Salmib 82:2 - Quiché Bible

² “¿C'ä jampa' lo qui tanaba' u banic jech'alaj k'atoj tzij xukuje' ri u cojic iwib cuc' ri banal tak etzelal?

Salmib 82:2 ပူးပေါင်းရင်းမြစ်များ

Nabe Ajawinelab 18:21

Xkeb c'u ri Eliy cuc' conojel ri tinimit, xubij: “¿C'ä jampa' lo ri quitakej na c'olem chquixo'l we quieb chomanic ri'? We ri Ajawaxel are' ri kas Dios, chiterenej ba' ri are, we c'u are ri Baal, rajawaxic are chiterenej wa'.” Ri tinimit man c'o ta jas xutzelej u bixic.

Ucab Tzijobelil 19:7

Je ba' ri' nim chiwila' wi ri Ajawaxel kas chi xoc il che ri qui bano, rumal rech chi ri Ajawaxel ri ka Dios man xak ta cucoch'o chi cäban ta ri man suq'uil taj, ri jalan wächaj mawi ri u pa k'abaj.”

Ri Job 32:21

Man c'o ta jachin quinpuquej ta u wi'; xak junam quenban chque conojel.

Ri Job 34:19

Ri are' man cucoj ta rib cuc' tak ri k'atal tak tzij, mawi are ta cutok'obisaj qui wäch ri k'inomab chquiwäch ri mebayib, are' c'u xebanow conojel.

Salmib 62:3

¿C'ä jampa' lo qui tanaba' u chomaxic u banic c'ax chwe quinit'akij ta pa ulew jacha' jun tapia ri xak pachal chic o jun ja ri xa co'l man cätzakic?

Elem 10:3

Ri Moises rachilam ri Aaron xebe che u ch'abexic ri ajawinel, xquibij c'u che: “jewa' cubij ri Ajawaxel ri qui Dios ri aj hebreyib: ‘¿C'ä jampa' ri camach' ta na awib chnuwäch? Chatzokopij bic ri nu tinimit rech cäbe che nu k'ijilaxic;

E C'ambal tak Tzij 18:5

Man utz taj chi ri k'atal tak tzij cäquito' u wi' ri c'o u mac, man cäquiban ta c'u suc'alaj k'atan tzij puwi' ri man c'o ta u mac.

Ri Ezequiel 45:9

“In, ri Ajawaxel, quinbij: ¡Ruc' wa', k'atal tak tzij re Israel! ¡Chitanaba' ri tokinic xukuje' ri t'orinic! ¡Chibana' ri suq'uilal xukuje' ri colomal! ¡Chitanaba' reläk'axic ri ulew che ri nu tinimit! In, ri Ajawaxel, quinya' takanic chi cabanic.

Aj Levitib 19:15

Maban ri man suq'uilal taj aretak caban ri a k'atan tzij: mawi mato' u wi' ri tukar, mac'ayij a wib pa u k'ab ri c'o u cuinem. Are kas chabana' ri suq'uilal aretak caban ri k'atan tzij.

Ri Matey 17:17

Ri Jesus xubij chque: “¡Pe xibano, jech'alaj tak winak man ix cojonelab taj! ¿C'ä joropa' k'ij quinc'oji' chi na iwuc'? ¿C'ä jampa' quintakej na i coch'ic? Chic'ama' ulok ri ala waral.”

Gálatas 2:6

Man xequiya' ta c'u c'ac' tak tijonic chwe ri etamatal qui wäch chi e c'amal tak be (ri in man cajwataj ta c'u chwe ri e qui banic ulok, ri Dios man are ta cuya' qui k'ij tak ri e wächbalil.)

U Camulixic ri Pixab 1:17

aretak quik'at tzij, rajawaxic junam ri u k'atic tzij quiban paquiwi' ri winak: Chibana' ri suc'alaj k'atan tzij paquiwi' ri man nimak ta qui k'ij xukuje' paquiwi' ri nimak qui k'ij, mixe'j iwib chuwäch jachin jun, rech c'u ri Dios ri k'atoj tzij. Are c'u we c'o jun jasach ri man quixcuin ta che u k'atic tzij puwi', chic'ama' ulok chnuwäch rech quink'at tzij in puwi'.’