Salmib 71:16 - Quiché Bible

¹⁶ Ajawaxel, quintzijoj na ri nimak tak jastak ri banom la; quinwesaj na u tzijol chi xuwi ri lal lal suc'.

Salmib 71:16 ပူးပေါင်းရင်းမြစ်များ

Salmib 106:2

¿Jachin ta ri cäcuinic quebutzijoj tak ri ch'äcanic ri u banom ri Ajawaxel? ¿Jachin ta ri cäcuinic cuya' u k'ij jas ri takal che?

Salmib 29:11

Ri Ajawaxel cuya' u chuk'ab ri u tinimit; ri Ajawaxel cutewichi'j ri u tinimit ruc' jamaril.

Salmib 51:14

Mintzokopij la che qui banic cämisanic, nu Dios, Dios re ri nu colotajic, quinwesaj c'u na tzijol la cuc' tak bix chi lal suc'.

Salmib 71:15

ronojel ri jun k'ij quintzijoj cuc' ri nu chi', chi lal lal uj colowinak banom c'u la suq'uilal chke. ¡Jun jasach wa' ri man quinrik ta u ch'obic!

Salmib 71:19

Ri suq'uil la, nu Dios, copan c'ä chicaj; ri lal e banom la nimak tak jastak; ¡man c'o ta chi jun ri junam ta uc' la!

Salmib 71:2

¡Chinesaj la pa ri c'ax, chincolo' la, sibalaj c'u lal suc'! Choc la il che nu to'ic, chincolo' c'u la.

Salmib 71:24

xukuje' ri wak' man cutanaba' ta u bixic chi ri lal, lal suc', e are' tak c'ut ri cäcaj chi quinrik c'ax elinak nimalaj qui q'uixbal.

Ri Isaiy 26:13

Ajawaxel xukuje' ka Dios, e jule' takanelab e uxinak kajaw, xuwi c'u ri lal ka banom Kajaw che la.

Ri Isaiy 40:31

are c'u ri cäquicu'ba' qui c'u'x chrij ri Ajawaxel cäc'aq'uir na ri qui chuk'ab amak'el, quecuinic querapapic jacha' ri cot quecuinic quexiq'uinic man quecos taj, quebinic man quetukar taj.

Ri Isaiy 63:7

In quinwaj quintzijoj ri lok'ok'ebal u c'u'x ri Ajawaxel, quebenbixoj bix che yabal u k'ij rumal ronojel ri u banom ri are' che ka to'ic, rumal ri nimalaj utzil ri u banom chque conojel ri aj israelib, rumal ri u banom ruc' ri rutzil chupam c'ut ri nimalaj lok'ok'ebal u c'u'x.

Ri Zacariy 10:12

In quinyo'w na qui chuk'ab, quech'äcan c'u na pa ri nu bi'. In, ri Ajawaxel, quinya' ri nu tzij.”

Ri Matey 6:33

Rumal c'u ri' are chicojo' i chuk'ab che u rikic ri rajawibal ri Dios chibana' c'ut ri cutok'ij ri Dios, quebic'am c'u na xukuje' conojel tak we jastak ri'.

Romanos 1:17

Ri utzalaj tak tzij cuc'ut chkawäch chi ri Dios cuban suc' chke rumal ri cojonic, xak xuwi rumal ri cojonic. Jas ri cubij ri tz'ibatalic: “Ri suc'alaj winak cäc'asi na rumal ri cojonic.”

Romanos 10:3

Man queta'm ta c'u ri suq'uil ri cuya' ri Dios. Are cäcaj cäquirik ri suq'uil rumal ri qui chac. Man cäquinimaj ta c'u ri cubij ri Dios.

Romanos 3:21

Camic c'ut, k'alajisam chic jas cuban ri Dios che u banic suc' chque ri winak man rumal ta ri pixab. Quetamax c'u wa' rumal ri cubij ri pixab xukuje' rumal ri qui wuj ri k'axal tak u tzij ri Dios.

Efesios 3:16

Quinta' che ri Tataxel chi jas ri u k'inomal ri u juluwem, cuya' i chuk'ab xukuje' cuinem pa ri iwanima' rumal ri Ruxlabal ri Dios,

Efesios 6:10

Are c'u ri camic, wachalal tak, chicowirisaj iwib pa ri Ajawaxel Jesus, xukuje' pa ri u cuinem ri u chuk'ab.

U Camulixic ri Pixab 33:25

chec'ol c'opibal re tak u oquibal, re räx ch'ich' xukuje' re k'an ch'ich', chbeytaj c'u ri u chuk'ab junam ruc' ri u c'aslemal.

Filipenses 3:9

Xukuje' rech quinriktaj pa ri are'. Jeri' in suc' chic man rumal ta ri u nimaxic ri pixab, xane' rumal rech chi xincojon che ri Crist. Are suq'uil wa' cuya' ri Dios rumal ri cojonic.

Filipenses 4:13

Ronojel quincuin chubanic are' c'u Crist ri cäyo'w nu chuk'ab.

2 Tesalonicenses 1:6

Suc' chuwäch ri Dios chi cuya' c'axc'olil paquiwi' ri winak ri cäquiban c'ax chiwe.

2 Timoteo 2:1

Ri at, nu c'ojol, chatux co pa ri tok'ob ri c'o pa ri Crist Jesus.