Salmib 60:2 - Quiché Bible

² Xban la chi xyicop ri uwächulew, xujak c'u rib; camic c'ut, chetz'apij la ri e u tetobic cätajin c'u cäwulwubic.

Salmib 60:2 ပူးပေါင်းရင်းမြစ်များ

Ucab Tzijobelil 7:14

we c'u ri nu tinimit, ri tinimit ri cojom ri nu bi' chrij, cumach'irisaj c'u rib, cuban ch'awem wuc', quinutzucuj cuya' c'u canok ri itzel u c'aslemal, ri in quintatabej na ulok kas chicaj, quebensach c'u na ri e u mac quintzelej c'u na ri telechinic che ri winak pa ri rulew.

Ri Osey 6:1

Tisaj iwonojel chujtzelej c'u ruc' ri Ajawaxel. Are' xujmuchuwic cujrutzirisaj c'u na xukuje'; xujusoco, cujucunaj c'u na xukuje'.

Ri Isaiy 30:26

Ri Ajawaxel cucunaj na xukuje' cubotz' na ri u socotajic ri u tinimit. Ri ic' xak junam cätunun chic ruc' ri k'ij, ri u tun ri k'ij cux na wukub mul ri u chuk'ab, jacha' ri qui tun wukub k'ij ri junam quetununic.

Ri Ezequiel 34:16

Quebentzucuj tak na ri nu chij ri e sachinak, quebenc'am na ulok ri qui jalom tak qui be, quebenbotz' tak na ri jujun cakan ri e k'ajinak, quebento' na ri tukarib, quebenchajij na ri e chomak ri xukuje' ri e co. Ri in utzalaj qui chajixic quinban na.

Ri Jeremiy 48:38

“Paquiwi' conojel tak ri ja re Moab xukuje' pa conojel ri e u xo'l tak ri ja xak xuwi juyuwem quetatajic, rumal rech chi xinmuch ri Moab jacha' jun lak ri man c'o ta cajwataj wi. In, ri Ajawaxel quinjiquiba' u bixic.”

Ri Jeremiy 10:10

Ri Ajawaxel, are ri' ri kas Dios, ri c'aslic Dios, ri junalic ajawinel. Aretak coyowaric, cayicop ri uwächulew ri nimak tak tinimit man caquich'ij ta u coch'ic ri royowal.

Ri Jeremiy 4:24

Xebenwil tak ri juyub, cätajin c'u queyicopic; conojel ri qui wi' tak ri juyub quebirnajic.

Ri Isaiy 5:25

Rumal ri' ri Ajawaxel xpe royowal che ri u tinimit, xuyac ri u k'ab che u c'äjisaxic u wäch. Ri juyub xebirbobic, ri cäminakib xejiljoxin canok jacha' mes pa tak ri be. Man oc'owinak ta c'u ri royowal ri Ajawaxel ri are' c'ä u takem u cojic xib.

Salmib 18:7

Xuban c'u jun nimalaj cabrakan cho ri ulew: xeyicop ri qui tac'alibal tak ri juyub; xeyicya'x rumal ri royowal ri Ajawaxel.

Ri Matey 27:51

Te c'u ri' ri tasbal u pam ri rachoch Dios xjixjobic. Ajsic xjixjob wi ulok, xkaj c'ä iquim quieb xubano. Xuban jun cabrakan. Ri nimak tak abaj xepak'inic.

Ri Habacuc 3:10

Ri tacatak tak juyub queyicopic aretak quil la cumal; quetzokopitaj ulok ri nimak tak jäb cho ri caj, ri choalaj plo cäjininic ri u jininem quebuyac c'ut ri nimak tak u rekbala'.

Ri Amos 8:8

¿La ma ta c'u lo cäbirbob ri ulew rumal ronojel wa'? ¿La ma ta c'u lo quebok' conojel ri winak ri e jekel chi'? ¡Ri ulew cäpaki' na, cäkaj c'u na, jacha' ri cäquiban ri u ja'lil ri Nil quepakic, quekaj c'ut!

