Salmib 71:20 - Quiché Bible

²⁰ Pune' banom la chwe chi e wilom e q'ui c'axc'olil xukuje' rikoj tak c'ax, banom la chwe chi in c'aslic; quinwalijisaj c'u na la chuxe' ri u najil ri u pam ri ulew,

Salmib 71:20 ပူးပေါင်းရင်းမြစ်များ

Ucab Samuel 12:11

In, ri Ajawaxel, quink'alajisaj: Quinban na chi pa ri awachoch caq'uiy wi na ulok ri etzelal ri cakajbej, chawäch c'ut quebenc'am na ri awixokil quebenjach c'u na pa u k'ab jun chque ri e awalaxic, ri cak'oyi' na cuc' aretak c'a canicow ri k'ij.

Salmib 119:25

Camem quinbano; ¡chya' la nu c'aslemal, jas ri u cholajil ri chi'nic la!

Salmib 138:7

Aretak quinriktaj chupam ri sayowem, ri lal cäya' la nu c'aslemal; calic' ri cuinem la quinto'tajisaj c'u la, chuwäch ri coyowal ri e nu c'ulel.

Salmib 16:10

Man quinya' ta la canok chupam ri mukubal, ¡man cawonoba' ta la canok pa ri mukubal ri jicalaj achil ib la ruc'!

Salmib 60:3

Oc'owisam ri tinimit la pa nimak tak c'axc'olil; yo'm la jun u wa'l uva chke pa tijic ri cäch'ujirisanic;

Salmib 60:5

¡Choc la il chke, chujcolo' la ruc' ri chuk'ab la! ¡Ri e lok' chwäch la chebesaj la pa ri c'ax!

Salmib 80:18

mawi c'u jubik' cäkatas ta chi na kib chij la. ¡Ya' la ka c'aslemal, xuwi c'u ri lal cäkanataj la!

Salmib 85:6

¿La ma ta cäya' chi na la ka c'aslemal, rech cäquicot ri tinimit la uc' la?

Salmib 86:13

¡Man c'o ta u q'uisic ri lok'ok'ebal c'u'x la chwe! ¡In esam la pa u k'ab ri cämical!

Salmib 95:4

Ri are' e c'o ri e u najil ri u pam ri ulew pa u k'ab; e rech ri juyub ri sibalaj naj e elinak chicaj.

Ri Isaiy 26:19

E are c'u ri cäminak la quec'asi' chi na, ri e qui bakil quec'astaj na. Ri quewar chupam ri ulew quec'asutaj na cäquirak na qui chi' ruc' quicotemal. Cätak c'u la ulok ri sakil la jacha' ri räx k'ab e are' tak c'ut ri cäminakib queq'uiy chi na chupam ri ulew.

Ri Isaiy 38:17

Chilampe' la, che u q'uexwäch ri c'axc'ol, camic c'o jamaril wuc'. Ri lal xto' la ri nu c'aslemal chuwäch ri jul re sachbal wächaj, rumal rech chi e cuyum c'u la conojel ri nu mac.

Ri Jonas 2:6

Xinekaj c'ä chquixe' tak ri juyub; ¡xinna' wib chi in junalic rajpache'! Are c'u ri lal, Ajawaxel nu Dios, xinesaj la pa ri cämical.

Marcos 15:34

Pa ri urox rajilabal ri benak k'ij ri Jesus xurak u chi' ruc' chuk'ab, xubij: “Eloi, Eloi, ¿lama sabactani?” Quel cubij wa: “Nu Dios, Nu Dios, ¿jasche xinya' la can nu tuquiel?”

Hechos 2:24

Are c'u ri Dios xuc'astajisaj, xutzokopij chupam ri k'oxowem re ri cämical. Rumal rech chi ri cämical man xcuin taj xuchap canok.

Efesios 4:9

¿Jas quel cubij wa' chi xpaki'c? Quel cubij chi nabe xkaj ulok cho ri uwächulew.

Apocalipsis 7:14

Xinbij c'u che: “Wajaw, wa' lal lal etamaninak.” Ri are' xubij chwe: “E are wa' ri e elinak ulok pa ri nimalaj c'axc'olil, ri qui ch'ajom ri catz'iak, xquisakarisaj pa ri u quiq'uel ri Alaj Chij.

Nabe Samuel 2:6

Ri Ajawaxel caresaj ri c'aslemal xukuje' cuya'o; cujukasaj pa ri mukubal cuban c'ut chi cujpaki ulok.