Jeri' quincuinic quinyac ri nu jolom paquiwi' ri e nu c'ulel; quincuin c'u ri' quinya' tabal tok'ob pa ri achoch la, ruc' tak rakoj chi'aj re quicotemal quebenbixoj bix che ri Ajawaxel.
Quinopan c'u na chuwäch ri porobal ri ech la nu Dios, quinya' na k'ij la chila' ruc' arp, are c'u ri lal, nu Dios, canojisaj la ri nu c'aslemal che quicotemal.
Chatc'astajok, Sion, chatc'astajok, chacojo' a chuk'ab Jerusalen, tastalicalaj tinimit, chacojo' ri awatz'iak ri sibalaj e je'l na, rumal rech chi ri e k'ijilal tak diosib, ri e tz'il tak winak, man queboc ta chi na awuc'.
Chatzokopij rakoj tak chi'aj re ch'äcanic, Jerusalen ri at wulijinak, rumal rech chi ri Ajawaxel u tok'obisam u wäch ri u tinimit, u torom ri Jerusalen.
¡Chatc'astajok, Debora, chatc'astajok, chatc'astajok, chabixoj jun bix! ¡Xukuje' ri at Barac, u c'ojol ri Abinoam, chatwalijok, chebac'ama' bic, e kajinak pa k'ab!