Chesaj la ri banoj nimal che ri pataninel ech la; mäya' la be che ri banoj nimal chi catakan panuwi'. Jeri' quinux jun winak ri ch'ajch'oj u c'aslemal; man c'o ta mac cäriktaj ta chwij.
Ri e ch'ajch'oj ri e u k'ab xukuje' ri u chomanic ri man c'o ta jun macaj pa ri u c'aslemal; ri man quebuk'ijilaj ta ri banom tak diosib mawi cuban tak ri chi'nic ri kas cäban na ruc' subunic.
¡Caj, charaka' a chi' rumal quicotemal! ¡Ulew, chatnoj che quicotemal! ¡C'ache'laj chiraka' i chi' rumal ri utzil ri i rikom! Ri Ajawaxel u cubisam c'ut u c'u'x ri u tinimit, u tok'obisam u wäch chupam ri c'ax ri cäriktaj wi.
¡Sibalaj quinquicot ruc' ri Ajawaxel. Quinnoj che quicotemal ruc' ri nu Dios, u yo'm c'ut ri u to'banic chwe, in u nojisam che ch'äcanic! In junam ruc' jun jiaxel ri cucoj ri u corona, o ruc' jun alibatz ri cuwik rib cuc' tak ri u wikbal.
¿Jachin ri at, rech cak'at tzij puwi' ri pataninel rech jun chic? Are quilow ri rajaw we utz cubano o man utz taj. Utz c'u quel na, rumal rech chi ri Ajawaxel cäcuinic cuto' che u banic ri utz.
Man i c'amom ta jun uxlabal ri cuban lok'om pataninelab chiwe, ri cuban ta chiwe chi quixe'j iwib jas ri nabe canok. Xane' i c'amom ri Uxlabaxel ri xuban chiwe chi xixux ralc'ual ri Dios. Rumal c'u ri are' cäkabij ka Tat che ri Dios.
C'olom chiwe ix, ri ix chajin rumal ri u cuinem ri Dios rumal ri cojonic, rech quixcolotajic. Ronojel suc'umam ulok rech quixcolotajic, ri Dios cuk'alajisaj na pa ri q'uisbal tak k'ij.
Ri Dios ri c'o ronojel u cuinem che i chajixic rech man quixtzak taj, jeri' man ix tz'ajtajinak taj aretak quixutac'aba' chuwäch ri u juluwem ruc' nimalaj quicotemal.