Salmib 81:3 - Quiché Bible

³ Chiwok'esaj trompet aretak cäpe ri c'ac' ic', xukuje' aretak cänoj ri ic', are c'u u k'ijol ri nimalaj ka nimak'ij.

Salmib 81:3 ပူးပေါင်းရင်းမြစ်များ

Ucab Ajawinelab 4:23

“¿Jasche catbe che rilic camic?” xcha' ri rachajil che. “Man c'ac' ic' taj mawi uxlanibal k'ij.” “Matoc il,” xcha' ri ixok.

Nabe Tzijobelil 15:16

Ri David xukuje' xuya' takanic chque ri c'amal tak qui be ri e aj levitib chi, chquixo'l ri camak', che qui c'utu' tak ri bixonelab che qui c'ama' bic tak ri e qui chaconisan che u banic tak ri trompet, nimalaj arp, alaj arp xukuje' quetecak tak k'an ch'ich', chi co che ok'esaxok che u c'utic chi c'o quicotemal.

Nabe Tzijobelil 15:19

Ri e bixonelab Heman, Asap xukuje' ri Etan e are' e cojom che cok'esaxic ri quetecak tak re k'an ch'ich'.

Nabe Tzijobelil 15:24

E are' tak c'ut ri e cojol tabal tok'ob Sebaniy, Josapat, Natanael, Amasay, Zacariy, Benaiy xukuje' ri Eliezer e are' tak ri quebok'esan tak ri trompet chuwäch ri u caxa ri Dios. Ri Ebed-edom xukuje' ri Jehiy xukuje' e c'amal u be ri caxa.

Nabe Tzijobelil 16:42

Wa' quecok'esaj trompet, ri quetecak tak k'an ch'ich' xukuje' niq'uiaj chaconisan chic che u banic ri k'ojom, ri que cachilaj tak ri bix ri quebixox che ri Dios. Ri e u c'ojol ri Jedutun are quekle'n ri quilixic ri e oquibal.

Nabe Tzijobelil 16:6

e are' c'u ri e cojol tabal tok'ob Benaiy xukuje' ri Jahaziel e are' quecok'esaj tak ri trompet chuwäch ri caxa rech ri u c'ulwächinic ri Dios.

Nabe Tzijobelil 25:1

Ri David xukuje' ri c'amal tak qui be ri patanijic re k'ijilanic xequiya' tak patan ri nimak tak qui k'ij chque ri e u c'ojol ri Asap, Heman xukuje' ri Jedutun, ri quek'axen tzij c'o tak qui alaj arp, nimalaj arp xukuje' quetecak tak k'an ch'ich'. Are cajilabal wa' ri quebanow tak we patan ri'.

Ucab Tzijobelil 13:12

Kas ba' chixoc il, chi, ri benak chkawäch uj are benak ri Dios xukuje' ri e u cojol tabal tok'ob, xukuje' chi ri trompet xak queyem caquiya' ri cok'ebal che u chaplexic ri ch'o'j iwuc'. Rumal c'u ri' israelib, mixch'ojin che u c'ulelaxic ri Ajawaxel, ri qui Dios ri e i mam man c'u quixch'äcan ta na.”

Ucab Tzijobelil 13:14

Aretak xeca'y ri aj Juda chquij, xquich'obo chi caban ch'o'j chquiwäch xukuje' chquij. Chi' c'ut xquitz'onoj ri u to'banic ri Ajawaxel, e are c'ut ri e cojol tabal tok'ob xecok'esaj tak ri trompet.

Ucab Tzijobelil 2:4

Chilampe' la quenyaca' jun rachoch ri Ajawaxel ri nu Dios, che u tasic che, ri queporox c'u wi na tak c'oc'al che u ya'ic u k'ij, queya' c'u amak'el chuwäch ri tunaj tak caxlanwa quechi'x c'u tabal tok'ob chuwäch ri quechajirisaxic ak'abibal xukuje' pa ri xk'ekal, xukuje' pa tak ri k'ij re uxlanem, xukuje' pa tak ri nimak'ij rech ri c'ac' ic' xukuje' pa ri jule' tak nimak'ij chic che u ya'ic u k'ij ri Ajawaxel ri ka Dios queboc'owisax c'u amak'el pa Israel.

