Salmib 6:2 - Quiché Bible

² Ajawaxel, chel c'u'x la chwe, quinna' wib chi man c'o ta nu chuk'ab. Ajawaxel, tzelej la ri rutzil nu wäch, ronojel c'u ri nu cuerp cäbirbitic.

Salmib 6:2 ပူးပေါင်းရင်းမြစ်များ

Chapletajic 20:17

Ri Abraham xutz'onoj tok'ob che ri Dios puwi' ri Abimelec, jeri' ri Dios xutzelej ri rutzil u wäch ri Abimelec xukuje' ri rixokil. Xukuje' xebucunaj ri ixokib ri pataninel tak rech rech quec'oji' cal,

Ri Job 19:21

Chel i c'u'x chwe, ix ri ix wachil, rumal rech chi ri Dios u kasan ri u k'ab panuwi'.

Ri Job 5:18

We ri are' cuban jun soconic, ri are' xukuje' cubotz' na; we ruc' ri u k'ab cuban ri soconic, xukuje' are' ruc' ri u k'ab cucunaj na.

Salmib 22:14

In jacha' ja' ri cajamajobic; e tuktubinak ri e nu bakil, ri wanima' junam ruc' ri xca'b ri cabelebob chnupam.

Salmib 30:2

Ajawaxel, nu Dios, xintz'onoj ri to'banic la, xincunaj c'u la;

Salmib 31:10

¡Ri k'oxom xukuje' tak ri juyuwem caquiq'uis tzij paquiwi' ri e u junab ri nu c'aslemal! Ri wetzelal cuq'uis ri nu chuk'ab; ri nu cuerp cätajin cätukaric.

Salmib 32:3

Aretak c'ä maja' quink'alajisaj ri nu mac, ri nu cuerp cätajin cätukaric rumal ri nu ch'ikowem ronojel k'ij,

Salmib 38:2

Chwe c'ut xech'iqui' wi ri ch'ab la; ¡panuwi' c'u kajinak wi ri k'ab la!

Salmib 38:3

Rumal ri oyowal la qui mac quech ri e nu mac, ronojel ri nu cuerp yawab; ¡man c'o ta jun nu bakil utz!

Salmib 38:7

Canicow ri uwo wij rumal ri nimalaj k'ak'; ¡ronojel ri nu cuerp yawab!

Salmib 51:8

Chinnojisaj la che utzil xukuje' quicotemal; chinquicotisaj chi c'u na la jumul, pune' in c'axc'obisam la.

Elem 15:26

Xubij chque: “In ri' ri Ajawaxel ri i Dios, we kas quitatabej ri quinbij chiwe, we quiban ri suq'uil chnuwäch, quinimaj ri nu takomal, quebitz'akatisaj tak ri nu pixab, mawi jun chque ri yabil ri xintak paquiwi' ri aj ejiptib quintak ta piwi' ix, in c'ut ri Ajawaxel, ri quixincunaj.”

Ri Jeremiy 10:24

Chujjic'a' la jas ri u cholajil ri suq'uilal la, man ruc' ta c'ut oyowal la, casachisaj c'u la ka wäch ri'.

Ri Jeremiy 17:14

Chincunaj la, Ajawaxel, quincunataj c'u na; chincolo' la, quincolotaj c'u na, xuwi c'u ri lal quink'ijilan che la.

Ri Osey 6:1

Tisaj iwonojel chujtzelej c'u ruc' ri Ajawaxel. Are' xujmuchuwic cujrutzirisaj c'u na xukuje'; xujusoco, cujucunaj c'u na xukuje'.

Ajilanic 12:13

Are c'u ri Moises xtz'onon che ri Ajawaxel: “Bana' la tok'ob, oh Dios quinbochi'n che la chi chcunaj la.”

Ri Matey 4:24

Xel c'u u tzijol ri Jesus pa ronojel ri Siriy; xec'am ulok conojel ri c'o itzel tak yabil chque, conojel ri qui rikom nimak tak c'ax, conojel ri c'o itzel tak uxlabal chque, conojel ri xak c'ätetal quetzakic, conojel ri cäminak qui cuerp. Ri Jesus xebucunaj.

U Camulixic ri Pixab 32:39

Xuwi ri in in Dios; man e c'o ta niq'uiaj chic chnuwäch in. In quinyo'w ri c'aslemal xukuje' in quinesan ri c'aslemal; in quinbanow ri socotajic xukuje' in quincunanic. Man c'o ta jachin jun cacuinic cuto'tajisaj ta rib pa ri nu k'ab.