Salmib 57:5 - Quiché Bible

⁵ Nu Dios, lal c'o puwi' ri caj. ¡Ri juluwem la u nojisam ronojel ri uwächulew!

Salmib 57:5 ပူးပေါင်းရင်းမြစ်များ

Nabe Tzijobelil 29:1

Xubij chi c'ut ri David che ronojel ri tinimit ri u mulin rib: “Ri nu c'ojol Salomon, ri xuwi ri are' xcha' rumal ri Dios, are' jun ala ri c'ä maja' ri u junab, are c'u ri chac sibalaj nim u banic, rumal rech chi man are ta jun ja che jun winak xane' are' ri rachoch ri Dios, ri Ajawaxel.

Salmib 148:13

¡Iwonojel chiya' u k'ij ri u bi' ri Ajawaxel, xuwi c'ut ri u bi' sibalaj aj chicaj! ¡Ri u juluwem c'o puwi' ri caj xukuje' puwi' ri ulew!

Salmib 21:13

¡Walij la ruc' ri cuinem la, Ajawaxel! ¡Cäkoc'owisaj cuc' tak bix ri e ch'äcanic tak la!

Salmib 57:11

Nu Dios, lal c'o puwi' ri caj. ¡Ri juluwem la cunojisaj ronojel ri uwächulew!

Salmib 59:8

Are c'u ri lal, Ajawaxel, catze'j la qui wäch; caq'uiak na la qui xiquin ri e k'ijilal tak diosib.

Salmib 64:4

Pa ri c'ubal quib quequiq'uiak ulok ch'ab chque ri man c'o ta qui mac; man caquixe'j ta quib xak c'äte queq'uiakan ulok.

Salmib 72:19

tewichital ri u bi' ri nim u k'ij. ¡Ronojel ri uwächulew chnoj che ri u juluwem! ¡Je che'lok!

Salmib 8:1

Ajawaxel, ri cätakan la pakawi', ¡nim ri u juluwem ri bi' la puwi' ronojel ri uwächulew!, ¡ri juluwem la benak c'ä je la' che ri caj!

E C'ambal tak Tzij 12:18

E c'o jachin tak quesocon cumal ri qui tzij, quech'aw c'u ri c'o qui no'j cäquiya' c'u utzil.

E C'ambal tak Tzij 30:14

E c'o jachin tak e c'o ch'ich' re ch'o'j cuc' che u q'uexwäch qui ware, xukuje' cuchilo che qui q'uexwäch tak qui ca', che kas u sachisaxic qui wäch ri mebayib ri e c'o pa ri ulew.

Ri Isaiy 12:4

quibij c'u na: “Chiya' maltioxinic xukuje' chiya' u k'ij ri Ajawaxel, chitzijoj chque ri nimak tak tinimit ri jastak ri e u banom, chinataj chque chi are' c'o puwi' ronojel.

Ri Isaiy 2:11

Ri e banal tak nimal, queyuxi na ri cäquiban quib chi nimak qui k'ij quemach'irisax na. Xuwi ri Ajawaxel cuc'ut na ri u nimalil pa ri k'ij ri',

Ri Isaiy 2:17

Ri e banal tak nimal xukuje' ri cäquiban quib chi nimak qui k'ij, kas quemach'irisax na. Xuwi ri Ajawaxel cuc'ut na ri u nimalil pa ri k'ijol ri',

Ri Isaiy 37:20

Camic c'ut Ajawaxel ka Dios, chujto' la pa u k'ab rech conojel ri nimak tak tinimit cho ri uwächulew cäquetamaj chi ri lal, Ajawaxel, xuwi ri lal lal Dios.”

Ri Isaiy 6:3

Caquibij c'u chquibil tak quib: “Tastalic, tastalic, tastal ri Ajawaxel ri c'o ronojel u cuinem ronojel ri uwächulew nojinak che ri u juluwem.”

Ri Habacuc 2:14

Are c'u ri retamaxic u wäch ri u juluwem ri Ajawaxel cunojisaj c'u na ronojel ri uwächulew, jacha' ri cuban ri ja' cunojisaj ri plo.

Ri Habacuc 3:3

Ri Dios quel na ulok chupam ri rulew ri Teman; are c'u ri tastalic Dios petinak wi ulok pa ri juyub Paran. Ri u juluwem culic' rib chuwäch ronojel ri caj, ronojel c'ut ri uwächulew cänoj che u ya'ic u k'ij.

Ajilanic 14:21

Je c'u wa', chi sibalaj kastzij jacha' ri in in c'aslic xukuje' chi ri nu juluwem u nojisam ronojel ri uwächulew,