Salmib 5:7 - Quiché Bible

⁷ Are c'u ri in rumal ri nimalaj lok'ok'ebal c'u'x la, quincuinic quinoc chupam ri achoch la; quincuinic quink'ijilan che la ruc' nim ilic la quinca'y c'u apan che ri tastalicalaj achoch la.

Salmib 5:7 ပူးပေါင်းရင်းမြစ်များ

Nabe Ajawinelab 8:35

Aretak cäpe jun sak'ij, man c'u cäjabin taj rumal rech chi xmacun ri tinimit chawäch la, we c'u cuban ch'awem uc' la chupam we c'olbal ri', cuk'ijilaj c'ut ri bi' la, cuq'uex c'ut u c'u'x rumal rech ri c'äjisabal wächaj ri cäya' la che,

Nabe Ajawinelab 8:38

chtatabej c'u la ronojel ch'awem ri cäban chwäch la, bochi'nic ri cäban rumal apachique winak, o cumal conojel ri tinimit Israel, aretak cäril ri u c'axc'olil xukuje' k'oxomal quebulic' c'u ri u k'ab che ri u banic ri ch'awem uc' la, chusuq'uil we rachoch Dios ri'.

Salmib 101:7

Man c'o ta c'olbal chupam ri nimalaj wachoch che ri quieb u wäch; ¡man c'o ta jun banal tzij cäcuinic cäjeki' chnuwäch!

Salmib 130:4

Uc' c'u la cäkarik wi cuyubal macaj, rech cäkaya' k'ij la.

Salmib 132:7

¡Jo' jawije' ri cak'ijilax wi ri Dios! ¡Chujxucul chuwäch ri u tac'alibal ri e rakan!

Salmib 138:2

Quinxuqui' na chusuq'uil ri tastalicalaj achoch la, che u ya'ic maltioxinic che la rumal ri lok'ok'ebal c'u'x la xukuje' ri kastzij la, nu cojom c'u ri bi' la xukuje' ri tzij la paquiwi' conojel ri jastak.

Salmib 28:2

Tatabej la ri nu rakoj chi'aj che u tz'onoxic ri to'banic la, aretak quinyuk apan ri nu k'ab chusuq'uil ri tastalicalaj achoch la.

Salmib 34:17

Ri Ajawaxel coc il che ri cok'ej ri winak ri utz canima', queresaj c'u chquipam tak ri qui c'axc'olil.

Salmib 51:1

Rumal ri lok'ok'ebal c'u'x la chwe, nu Dios, chel c'u'x la chwe; rumal ri nimalaj u ch'uch'ujil ri anima' la, che saj la ri nu mac.

Salmib 52:8

Are c'u ri in in junam ruc' juwi' aseitun räx chupam ri rachoch ri Dios; ¡amak'el quincu'ba' na nu c'u'x chrij ri lok'ok'ebal u c'u'x!

Salmib 55:16

Ri in c'ut quinsiq'uij na ri Dios; ri Ajawaxel quinuto' na.

Salmib 69:13

Are c'u ri in, Ajawaxel, quintz'onoj to'banic che la; ¡Nu Dios, chinto' la camic! ¡Rumal ri nimalaj lok'ok'ebal c'u'x la, chinch'abej la ulok! ¡Rumal ri to'banic la amak'el, chincolo' la!

Salmib 69:16

Ajawaxel, chinch'abej la ulok; ¡ri lal, lal utz! xukuje' ¡lal nojinak che lok'ok'ebal c'u'x! Rumal ri nimalaj ch'uch'ujil la, chinila' la ulok;

E C'ambal tak Tzij 6:16

E c'o wakib jastak, c'ä e wukub c'u ne ri quetzelax qui wäch rumal ri Ajawaxel:

E C'ambal tak Tzij 6:17

ri bak'wächaj ri quequiban nimal, ri ak'aj ri banal tzij, ri k'abaj ri quebucämisaj winak ri man c'o ta qui mac,

Ri Isaiy 55:7

Ri banal etzelal chuya' can ri itzel u be, ri itzel winak chebuya' can ri itzel tak u chomanic chixtzelej ruc' ri Ajawaxel, quel c'u na u c'u'x chiwe chixtzelej ruc' ri ka Dios, xak c'u ix reyem che u sachic ri i mac.

Ri Isaiy 64:11

Ri juluwemalaj c'olbal ri xujk'ijilan wi jawije' xk'ijilax wi la cumal ri e ka mam, xsach u wäch rumal ri k'ak'. Ronojel ri sibalaj lok' chkawäch etzelatajinak.

Ri Daniel 6:10

Aretak c'ut xretamaj ri Daniel chi ri Dariy xuya' u tzij che u banic we takanic ri', xbe cho rachoch, xebujak ri e u wenta'n ri u warabal, ri benak u wäch pa Jerusalen, xxuqui che u banic ch'awem ruc' Dios, xk'ijilan c'u che ri Dios. Ox mul c'ut cuban wa' ronojel k'ij, jas ri u banom ulok amak'el.

Ri Osey 3:5

Aretak c'u oc'owinak chi wa' quetzelej na ri aj israelib cäquitzucuj c'u na ri Ajawaxel ri qui Dios xukuje' ri David ri cajawinel. Chquipam ri q'uisbal tak k'ijol caquitzucuj na ri Ajawaxel ruc' nim ilic xukuje' tak ri e utzil ri quebuya'o.

Hechos 9:31

Are c'u ri comon cojonelab pa ronojel Judey, pa Galiley xukuje' pa Samar e c'o pa jamaril, cätajin cäbin pa xe'n rib chuwäch ri Ajawaxel. Cäq'uiyiric, rumal rech chi cäcu'bisax u c'u'x rumal ri Ruxlabaxel.

Hebreos 4:16

Mäkaxe'j ba' kib, chujkeb chuwäch ri tem re ajawibal rech ri u tok'ob ri Dios, rech ri are' quil u c'u'x chke, cuban tok'ob chke che ka to'ic pa ri k'ij ri rajawaxic na chke.

Ri Josue 24:15

We c'u man quiwaj quipatanij ri Ajawaxel, chicha' ba' camic jachin ri qui patanij: we e are' tak ri diosib ri xequipatanij tak ri e i mam chuchi' tak ri Euprats, we e are' tak ri qui diosib ri aj amoreyib ri e jekel pa we ulew ri'. Are' c'u ri in xukuje' ri e walaxic cakapatanij na ri Ajawaxel.”