Salmib 71:22 - Quiché Bible

²² Are' c'u ri in, pa we wi, quebenbixoj na bix quink'ijilaj na ri nimalil la, ruc' ri rok'ibal ri arp xukuje' ri re ri nimalaj arp, nu Dios, tastalic pa Israel.

Salmib 71:22 ပူးပေါင်းရင်းမြစ်များ

Ucab Ajawinelab 19:22

¿Jachin ri a c'axc'obisam xukuje' a yok'om? ¿Jachin chrij xajak wi ri ach'abebal xukuje' xebasolcopij tak ri a bak'wäch che ruc' nimal? ¡Chrij ri tastalicalaj u Dios ri Israel!

Salmib 138:2

Quinxuqui' na chusuq'uil ri tastalicalaj achoch la, che u ya'ic maltioxinic che la rumal ri lok'ok'ebal c'u'x la xukuje' ri kastzij la, nu cojom c'u ri bi' la xukuje' ri tzij la paquiwi' conojel ri jastak.

Salmib 144:9

Ajawaxel, quinbixoj jun c'ac' bix che la; quebenbixoj bix che la ruc' ri nimalaj arp.

Salmib 25:10

Conojel tak ri u be e re lok'ok'ebal c'uxaj xukuje' e re kastzij chque ri cäquiban ri u rayibal xukuje' ri cäquinimaj ri u takanic.

Salmib 33:2

Chiya' maltioxinic che ri Ajawaxel ruc' rok'ebal arp, chebibixoj bix che ruc' rok'ebal nimalaj arp,

Salmib 43:4

Quinopan c'u na chuwäch ri porobal ri ech la nu Dios, quinya' na k'ij la chila' ruc' arp, are c'u ri lal, nu Dios, canojisaj la ri nu c'aslemal che quicotemal.

Salmib 56:4

Quincu'ba' nu c'u'x chrij ri Dios, quinya' u k'ij ri u tzij; quincu'ba' nu c'u'x chrij ri Dios, man quinxe'j ta c'u wib. ¿Jas ta ri cäcuin ri winak cuban chwe?

Salmib 78:41

Q'ui mul xquic'ambejej; ¡xquiya' bis che ri Tastalic ri c'o pa Israel!

Salmib 89:1

Amak'el quinbij chupam ri nu bix, Ajawaxel, chi sibalaj lal banal utzil; man quintanaba' ta u tzijoxic chi ri lal lal jic.

Salmib 89:18

¡Ri ch'ukubal kib are' ri Ajawaxel! ¡Ri kajawinel are' ri Suc' re Israel!

Salmib 98:3

man resam ta ri lok'ok'ebal u c'u'x xukuje' ri u jicomal puwi' ri u tinimit Israel. ¡C'ä pa ri q'uisbal u jutz' ri uwächulew ilitajinak wi ri u ch'äcanic ri ka Dios!

Salmib 98:4

Chixbixon che ri Dios ruc' quicotemal, ri ix jekel chuwäch ronojel ri uwächulew; chi tzokopij ri i quicotemal chebibixoj tak bix che.

Salmib 98:5

Chebibixoj bix che ri Ajawaxel ruc' rok'ibal arp, cuc' cok'ibal k'ojom ri c'o qui c'amal:

Ri Isaiy 12:6

Chebiya' rakoj tak chi'aj re quicotemal ri ix jekel pa Sion, rumal rech chi ri Tastalicalaj u Dios ri Israel c'o pa i niq'uiajil ruc' ronojel ri u nimalil.”

Ri Isaiy 43:3

In c'ut ri Awajaw, ri a Colonel, ri Tastalicalaj u Dios ri Israel. In at nu lok'om; Ri nu lok'obem awech are' ri Ejipt, ri Etiopiy xukuje' ri Seba e are nu lok'obem awech,

Ri Isaiy 5:16

Ri Ajawaxel ri c'o ronojel u cuinem cuc'ut na rib chi nim u banic, pa ri k'ij aretak cuk'at tzij ri Tastalicalaj Dios cuc'ut na ri u tastaliquil aretak cuban ri suq'uilal.

Ri Isaiy 5:19

Ix ri quibij: “Chanim chubana' ri Dios ri jastak ri cubij, rech quekilo; chi ri Tastalicalaj u Dios ri Israel chutz'akatisaj chanim ri e u chomam qui banic rech cäketamaj qui wäch.”

Ri Isaiy 5:24

Rumal ri', jacha' ri k'ak' ri cuporoj ri pajo, xukuje' ri rak' k'ak' cuchajirisaj ri chaki'j tak u xak che', jewa' xukuje' ri u sachic i wäch, jacha' ri tico'n ri cäk'ay ri qui rab, cätuquin ri qui cotz'ijal jacha' ri puc'uc' ulew. Rumal rech chi man nim ta xiwil wi ri u tijonic xukuje' ri u takanic ri Ajawaxel ri c'o ronojel u cuinem, ri Tastalicalaj u Dios ri Israel.

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

Ri Isaiy 60:9

E jucub ri e petinak junam, cachil ri jucub re Tarsis ri e nabejinak ulok chquiwäch, naj e petinak wi e qui c'amom ulok ri awal, cuc'am ri qui k'an puak xukuje' ri qui sak puak, che u ya'ic u k'ij ri Ajawaxel, ri Tastalicalaj u Dios ri Israel ri xunimarisaj a k'ij.

Ri Miquey 7:20

¡Ajawaxel, jekeba' la, ri jiquil xukuje' ri lok'ok'ebal c'uxaj ri xchi'j la ulok ojer chque ri e ka mam ri Abraham xukuje' ri Jacob!

Romanos 15:8

Quinbij c'ut chi ri Crist Jesus xpe che qui patanixic ri aj judeyib che ri u chi'nic ri Dios, rech quebantaj ri jastak ri xubij ulok ri Dios chque ri e ka mam chi cuya' na ruc' ri jiquil.