Salmib 92:7 - Quiché Bible

⁷ We ri e banal tak etzelal xukuje' ri e itzel tak winak queq'uiyic e jacha' ri k'ayes, utz c'u quebelic, xa che u sachisaxic qui wäch chbe k'ij sak.

Salmib 92:7 ပူးပေါင်းရင်းမြစ်များ

Ri Job 12:6

Ri t'orinelab e c'o tak ri cachoch pa jamaril; ri caquiya' ri Dios pa yok'ical man c'o ta latz' c'äquiriko, are c'u pa qui c'u'x chi ronojel qui muk'em pa jun qui k'ab.

Salmib 37:38

E are' c'ut ri man e tal ta tzij cäsach na qui wäch conojel; ri caquirik na ri e lawalo are ri u sachisaxic qui wäch.

Salmib 73:12

¡Chixca'y chque we banal tak etzelal ri'! Man c'o ta c'ax cäquirik che u mulixic ri qui k'inomal.

Salmib 73:22

rumal c'u rech chi in man c'o ta nu no'j, man quinch'obon taj; ¡xinjunamataj ruc' jun awaj chwäch la!

Salmib 94:4

Conojel we e banal tak etzelal ri' man c'o ta caquitojbej rech ri qui c'as, xukuje' e banal tak nimal.

E C'ambal tak Tzij 1:32

Ri man c'o ta quetamabal, quebe pa ri cämical, e are' tak c'ut ri man c'o ta qui no'j cäsachisax na qui wäch rumal ri man qui oquem ta il;

Ri Isaiy 37:27

Ri winak ri e c'o chquipam man c'o ta qui chuk'ab e xibirib man caquich'ob ta quib, e uxinak k'ayes re ri juyub, e jacha' räx tak echa', jacha' ri k'ayes ri queq'uiy paquiwi' tak ri u xotil ri ja ri quec'atisax rumal ri quiakik' ri cäpe pa elebal k'ij.

Ri Malaquiy 3:15

Ri uj kilom chi ri quequiban tak nimal sibalaj utz qui taklebem, xukuje' chi ri e banal tak etzelal utz quebel ri jastak chquiwäch, caquic'ambejej c'ut ri Dios man c'u c'o ta jun etzelal cäpe paquiwi'.’ ”

Ri Malaquiy 4:1

Ri Ajawaxel ri c'o ronojel u cuinem je cubij wa: “Canakajin ri k'ij, ri canicowic jacha' jun jorno, ri quenicow wi na conojel ri caquiban nimal xukuje' ri e banal tak etzelal jacha' ri pajo chupam jun poro'n. Ri k'ij ri' ri cäpe na quebujarisaj na, man c'o ta c'u cacanaj na chque.

1 Pedro 1:24

Rumal rech chi ri Tz'ibatalic cubij: “Conojel ri winak xa' e junam ruc' ri k'ayes, ronojel ri qui juluwem xa' junam ruc' ri u cotz'ijal ri k'ayes. Cächaki'jar ri k'ayes, ri cotz'i'j cätzakic.