Salmib 6:6 - Quiché Bible

⁶ In cosinak che ok'ej. Jujun tak ak'ab quinq'uis wib che ok'ej cäch'aki' ri nu ch'acat cumal ri u wa'l nu wäch.

Salmib 6:6 ပူးပေါင်းရင်းမြစ်များ

Ri Job 10:1

“¡In cosinak chic che ri c'aslemal! Quinco' wib cumal tak ri e nu tzujunic, quintzokopij na ulok ri nu c'ayil.

Ri Job 16:20

chebuk'axej tak ri e nu chomanic chuwäch ri Dios, rech ri are' queril ri u wa'l tak nu wäch;

Ri Job 7:3

Je tak coc'owisaxic ri ic' wa' nu banom ruc' elem ch'u'j, queboc'ow ri jujun tak ak'ab re rikoj c'ax.

Salmib 115:17

Ri e kajinak chi bic chupam ri ulew re ri yinelem, ri e cäminak chic, man quecuin ta chic cäquiya' u k'ij ri Ajawaxel;

Salmib 30:10

Ajawaxel, chintatabej la, chel c'u'x la chwe; Ajawaxel, ¡chinto' la!

Salmib 38:9

Ajawaxel, eta'm la ronojel ri quinrayij; ¡xukuje' ri e nu bik'bitem man e c'utal ta chwäch la!

Salmib 39:12

Ajawaxel, tatabej la ri nu ch'awem ri quiban chwäch la, ¡chetatabej la ri e nu juyuwem!, ¡xak mail la ri u wa'l nu wäch! Ri in in uxinak che la xa in oc'owel jun chicop ri c'o u xic', e jacha' ri e nu mam.

Salmib 42:3

Pa k'ij xukuje' chak'ab, ri e u wa'l nu wäch e are nu wa, amak'el c'ut cäc'ot nu chi', cäbix chwe: “¿Jawije' c'o wi ri a Dios?”

Salmib 69:3

Xak catarin chic ri nu kul cumal rakoj tak chi'aj; cäk'oxow chi ri u pa nu kul; ¡e k'itajinak chic ri nu bak'wäch che ri sibalaj reyexic ri nu Dios!

Salmib 88:11

¿La cätzijox ta chi c'u ri kastzij la xukuje' ri lok'ok'ebal c'u'x la pa ri mukubal, chupam ri ajawibal re ri cämical?

Salmib 88:9

Rumal ri sibalaj ok'ej cätajin quincanaj moy; ¡ronojel k'ij quintz'onoj tok'ob che la, Ajawaxel, quebenwalijisaj ri nu k'ab che la!

Ri Isaiy 38:18

Ri e c'o pa ri mukubal, man quecuin ta quek'ijilan che la, ri cäminakib man quecuin ta cäquiya' juluwem chech la, ri quekaj pa ri jul man quecuin ta cäqueyej ri jiquil la.

Ri Jeremiy 14:17

Chabij che ri tinimit ri quinbij chawe: ‘Cheturuw u wa'l tak nu wäch chi pa k'ij chi chak'ab, ri ma ta che tanic, rumal ri xibibalalaj u q'ueyowal ri c'o wi ri nu tinimit, rumal ri u socotajic ri sibalaj nimatajinak.

Juyuwem 1:16

We jastak ri' quinquiya' pa ok'ej. Ri e nu bak'wäch quenoj che qui wal tak wächaj, man c'o ta c'u jachin jun ri c'o ta wuc' ri cacu'bisan ta nu c'u'x, man c'o ta jachin jun ri cuya' ta c'ac' chajin anima'aj chwe. Chquixo'l tak ri etzeletajic xecanaj wi can tak ri e walc'ual, are c'u xch'äcan na ri c'ulel chkawäch uj.

Juyuwem 1:2

Cajik' pa ok'ej chak'abibal tak; ri e u wa'l tak wächaj quebelel tak cho ri u palaj. Chquixo'l tak conojel ri e rach ch'abem man c'o ta jun ri cacu'bisan ta u c'u'x. Conojel ri canima' quib ruc' e jachinelab quieb qui wäch; che qui banom qui c'ulel che.

Juyuwem 2:11

Ri ok'ej quequitzajisaj ri nu bak'wäch, quinna' c'ut chi carokopij ri uwo nu c'u'x; ri chajin anima' ri c'o wuc' kajinak c'a cho ri ulew rumal ri rilic chi sachinak u wäch ri qui tinimit ri e nu winak, rumal ri rilic chi ri ac'alab ri c'ä quetunic quecäm che wi'jal xo'l tak ri ja pa ri tinimit.

Ri Lucax 7:38

Xkeb pa rakan ri Jesus, cok'ic. Xuchaplej qui ja'xic ri rakan ruc' ri u wa'l u wäch, quebusu' ruc' ri u wi'. Xebutz'umaj ri rakan, xukuje' xutix ri c'oc'al chquij.