Salmib 9:12 - Quiché Bible

¹² Ri qui rikom c'ax quenataj che ri Dios man quesach ta ri cok'ej pa u jolom; man cuya' ta can ri cämisanel chi ma ta cuc'äjisaj u wäch.

Salmib 9:12 ပူးပေါင်းရင်းမြစ်များ

Chapletajic 9:5

In quinch'ojij na chque ri winak chquijujunal, xukuje' chque ri awaj chquijujunal, ri i quiq'uel chijujunal. Quinch'ojij na chque ri winak chquijujunal ri u c'aslemal ri rajil u tz'akat.”

Ucab Ajawinelab 24:4

xukuje' rumal ri quic' ri xutixo ri man c'o ta u mac ri xunojasibej rech ri Jerusalen. Rumal rech wa' ri Ajawaxel man xraj ta chic xusach ta chic u mac.

Salmib 10:14

Lal ilom la ri c'ax ri cäquiban ruc' ri quetzelal; ¡ilom la, cäya' c'u na la rajil u q'uexel chque! Uc' la cäquito' wi quib ri man c'o ta queto'wic; lal ri to'l quech ri minorib.

Salmib 10:17

Ajawaxel, lal cata' la ri qui ch'awem ri e mach'alic, cäya' la qui chuk'ab xukuje' coc la il chque.

Salmib 102:17

aretak choc il che ri u bochi'nic ri wonobam, ma ta c'u mat chtatabej la ri e u bochi'nic.

Salmib 132:13

¡Ri Ajawaxel u cha'om ri juyub Sion! ¡U c'utum rech chila' cajeki' wi!

Salmib 22:24

Ri are' ma ta coc il mawi xak ta caroc'owisaj ri qui rikoj c'ax ri mebayib, mawi cuc'u' ta rib chquiwäch. ¡Ri are' quebutatabej aretak caquitz'onoj ri u to'banic!

Salmib 34:6

We meba' ri' xurak u chi', xtataj c'u rumal ri Ajawaxel xresaj c'u chquipam conojel ri e u c'axc'olil.

Salmib 68:17

Ri Dios querajilaj pa tak miyon (1,000,000) ri e u carwaj re ch'o'j; pa ri Sinai xel wi ulok, xopan pa ri rachoch.

Salmib 74:2

Chnataj ri tinimit la che la, ri xrik la ulok ojer pa ri tiquiritajic, ri xlok' la rech cux chi ech la; chnataj ri juyub re Sion che la, ri jekelinak wi la.

Salmib 76:3

chila' xebumuch wi tak ri e banbal tak ch'ojibal: ri quetecak tak ch'ich', ri ch'ich' tak re ch'o'j, ri q'uiakbal tak ch'ab xukuje' tak ch'ab.

Elem 3:7

xutakej c'u u bixic ri Ajawaxel: “Kas wilom ri c'ax ri curik ri nu tinimit ri c'o pa Ejipt. Nu tom ri qui rakoj tak chi'aj u mac rech ri c'ax ri cäban chque cumal ri takanelab ri e cojom paquiwi', kas weta'm ri c'ax ri cäquiriko.

Elem 3:9

Ri qui rakoj chi'aj ri aj israelib opaninak chnuwäch, xukuje' wilom ri c'ax ri cäban chque cumal ri aj ejiptib.

Ri Isaiy 26:21

Quel c'u ulok ri Ajawaxel jekel chupam ri nimalaj rachoch che u c'äjisaxic qui wäch qui mac ri qui mac ri e cho ri uwächulew, ri ulew man quebuc'u' ta chi na ri e u cäminakib, xane' queresaj ulok chisak ri etzelal ri e banom chuwäch.

Ri Isaiy 8:18

Ri in, xukuje' ri e nu c'ojol ri e u yo'm ri Ajawaxel uj mayibalalaj c'utbal chuwäch ri Israel. Uj cojom rumal ri Ajawaxel ri c'o ronojel u cuinem ri jekel puwi' ri juyub Sion.

Ri Matey 23:35

Jeri' piwi' cäkaj wi na ri qui quiq'uel conojel ri suc'alaj tak winak ri e cämisam cho ri uwächulew, turuwinak c'ut ri qui quiq'uel, conojel ri e cämisam ulok kas ruc' ri u quiq'uel ri Abel ri suc', c'ä ruc' ri u quiq'uel ri Zacariy ri u c'ojol ri Berequiy, ri xicämisaj chuxo'l ri k'ijilabal ruc' ri porobal.

Apocalipsis 16:6

U mac rech chi we winak ri' xquituruwisaj ri qui quiq'uel ri tastalic tak winak aj Dios, xukuje' ri quech ri e k'axal tzij, yo'm c'u la quic' chque pa u q'uiaxic. ¡Takal c'u chque!”

K'atal tak Tzij 10:16

Ri aj israelib xequesaj bic tak ri diosib ri quequik'ijilaj, xquichaplej chi u k'ijilaxic ri Ajawaxel, ri Ajawaxel man xucoch' ta chi rilic chi ri aj israelib cäquitakej u rikic c'ax.