Salmib 66:14 - Quiché Bible

¹⁴ ri chi'nic tak ri xebenban che la aretak xinc'oji' chupam ri xak quieb xubij panuwi'.

Salmib 66:14 ပူးပေါင်းရင်းမြစ်များ

Chapletajic 35:3

Chixwalijok, chujpakal pa Betel; chila' quinbana' wi na jun porobal che u k'ijlaxic ri Dios ri xinuto' aretak in in ch'ibatajinak, c'olinak c'u wuc' pa apachique c'olbal ri in c'olinak wi.”

Ucab Samuel 22:7

Pa tak ri welebal ch'u'j xinsiq'uij ri Ajawaxel, xintz'onoj ri to'banic che ri nu Dios, xinutatabej c'ut kas pa ri rachoch; ¡ri e nu rakoj tak chi'aj xebopan pa tak u xiquin!

Salmib 18:6

Pa ri nu bis xinsiq'uij ri Ajawaxel; xintz'onoj ri u to'banic ri nu Dios, xinutatabej ri are' pa ri rachoch; xopan ri nu rakoj chi'aj pa ri u xiquin.

Ajilanic 30:12

We c'u ri rachajil, aretak coc pa u jolom, cubij chi man queban taj, man ya'tal ta chi che chi quebutz'akatisaj are' c'ut ri rachajil xbin che chi man quebuban taj. Ri Ajawaxel man cucoj ta u chuk'ab che chi quebutz'akatisaj.

Ajilanic 30:2

“Ri Ajawaxel u yo'm takanic chi aretak c'o jun winak cuban jun chi'nic che o cuya' u tzij che u banic jun jasach chi'nic ri kas cäban na, rajawaxic cutz'akatisaj ri u tzij chubana' c'u ronojel ri u chi'm u banic.

Ajilanic 30:8

We c'u ri rachajil, aretak coc pa u jolom, cuk'il che qui banic, man ya'tal ta chi c'u ri' che chi cutz'akatisaj qui banic ri xebuchi'j xukuje' ri u yo'm u tzij che qui banic ri man xebuchomaj ta na. Ri Ajawaxel man cucoj ta na u chuk'ab che chi quebutz'atisaj qui banic.

Nabe Samuel 1:11

xuban c'u we chi'nic ri' che: “Ajawaxel ri c'o ronojel u cuinem: we ta quel c'u'x la che ri c'axc'olil ri c'o wi we pataninel ech la ri', quinnataj ta c'u che la, cäya' ta c'u la jun wal ala, in quinjach na che patanixic la, che c'u ri retal we tastajic ri' man cäsocax ta ri u wi' conojel ri k'ij ri cac'asi'c.”