Ri Jeremiy 30:17

Quintzelej na ri rutzil a wäch, quebencunaj na ri e a socotajic, pune' ta c'u ne caquibij ri cäquiban qui c'ulel chawe: ‘Ri Sion malabam canok, man c'o ta jun coc ta il che.’ In, ri Ajawaxel quinjiquiba' u bixic.”

Ri Jeremiy 14:17

Chabij che ri tinimit ri quinbij chawe: ‘Cheturuw u wa'l tak nu wäch chi pa k'ij chi chak'ab, ri ma ta che tanic, rumal ri xibibalalaj u q'ueyowal ri c'o wi ri nu tinimit, rumal ri u socotajic ri sibalaj nimatajinak.

Salmib 114:7

¡Chatbirbobok at, ulew chuwäch ri Ajawaxel, ri u Dios ri Jacob!

Ri Job 9:6

Ri are' cubano chi cayicop ri ulew queslabetaj c'ut ri e u tac'alibal.

Ri Isaiy 7:8

Ri Damasc are nim tinimit aj Siriy, xukuje' ri Rezin are rajawinel ri Damasc ri Samar are nim tinimit aj Eprain, are c'u ri u c'ojol ri Remaliy are rajawinel ri Samar pa oxc'al job junab (65) ri Eprain cutanaba' ruxic nim tinimit; we ri ix man c'o ta jun i cojonic ri co c'olic, xukuje' man co ta quixtaq'ui' canok.’ ”

Salmib 104:32

Ri uwächulew cäyicopic aretak cäcäyex rumal; ¡ri juyub cäquesaj sib aretak cächap rumal!

Salmib 89:40

Xejak la jul chque conojel ri e nimak tak u tapia; ¡xeyojyobisaj la ri e u tinimit tak!

Ri Job 5:18

We ri are' cuban jun soconic, ri are' xukuje' cubotz' na; we ruc' ri u k'ab cuban ri soconic, xukuje' are' ruc' ri u k'ab cucunaj na.

Juyuwem 2:13

¿Jas ta ruc' catinjunamaj wi o catinjunamataj ta wi, je'licalaj Jerusalen? ¿Jas ta ri c'utbal ri quincuin ta che u ya'ic chawäch che u cu'bisaxic a c'u'x, ch'ajch'oj xukuje' je'licalaj tinimit re Sion? Sibalaj nim jacha' ri plo ri u sachisaxic a wäch; ¿jachin ta lo ri cäcuinic cuya' ta jubik' uxlanic chawe?

Ucab Samuel 22:8

Xpe c'u jun nimalaj cabrakan xyicopitaj ri ulew: xeyicopitaj tak ri e u tac'alibal ri caj; xetotax rumal ri royowal ri Ajawaxel.

Elem 15:11

Oh, Ajawaxel, man c'o ta jun dios ri cacuintaj cujunamaj ta rib uc' la. Man c'o ta chi jun ri sibalaj ta tastalic na mawi nim u bantajic jacha' ta ri lal. Quebe ban la mayibalalaj tak jastak xukuje' xibibal. Ya'tal che la chi cak'ijilax la.

Ucab Samuel 8:1

Xch'ojin c'ut ri David cuc' ri aj pilisteyib, xebuch'äco, xecanaj chuxe' ri u takanic, xresaj c'ut ri u chuk'ab ri takanic ri c'o pa qui k'ab.

Nabe Tzijobelil 18:3

Ri David xukuje' xuch'äc ri Hadad-ezer, ajawinel re Soba, ri c'o chusuq'uil ri Hamat, aretak are ta xraj xbe che u majixic ri ulew ri c'o chuchi' ri nima' Euprats.

Nabe Tzijobelil 18:5

Xebopan tak c'ut ri aj siriyab aj Damasc che u to'ic ri Hadad-ezer, ri ajawinel re Soba, xebuch'äc c'ut ri David ri aj siriyab, xebucämisaj c'u juwinak quieb mil chque wa'.

Nabe Tzijobelil 18:12

Are chi c'u ri Abisay, ral ri Sarb, xebuch'äc wajxaklajuj mil (18,000) aj edomib chupam ri beya' re atz'am.