Salmib 65:4 - Quiché Bible

⁴ Utz re ri winak ri cächa' la ri cäc'am c'u la bic rech cäjeki' chnakaj la, pa tak ri c'olbal ri e c'o pa ri achoch la. ¡Chujnojisaj la che ri utz na ri c'o pa ri achoch la, che ri u tastaliquil ri achoch la!

Salmib 65:4 ပူးပေါင်းရင်းမြစ်များ

Ucab Tzijobelil 6:39

tatabej la, ri e qui ch'awem xukuje' tak ri e qui bochi'nic kas pa ri caj, kas pa ri c'olbal jawije' ri jekel wi la, chäto' la u wi' sacha' la qui tza'm ri e u banom ri macaj ri tinimit la chwäch la.

Salmib 135:4

Xucha' c'u ri Jacob, ri Israel, rech cux kas u k'inomal pa rech wi.

Salmib 15:1

Ajawaxel, ¿jachin ta ri cäcuinic cac'oji' pa ri achoch la? ¿Jachin ta ri cäcuinic cäjeki' pa ri tastalicalaj juyub la?

Salmib 17:15

Are c'u ri in, kastzij cäcu'bi nu c'u'x ruc' ri rilic rib ka wäch uc' la, ¡ruc' ri nu c'olem chwäch la aretak chinc'astajic!

Salmib 23:6

Ri utzil la xukuje' ri lok'ok'ebal c'u'x la quincachilaj na conojel ri k'ij ri quinc'asi' na, chupam c'u ri achoch la, Ajawaxel, quinjeki' wi na chbe k'ij sak.

Salmib 24:7

¡Chixjaktajok, junalic tak oquibal! ¡Chejakjob can ri cacab tak i xak, coc c'u na ri ajawinel aj juluwem!

Salmib 33:12

Utz rech ri tinimit ri are' u Dios ri Ajawaxel, ri tinimit ri u cha'om rech cux rech.

Salmib 36:8

Kas quenoj rumal ri wa ri telechi'm pa ri achoch la; ri lal cäya' la jun je'licalaj nima' che cuq'uia',

Salmib 38:5

U mac rech chi man in tal ta tzij, ri e nu socotajic quek'ayic, quechuwiric.

Salmib 4:3

Chiwetamaj chi ri Ajawaxel are cäbe ranima' ruc' ri winak ri jic cäbin chuwäch; chiwetamaj chi ri Ajawaxel quinutatabej aretak quinsiq'uij.

Salmib 63:5

Kas c'u quinnoj canok, jacha' ri cutij ronojel ri ulabal ri sibalaj je'lic, e are tak c'ut ri nu chi' quek'ijilan na che la ruc' quicotemal.

Salmib 84:4

¡Sibalaj e tewichital ri e jekel chupam ri achoch la man quetani' ta che u ya'ic k'ij la!

Ri Jeremiy 31:25

Quintilichi'j na ri qui wa xukuje' ri cuq'uia' ri e cosinak xukuje' ri man c'o ta chi qui chuk'ab.”

Ri Miquey 7:18

Man c'o ta chi c'u jun Dios jacha' ta ri lal, quecuy c'u la ri etzelal, quesach c'u pa jolom la ri qui walijisam tak quib ri ch'utinalaj u tz'akatil ri tinimit la. Lal cac'ut la ri lok'ok'ebal c'u'x la chkawäch man c'u cajekeba' ta la ri oyowal la chbe k'ij sak.

Efesios 1:4

Ri Dios xujucha' pa ri Crist aretak c'ä majok cätiquitaj ulok ri uwächulew, rech cujux tastalic tak winak, cujc'oji' chuwäch ri are', man c'o ta ka mac.

2 Tesalonicenses 2:13

Kachalal ix lok'ok'em rumal ri Ajawaxel, rajawaxic chi amak'el cujmaltioxin che ri Dios rumal iwech. Rumal rech chi pa ri u tiquiritajic, ri Dios xixucha' rech quixcolotajic rumal ri Uxlabaxel ri cuban tastalic tak winak chiwe, rumal ri i cojonic che ri kastzij.

Apocalipsis 3:12

Apachin ri cäch'äcanic, quincoj na che rakan ja pa ri rachoch ri nu Dios, mawi jumul quel chi bic. Quintz'ibaj na ri u bi' ri nu Dios chrij, xukuje' ri u bi' ri u tinimit ri nu Dios, ri c'ac' Jerusalen ri cäkaj ulok chicaj ruc' ri nu Dios. Xukuje' quintz'ibaj na ri c'ac' nu bi' chrij.