Ucab Tzijobelil 5:12

Conojel ri aj levi ri quebixonic, Asap, Heman xukuje' ri Jedutun, e cachil tak ri e qui c'ojol xukuje' ri niq'uiaj cachalaxic chic, qui tac'abam tak quib pa ri elebal k'ij che ri porobal, quicojom tak ri catz'iak ri re lino. E cuc'am ri quetecak tak k'an ch'ich', nimalaj tak arp xukuje' alaj tak arp. E achilatal c'u cumal jun sient juwinak (120) e cojol tabal tok'ob ri quecok'esaj trompet.

Ucab Tzijobelil 8:13

Pa tak ri k'ij ri rajawaxic qui chi'xic che je jas ri cubij ri u pixab ri Moises, che u bixic, pa tak ri k'ij que uxlanem, pa tak ri nimak'ij re ri c'ac' ic' xukuje' pa ri oxib nimak'ij ri queboc'ow chujunab: ri quech ri caxlanwa ri man cäya' ta ch'am cuc', ri quech ri wukutak k'ij xukuje' ri quech tak ri Cäbal.

Salmib 149:3

Chibixoj ri u bi' cuc' xojowem, chebibixoj bix che cuc' cok'ebal arp xukuje' tak tzojtzoj.

Salmib 33:2

Chiya' maltioxinic che ri Ajawaxel ruc' rok'ebal arp, chebibixoj bix che ruc' rok'ebal nimalaj arp,

Salmib 98:6

Chixbixon ruc' quicotemal chuwäch ri Ajawaxel, ri Ajawinel, ruc' rok'ibal k'ojom re quiakik'.

Juyuwem 2:6

Jacha' jun eläk'om, xutokij ri u k'ijilabal xuyojij ri c'olbal ri queban wi ri mulin tak ib. Ri Ajawaxel xubano chi pa Sion quesach pa qui jolom coc'owisaxic tak ri e nimak'ij xukuje' ri k'ij que uxlanem. Pa ri u k'ak'al ri royowal, xuxutuj ri ajawinel xukuje' ri cojol tabal tok'ob.

Ri Nahum 1:15

¡Chiwila'! ¡Petinak chic paquiwi' tak ri juyub ri ya'l takquil ri ruc'am ulok tzijol re jamaril! Chebawoc'owisaj tak ri e a nimak'ij Juda; chebatz'akatisaj tak ri chi'nic ri e a banom. Mawi ta chi c'u jumul catkaj ta chi na pa qui k'ab ri e banal tak etzelal; sachinak qui wäch chnimalaj conojel.

Ajilanic 15:3

qui chi'j c'u jun ama' wacax o jun chij che u poroxic che u ya'ic nu k'ij jacha' che tabal tok'ob o tabal tok'ob ri cachajirisaxic ri sibalaj cäc'oc'atic, we che u tz'akatisaxic jun chi'nic o jacha' sipanic ri pa ech wi, o rumal jun nimak'ij,

Ajilanic 28:11

“Chupam ri nabe k'ij re jujun tak ic' qui chi'j na jacha' che tabal tok'ob ri cächajirisaxic che ri Ajawaxel quieb c'ojol tak wacax, jun ama' chij xukuje' wukub alaj ama'ib tak chij re jujun qui junab, ri man c'o ta qui yab.

U Camulixic ri Pixab 16:15

We nimak'ij ri' wukub k'ij quiwoc'owisaj che u ya'ic u k'ij ri Ajawaxel ri i Dios, pa ri c'olbal ri u cha'om; rumal rech chi ri Ajawaxel ri i Dios quixutewichi'j na pa conojel ri e i k'atoj xukuje' pa conojel ri e i chac, sibalaj c'u utz quixel na.

Colosenses 2:16

C'o ba jun mäk'atow tzij piwi' chquij ri jastak ri quitijo o ri quiwuq'uiaj, o chquij jastak re nimak'ij, o re ri c'ac' ic', o quech tak k'ij re uxlanem.