Salmib 72:10 - Quiché Bible

¹⁰ ¡Chec'am tak ulok sipanic che xukuje' tak cuchuj cumal ri ajawinelab aj Tarsis xukuje' cumal ri tak ri tinimit ri e c'o chupam ri plo, ri ajawinelab re Saba xukuje' ri e rech Seba!

Salmib 72:10 ပူးပေါင်းရင်းမြစ်များ

Chapletajic 10:7

Ri e u c'ojol ri Cus are' ri Seba, ri Habil, ri Sabta, ri Raam, ri Sabtec. Ri e u c'ojol ri Raam are' ri Seba, ri Dedan.

Nabe Ajawinelab 10:1

Ri ixok ri cajawin pa Saba xuta' u tzijol ri nimalaj u banic ri Salomon ri u rikom che u ya'ic u k'ij ri Ajawaxel, xbe c'u pa Jerusalen, che rilic we kastzij ri cabixic e ruc'am c'u bic c'axalaj tak c'otoj chi'aj che. Sibalaj c'u wiktalic xopanic, e ruc'am cameyib ri quekam c'oc'al, jumulaj k'an puak, xukuje' je'licalaj tak abaj ri sibalaj pakal cajil. Aretak xoc chuwäch ri Salomon, xebuban ri c'otoj tak chi'aj che ri u chomam u banic,

Nabe Ajawinelab 10:10

Ri ixok ajawinel xujach jumuch' wukub (87) quintal k'an puak, jumulaj c'oc'al, xukuje' je'licalaj tak abaj ri pakal cajil. Mawi jumul opaninak pa Israel jumulaj c'oc'al jacha' ri xusipaj ri ixok ajawinel re Saba che ri ajawinel Salomon.

Nabe Ajawinelab 10:25

conojel c'ut caquic'am bic jun sipanic che chujunab: jastak re sak puak xukuje' k'an puak, k'ubal, banbal ch'ojibal tak, jastak ri quec'oc'atic, quiejab xukuje' mulayib.

Ucab Tzijobelil 9:21

quebec'uya' ri e u jucub ri ajawinel pa Tarsis cuc' ri achijab ri e pataninel tak rech ri Hiram, quetzelej c'u ulok chu ox ox tak junab, quebequic'ama' ulok k'an puak, sak puak, marpil, c'oyab xukuje' tak e u juyubal no's ri cotz'i'j tak quij.

Ri Ester 10:1

Ri ajawinel Asuer xucoj jun tojonic paquiwi' tak ri tinimit ri e c'o chupam ri ulew xukuje' tak ri tinimit ri e c'o tak chupam ri plo.

Salmib 45:12

U mia'l ajawinel re Tir, ri sibalaj e k'inomab na chquixo'l ri winak, cuc' tak sipanic, cäcaj chi quekaj chawäch.

Salmib 68:29

Kas chupam ri jutac'ajalaj achoch la ri c'o pa Jerusalen, ri quebopan wi tak ri ajawinelab cuc'am tak sipanic che la,

Salmib 68:30

chk'ila' la ri Ejipt, we awaj ri' ri aj xic'ay, ri juk'at c'analaj ama'ib tak wacax xukuje' alaj ama'ib tak wacax ri rumal ri qui rayixic tak k'inomal cäquikasaj qui k'ij tak ri tinimit; che jabuj la ri winak ri cäkaj ri ch'o'j chquiwäch.

Ri Isaiy 42:10

Chibixoj che ri Ajawaxel jun c'ac' bix kas pa ri c'olbal ri sibalaj naj che ri ulew chek'ijilan che jachin tak ri quebin puwi' ri plo xukuje' ri chicop ri e jekel chupam, ri ulew tak ri e c'o chupam ri plo xukuje' ri e u winakil.

Ri Isaiy 42:4

Man cuxlan taj mawi cäq'uistaj u c'u'x, c'ä cujekeba' na ri suq'uil cho ri uwächulew. Ri ulew tak ri e c'o chupam ri plo cäquitatabej na ri e u tijonic.”

Ri Isaiy 43:3

In c'ut ri Awajaw, ri a Colonel, ri Tastalicalaj u Dios ri Israel. In at nu lok'om; Ri nu lok'obem awech are' ri Ejipt, ri Etiopiy xukuje' ri Seba e are nu lok'obem awech,

Ri Isaiy 43:6

quinbij na che ri riquiak'ab elebal k'ij: ‘Chebatzelej ulok,’ che c'u ri u mox elebal k'ij: ‘Mabano chi quecanaj awuc'. Chebac'ama' ulok ri e nu c'ojol xukuje' ri e nu mia'l pune' naj e c'o wi, kas c'ä chuq'uisbal ri uwächulew,

Ri Isaiy 49:7

Ri Ajawaxel, ri toronel, ri Tastalicalaj u Dios ri Israel, cubij che ri tinimit ri sibalaj etzelam u wäch, ri quetzelax u wäch cumal ri niq'uiaj tinimit chic, ri uxinak qui lok'om pataninel ri itzel tak winak: “Aretak catquil ri ajawinelab xukuje' tak ri e qui c'ojol, quewalij na cäquimej na quib chawäch, rumal rech chi in, ri Ajawaxel, ri Tastalicalaj u Dios ri Israel, xatincha'o, quebentz'akatisaj c'u na ri e nu chi'm.”

Ri Isaiy 60:3

Ri nimak tak tinimit quepe na che rilic ri a chaj, ri ajawinelab are' tak quepe na che u tzucuxic ri u juluwem ri a sakil.

Ri Isaiy 60:6

Cäsutix c'u na awij cumal tinimit camey ri quepe pa Madian xukuje' pa Epa quepe na conojel ri aj Saba, quekam ulok k'an puak xukuje' c'oc'al, caquesaj c'u na u tzijol ri juluwemalaj tak jastak ri e u banom ri Ajawaxel.

Ri Isaiy 60:9

E jucub ri e petinak junam, cachil ri jucub re Tarsis ri e nabejinak ulok chquiwäch, naj e petinak wi e qui c'amom ulok ri awal, cuc'am ri qui k'an puak xukuje' ri qui sak puak, che u ya'ic u k'ij ri Ajawaxel, ri Tastalicalaj u Dios ri Israel ri xunimarisaj a k'ij.

Ri Matey 2:11

Xeboc pa ri ja, xquil c'u ri ac'al c'o chunakaj ri Mariy ri u nan, xexuqui' chuwäch ri ac'al, xquik'ijilaj. Xquijak ri qui c'olbal, xquichi'j sipanic che k'an puak, c'oc'alaj k'ol, xukuje' ri cunabal mir.