Salmib 72:12 - Quiché Bible

¹² Are' c'u cäyo'w na ri to'banic che ri meba' ri cätz'ononic, xukuje' ri c'o u rajawaxic ri man c'o ta jachin cabanow tok'ob che u to'ic.

Salmib 72:12 ပူးပေါင်းရင်းမြစ်များ

Ucab Samuel 14:16

We c'u ri lal quel c'u'x la chwe, quinto'tajisaj c'u la pa u k'ab apachin ta ne ri cäraj cusachisaj ka wäch, ri in xukuje' ri wal, cho we uwächulew ri' ri rech ri Dios.

Ri Job 29:12

ri in xinya' to'banic chque ri e minorib xukuje' chque ri e mebayib, winak ri man c'o ta jun cayo'w ta to'banic chque.

Ri Job 36:15

Rumal ri rikoj c'ax, ri Dios cuto'tajisaj ri curik c'ax; rumal ri c'axc'ol cuban che chi cach'obonic.

Salmib 10:17

Ajawaxel, lal cata' la ri qui ch'awem ri e mach'alic, cäya' la qui chuk'ab xukuje' coc la il chque.

Salmib 102:17

aretak choc il che ri u bochi'nic ri wonobam, ma ta c'u mat chtatabej la ri e u bochi'nic.

Salmib 102:20

Che u tatabexic ri cok'ej ri e c'o pa tak che', che qui tzokopixic ri e c'okotajinak che cämical;

Salmib 55:17

Quintzujun na chuwäch, quinok' na ak'ab, benak k'ij xukuje' chak'ab, cutatabej c'u na ri nu ch'abal.

Salmib 72:4

¡Chubana' suq'uilal ri ajawinel chque ri mebayib! ¡Chebuto'tajisaj ri calc'ual ri c'o qui rajawaxic, chebuxak'alej c'ut ri e banal tak c'ax!

E C'ambal tak Tzij 29:7

Ri suc' coc il che u to'ic ri meba', are' c'u ri banal etzelal man c'o ta cubij u c'u'x che.

Ri Tzijonel 4:1

Xinya' c'u nu wäch chque ri c'axc'olil ri quec'ulmataj cho we uwächulew ri'. Xinwil c'ut chi ri banom c'ax chque quebok'ic, man c'o ta c'u jachin jun cacu'bisan ta qui c'u'x; ri e banal tak c'ax quequicoj tak chuk'ab chque, man c'o ta c'u jachin jun cacu'bisan ta qui cux.

Ri Isaiy 41:17

Ri winak ri e meba' ri man c'o ta qui rajil, cäquitzucuj ja' man cäquirik ta c'ut. Chaki'jarinak ri cak' rumal ri chakij chi', are c'u ri in, ri Ajawaxel, quinoc na il chque, in, ri u Dios ri Israel, man quebenya' ta canok.

Ri Lucax 4:18

“Ri Ruxlabal ri Ajawaxel c'o panuwi'. Rumal rech chi in u tasom che qui tzijoxic ri utzalaj tak tzij chque ri mebayib; che qui tzijoxic chque ri winak ri e tz'apim pa che'; che qui jakic ri qui bak'wäch ri moyab che quitzokopixic, ri qui rikom c'ax pa qui k'ab ri qui c'ulel.

Ri Lucax 7:22

Ri Jesus xubij chque ri e u tijoxelab ri Xuan: “Jix, chiya' u tzijoxic che ri Xuan jas ri xiwilo, ri xito. Chibij che chi ri moyab queca'yic, ri ch'ocojib quebinic, ri c'o ch'a'c chquij quejosk'itajic. Ri man quetan taj, cäjaktaj ri qui xiquin, ri cäminakib quec'astajisaxic, chque ri mebayib cätzijox wi ri tzij re colobal ib.

2 Corintios 8:9

Iweta'm c'ut ri u tok'ob ri Kajaw Jesucrist. Ri are' k'inom, xux c'u meba' rumal iwech, rech quixux k'inom rumal ri u mebayil.

Hebreos 7:25

Jeri' cäcuin che qui colic chbe k'ij sak ri winak ri quekeb ruc' ri Dios rumal are', rumal rech chi c'asal amak'el rech cubochi'j ri Dios paquiwi'.

Nabe Samuel 22:2

Xukuje' xequimulij quib ruc' conojel ri e c'o pa tak c'axc'olil, conojel ri c'o qui c'as xukuje' conojel ri man cäquirik taj jas caquibano, ri David are xux c'amal qui be. Ri quebin ruc' craj e c'o quiejeb sient (400) achijab.