Salmib 6:1 - Quiché Bible

¹ Ajawaxel, minyaj la pa ri oyowal la, mac'äjisaj la nu wäch pa ri c'anal la.

Salmib 6:1 ပူးပေါင်းရင်းမြစ်များ

Nabe Tzijobelil 15:20

Zacariy, Aziel, Semiramot, Jehiel, Uni, Eliab, Maasiy xukuje' ri Benaiy e c'o tak ri qui nimalaj arp che qui k'ojomaxic jas ri caquiban ri e aj elamib.

Nabe Tzijobelil 15:21

Are' c'u ri Matatiy, Elipelehu, Micniy, Obed-edom, Jeiel xukuje' ri Azaziy e c'o tak qui arp che rok'isaxic jas cäquiban ri e aj siminitab.

Salmib 118:18

Ri Ajawaxel u c'äjisam nu wäch ruc' c'anal, man in u jachom ta c'u pa u k'ab ri cämical.

Salmib 12:1

Chinto'tajisaj la, Ajawaxel, man e c'o ta chi cojonelab ri e jic; man e c'o ta chi ri winak ri e jic canima'.

Salmib 2:5

oyowarinak, c'ut quebuxibij; nojinak che oyowarem cubij chque:

Salmib 38:1

Ajawaxel, minyaj la chupam ri oyowal la mawi mac'äjisaj la nu wäch chupam ri c'anal la.

Salmib 4:1

Dios, to'l wech, ¡Chinch'abej la aretak quinsiq'uin che la! Ri lal chi chupam ri nu rikoj c'ax xinto' la. ¡Chtok'obisaj la nu wäch chtatabej la ri nu ch'awem!

Ri Isaiy 54:9

Je jacha' ri chi'nic ri kas cäban na ri xinbij che ri Noe, aretak xuban can ri k'ekal jäb, chi man quinnojisaj ta chi ri uwächulew ruc' ja', je c'u ri' quinban na ri chi'nic ri kas cäban na chawe, chi man cäpe ta chi na woyowal chawe mawi quincoj chic a xib.

Ri Isaiy 57:16

Man xak ta amak'el quintzujuj ri nu tinimit, mawi in ta oyowarinak ronojel k'ijol; ri quebel na ri' chi ri winak ri e nu winakirisam cuban quieb qui c'u'x chwij.

Ri Jeremiy 10:24

Chujjic'a' la jas ri u cholajil ri suq'uilal la, man ruc' ta c'ut oyowal la, casachisaj c'u la ka wäch ri'.

Ri Jeremiy 46:28

In, ri Ajawaxel quinjiquiba' u bixic: Maxe'j awib u tinimit ri Jacob, pataninel wech, rumal rech chi ri in in c'o awuc'. Quinsachisaj na qui wäch conojel ri nimak tak tinimit ri xatinjabuj chquixo'l. Are c'u ri at man quinsachisaj ta a wäch; xuwi catinjic' na jas ri rajawaxic chawe; man catinya' ta c'u can xak chi jeri' we ta mat quinc'äjisaj na a wäch.”