Salmib 72:2 - Quiché Bible

² rech ruc' colomal xukuje' suq'uilal cajawin puwi' ri tinimit la xukuje' paquiwi' ri mebayib la.

Salmib 72:2 ပူးပေါင်းရင်းမြစ်များ

Ucab Samuel 23:3

Ri u Dios ri Israel ch'awinak; ri to'l rech ri Israel u bim chwe: ‘Ri cuk'at tzij paquiwi' ri winak ruc' suq'uilal, ri cuk'at tzij chupam ri xe'n ib chuwäch ri Dios.

Nabe Ajawinelab 10:9

¡Tewichital ba' ri Ajawaxel ri Dios la, ri xkaj la chuwäch xujach c'ut ri ajawibal re Israel che la! ¡Rumal ri nimalaj u lok'obal c'u'x ri Ajawaxel ri c'o ruc' amak'el che ri Israel, u banom ajawinel che la rech cak'atan la tzij ruc' colomal xukuje' suq'uilal!”

Nabe Ajawinelab 3:28

Ronojel Israel xunabej ri k'atan tzij ri xuban ri ajawinel che u sachisaxic u tza'm ri ch'o'j, nim xquil wi, rumal rech chi xquilo chi are' ri Dios yowinak u no'j che u cojic ri suq'uilal.

Nabe Tzijobelil 29:19

Ya' ba' la che ri nu c'ojol Salomon jun jicomalaj ranima' rech cacuinic quebutz'akatisaj tak ri e takomal la, ri e tz'ibatalic k'alajisanic tak xukuje' tak ri pixab, chebubana' c'ut ronojel ri caquibij, rech xukuje' cacuin che u yaquic ri ja ri e nu suc'umam wi can ri jastak che u yaquic.”

Ri Job 34:19

Ri are' man cucoj ta rib cuc' tak ri k'atal tak tzij, mawi are ta cutok'obisaj qui wäch ri k'inomab chquiwäch ri mebayib, are' c'u xebanow conojel.

Salmib 12:5

Are wa' u bim ri Ajawaxel: “Chque ri mebayib xukuje' ri man c'o ta qui chuk'ab cäban pak'alenic chque xukuje' caban chque chi caquirik c'axc'olil. Rumal ri' camic quinwalijic camic, quebenya' c'u chque ri sibalaj qui rayim ulok.”

E C'ambal tak Tzij 29:14

Ri ajawinel ri cuban suc'alaj k'atan tzij chque ri mebayib, cujekeba' ri u tem re ajawibal re k'ij junab.

Ri Isaiy 32:1

Coc na jun ajawinel ri cajawin na ruc' jicomal xukuje' k'atal tak tzij ri cäquiban na suc'alaj k'atan tzij.

Ri Isaiy 32:17

Ri suq'uil cuya' na jamaril, jororemal xukuje' cu'lbal c'uxaj chbe k'ij sak.

Ri Isaiy 9:7

Cät'uyi na chupam ri u tem re ajawibal ri David; culic' na ri u cuinem aj ajawinel pa ronojel c'olbal, ri jamaril man cäq'uis ta na; ri rajawinic co cajeki' na canok, ri e u tac'alibal are ri suq'uilal xukuje' ri ya'tal u banic kas camic c'ä chbe k'ij sak. Wa' cuban na ri nicowelalaj u lok'ok'ebal c'u'x ri Ajawaxel ri c'o ronojel u cuinem.

Ri Jeremiy 33:15

Aretak chopan we k'ijol ri' xukuje' we k'ij ri', quinban na chi ri David c'o na jun kas rija'lil, ri cujekeba' na ri suq'uilal xukuje' ri colomal chupam ri ulew.

Ri Ezequiel 34:16

Quebentzucuj tak na ri nu chij ri e sachinak, quebenc'am na ulok ri qui jalom tak qui be, quebenbotz' tak na ri jujun cakan ri e k'ajinak, quebento' na ri tukarib, quebenchajij na ri e chomak ri xukuje' ri e co. Ri in utzalaj qui chajixic quinban na.

Apocalipsis 19:11

Xinwil ri caj jaktalic. Xinwil jun sak rij quiej. Are' ri t'uyul chrij cäbix Jic xukuje' Kastzij che. Ruc' suq'uil cuk'at tzij xukuje' cäch'ojinic.