'u la. ¡Ri Ajawaxel are' ch'ukubal kib!

Salmib 68:30

chk'ila' la ri Ejipt, we awaj ri' ri aj xic'ay, ri juk'at c'analaj ama'ib tak wacax xukuje' alaj ama'ib tak wacax ri rumal ri qui rayixic tak k'inomal cäquikasaj qui k'ij tak ri tinimit; che jabuj la ri winak ri cäkaj ri ch'o'j chquiwäch.

Salmib 73:27

Ri cäquinajtajisaj quib che la quecäm na; cäsach na la u wäch ri man jic ta cäbin chwäch la.

Salmib 89:10

xtac'alej la ri jilijic awaj re ri plo je ta ne jun cäminak; xejabuj la ri e c'ulel la ruc' ri u chuk'ab ri k'ab la.

Salmib 97:9

ri lal c'ut, Ajawaxel ri lal c'o chicaj, lal c'o puwi' ronojel ri uwächulew, nim na banic la chquiwäch ri diosib.

Ri Isaiy 17:13

Aretak c'ut quebokatax bic rumal ri Dios, naj quebetakal wi, jacha' ri pajo ri cäc'am bic rumal ri quiakik' pa tak ri juyub o jacha' ri quiäkwok' ri cäc'am bic rumal ri salc'um.

Ri Ezequiel 5:12

Jun qui roxil ri e a winakil quecäm na rumal yabil ri man cunatajeltaj xukuje' rumal wi'jal chixo'l ix, ri jun qui roxil chic quecämisax na cumal c'ulel ri e c'o chinakaj, are chi c'ut ri jun qui roxil ri canajinak quebenjabuj na pa ri quiejeb quiakik'. Ri in quebenterenej na ruc' jun ch'ich' re ch'o'j pa nu k'ab.

Aj Levitib 26:33

Are c'u ri ix quinxinjabuj na chquixo'l ri nimak tak tinimit, quintak c'u na bic ch'o'j chiwij; cujalwächij na can jun chaki'j uwo sak ri iwulew, quetz'ini can ri i tinimit tak.

Ajilanic 10:35

Aretak cuchaplej binem ri caxa, ri Moises je cubij wa: “¡Walij la Ajawaxel! ¡Chquijabuj ta quib ri caquiban qui c'ulel che la! ¡Aretak chäca'yex la cumal chebanimaj u bic tak ri itzel quil la cumal!”

Ri Matey 7:23

Ri in c'ut quinbij na chque: ‘Mawi jumul xinch'ob i wäch. Chixel chnuwäch, ix banal tak etzelal.’ ”

Ri Lucax 19:27

E are tak c'ut ri qui banom qui c'ulel chwe, ri man xcaj taj chi c'o nu takanic paquiwi', chebic'am ulok, chebicämisaj chnuwäch.’ ”

Ri Lucax 21:24

Quek'ok'ex na che ch'ich' re ch'o'j, jujun chi c'ut queyut bic quec'am bic pa conojel tak ri nimak tak tinimit; are c'u ri Jerusalen cätac'alex na cumal ri man aj judeyib taj, c'ä quetz'akatisax na ri qui k'ij ri man aj judeyib taj.”

U Camulixic ri Pixab 28:64

Ri Ajawaxel catujabuj na pa conojel ri nimak tak tinimit, pa ronojel ri uwächulew, chila' c'ut quebak'ijilaj wi na jule' tak diosib chic, ri xa e re che', e re abaj, ri mawi ri at, mawi ne ri e a mam xquetamaj ta qui wäch.

K'atal tak Tzij 5:31

¡Ajawaxel je ta u sachic qui wäch wa', conojel ri e c'ulel la, quejulk'in ta c'u na ri quelok'ok'en che la, jacha' ri k'ij aretak sibalaj cätununic!” Aretak xbantaj wa', cawinak junab xc'oji' jamaril pa Israel.