Salmib 68:7 - Quiché Bible

⁷ Nu Dios, aretak xnabej la chuwäch ri tinimit la, xbinisaj c'u la ulok pa ri chaki'j uwo sak,

Salmib 68:7 ပူးပေါင်းရင်းမြစ်များ

Salmib 107:34

ri ulew ri cäwächinic cuq'uex pa rulewal atz'am rumal ri quetzelal ri winak ri e c'o chila';

Salmib 146:7

Cuban suq'uil chque ri e c'o pa c'axc'olil, quebutzuk c'ut ri e c'o pa wi'jal. Ri Ajawaxel quebutor ri e tz'apitz'oj;

Elem 13:21

Ri Ajawaxel xnabej chquiwäch pa k'ij pa jutac'aj sutz' che u c'amic qui be, chak'ab xnabej chquiwäch pa jutac'aj k'ak' che u c'utic ri qui be. Rumal c'u ri' xecuinic xebin chak'ab, xukuje' pa k'ij.

Ri Isaiy 61:1

Ri Ruxlabal ri Ajawaxel c'o panuwi', in u tasom c'ut ri Ajawaxel in u takom che u ya'ic utzalaj tak tzijol chque ri mebayib, che qui to'ic ri qui rikom c'ax, che u ya'ic tzijol che u bixic chque ri e ximaxoj cuc' tikom ch'ich' chi e torotajinak chic, che quitoric ri e c'o pa che';

Ri Miquey 2:13

Ri Dios are' ri cajakow na ri qui be, queteri c'u na chrij quebel c'u na bic chuchi' ri oquibal chupam ri tinimit. Ri cajawinel, ri Ajawaxel, cänebej na chquiwäch conojel.

U Camulixic ri Pixab 4:34

¿La c'o lo jun dios ri u cha'om ta jun u tinimit chquixo'l ri niq'uiaj tak tinimit chic, cuc' tak c'ambejenic, etal, mayibal xukuje' tak ch'o'j, ri xuc'ut ta ri nimalaj u chuk'ab chuwäch, xebuban ta xibibalalaj tak jastak jas jacha' ri xebuban xukuje' chiwe ri Ajawaxel pa Ejipt?

K'atal tak Tzij 4:14

Ri Debora xubij che ri Barac: “¡Jät, camic ri k'ij aretak ri Ajawaxel cujach ri Sisara pa a k'ab! ¡Nabejinak chi c'u ri Ajawaxel chquiwäch ri awajch'ojab!” Ri Barac xkaj ulok puwi' ri juyub Tabor e rachil ri lajuj mil (10,000) ajch'ojab,

K'atal tak Tzij 5:4

Ajawaxel, aretak xel la ulok pa tak ri juyub re Seir; aretak xebeya' la can ri ulew re Edom, xyicop ri ulew, xbirbob ri caj, ri sutz' xquitzokopij ulok ri jäb.