Salmib 80:4 - Quiché Bible

⁴ Ajawaxel, Dios ri c'o ronojel u cuinem, ¿C'ä jampa' catakej la oyowarem che ri u bochi'nic ri tinimit la?

Salmib 80:4 ပူးပေါင်းရင်းမြစ်များ

Salmib 31:17

Che la quintz'onoj wi tok'ob, Ajawaxel; ¡Minya' la pa ri q'uixbal! ¡E are cheya' la ri e banal tak etzelal pa q'uixbal, chekasaj la bic pa ri mukbal!

Salmib 4:7

Nim na ri quicotemal ri yo'm la chupam ri wanima' chquiwäch ri c'o q'uialaj qui trico xukuje' u wa'l qui uva ruc' tz'ebenic.

Salmib 59:5

Lal, Ajawaxel, Dios ri c'o ronojel u cuinem, u Dios ri Israel c'astaj la, c'äjisaj la qui wäch ri quequik'ijilaj tak diosib; matok'obisaj la qui wäch we banal tak etzelal ri'.

Salmib 60:3

Oc'owisam ri tinimit la pa nimak tak c'axc'olil; yo'm la jun u wa'l uva chke pa tijic ri cäch'ujirisanic;

Salmib 74:1

Nu Dios, ¿jasche xujwonoba' la canok? ¿Jasche xnicow ri oyowal la paquiwi' ri chij la re ri yuk'bal la?

Salmib 79:5

Oh Ajawaxel, ¿c'ä jampa' coc'ow ri oyowal la? ¿La xak cätajin wi cänicow ri oyowal la jacha' ri k'ak'?

Salmib 85:5

¿La xa ta pu lo cätakej na la u yukic rakan ri oyowal la pakawi'?

Juyuwem 3:44

Xabolk'otij ib la chupam jun sutz' rech man quetatabej ta la ri e ka bochi'nic.

Ri Daniel 9:17

Ka Dios chtatabej la ri u ch'awem xukuje' ri e u tok'lenic we pataninel ech la ri'; rumal ri bi' la, Ajawaxel, chila la ruc' lok'ok'ebal c'uxaj ri bisobal ri canajinak wi ri achoch la.

U Camulixic ri Pixab 29:20

Ri Ajawaxel man cuya' ta ri sachbal u mac, xane' cukasaj ri u k'ak'al ri royowal puwi' we winak ri', cäkaj c'u na puwi' ronojel ri c'okonic ri u yo'm u bixic chupam we wuj ri', are c'u ri Ajawaxel cusach na qui wäch ri e u k'ab tak rachalaxic chuwäch ri uwächulew.