Salmib 42:4 - Quiché Bible

⁴ Aretak quinchomaj quij we jastak ri', xa cänimataj ri nu k'oxom; cänataj chwe aretak in benak junam cuc' ri winak nu c'amom qui be c'ä pa ri rachoch Dios, cäkarak ka chi' ruc' quicotemal xukuje' cuj maltioxinic. ¡Jun nimalaj nimak'ij c'u ri'!

Salmib 42:4 ပူးပေါင်းရင်းမြစ်များ

Ucab Ajawinelab 18:30

We ri Ezequiy cucoj u chuk'ab chiwe chi chijiquiba' i c'u'x chrij ri Ajawaxel, cubij c'u chiwe: ‘Ri Ajawaxel kas quixuto' na; ri are' man cuya' ta na c'olbal chi cakaj ta we tinimit ri' pa u k'ab ri ajawinel re Asiriy’,

Ucab Ajawinelab 18:32

C'äte c'u quixinc'am na bic pa jun ulew ri cajunamataj ruc' ri iwech ix, jun ulew ri cäwächin wi trico xukuje' tak uva, che u banic caxlanwa xukuje' u wa'l uva, jun ulew ri caq'uiy wi ri aseitun ri cuya' aseit ri xukuje' c'o wi u juyubal räx cab. Quiwoc'owisaj c'u na jun utzalaj c'aslemal man c'u quixcäm ta na. Miya' c'u i xiquin che ri cubij ri Ezequiy chiwe, xa' c'u subunic ri cubano aretak cubij chiwe chi are' ri Ajawaxel cäyo'w na ri ch'äcanic chiwe.

Ucab Tzijobelil 7:10

Chupam c'ut ri juwinak oxib rajilabal ri uwuk ic', ri ajawinel xujach bic ri tinimit rech quebe cho tak cachoch quejajatic e nojinak rumal ri utzil ri u banom ri Ajawaxel che ri David, che ri Salomon xukuje' che ri u tinimit ri Israel.

Salmib 100:4

Chixpet chquichi' ri oquibal chupam ri rachoch chixoc c'u chupam ri rachoch chebibixoj tak bix re k'ijilanic. ¡Chebiya' tak maltioxinic che, chitewichi'j ri u bi'!

Salmib 102:10

rumal rech ri oyowal la xukuje' ri c'anal la, xinya' la ajsic rech cuya' quinrokij la.

Salmib 115:2

¿Jas ta che caquiban c'otoj chi'aj ri e k'ijilal tak diosib, jawije' c'o wi ri ka Dios?

Salmib 122:1

¡Nimalaj quicotemal aretak cäbix chwe: “Jo' chupam ri rachoch ri Ajawaxel!”

Salmib 122:8

Are c'u ri camic cumal ri e wachalal xukuje' ri e wachil quinbij na: “Chi chc'ol jamaril awuc'.

Salmib 55:14

ri junam cakarik kib uc' la pa ri rachoch ri Dios rech cujtzijon ruc' ronojel kanima', ri xenwachilaj xujbin chquixo'l ri winak!

Salmib 62:8

¡Nu tinimit, chacu'ba' a c'u'x chrij ri Dios! chixch'aw ruc', ruc' ronojel jiquibam c'uxaj. ¡Ri Dios are' ka panibal!

Salmib 79:10

Man c'o ta chi jasche caquibij ta chi na ri e k'ijilal tak diosib: “¿Jawije' c'o wi ri qui Dios?” Chya' la chke chi cäkil ri u tojic rajil u q'uexel ri qui cämical ri pataninel tak ech la. ¡Chquetamaj xukuje' ri e k'ijilal tak diosib!

Salmib 80:6

Banom la chke chi uj uxinak qui tze' ri e ka c'ulja, e are' c'ut ri e ka c'ulel chäquitze'j ka wäch.

Ri Isaiy 30:29

Are c'u ri ix e c'o tak na bix chiwe, ri cäban pa jun tastalicalaj nimak'ij chak'ab; ri iwanima' cäquicotic jacha' aretak cäbin jun ruc' ri rok'ibal su' benam re pa ri u juyub ri Ajawaxel, pa ri c'olbal ri cuto' wi rib ri Israel.

Juyuwem 2:19

Chatwalijok charakakej a chi' pa tak ri chak'ab, chabeytajisaj ri u rakic a chi'; chajamij ri awanima' chuwäch ri Ajawaxel, chaya' che chi belelok jacha' ri ja'; chebalic'a' ri a k'ab chusuq'uil chatz'onoj tok'ob chatbochi'n puwi' ri qui c'aslemal tak ri e awal, ri quec'am xo'l tak ri be re ri tinimit rumal wi'jal.

Juyuwem 4:1

¡E k'ekarinak c'ut ri k'an puak! ¡U tzakom ri u ruc'upinic ri coc'alaj k'an puak! ¡E jabuninak pa conojel tak ri xquina ri abaj tak rech ri tastalic k'ijilabal!

Ri Ezequiel 46:10

Ri k'atal tzij rajawaxic coc junam ruc' ri tinimit xukuje' quelbic junam ruc' ri tinimit.

Ri Joel 2:17

Chebok' tak ri e cojol tabal tok'ob, ri e u pataninelab ri Ajawaxel, chechok c'ut chuxo'l ri rakan ja ruc' ri porobal: “Ajawaxel, sacha' la u mac ri tinimit la; maya' la c'olbal chi c'o ta jachin cätze'n qui wäch ri e ech la; maya' la c'olbal chi jule' nimak tak tinimit chic quebajawin ta paquiwi' chquibij ta c'u ne tak ri e k'ijilal tak diosib: ‘¿Jawije' c'o wi ri qui Dios?’ ”

Ri Nahum 1:15

¡Chiwila'! ¡Petinak chic paquiwi' tak ri juyub ri ya'l takquil ri ruc'am ulok tzijol re jamaril! Chebawoc'owisaj tak ri e a nimak'ij Juda; chebatz'akatisaj tak ri chi'nic ri e a banom. Mawi ta chi c'u jumul catkaj ta chi na pa qui k'ab ri e banal tak etzelal; sachinak qui wäch chnimalaj conojel.

Ri Lucax 16:25

Ri Abraham xubij: ‘Nu c'ojol, chnataj chawe chi xarik utzalaj tak jastak pa ri a c'aslemal, are c'u ri Lazaro xurik itzel tak jastak. Camic c'ut ri are' cu'bisam u c'u'x waral, ri at c'ut catel ch'u'j.

U Camulixic ri Pixab 16:11

Quiban c'u nimak'ij chuwäch ri Ajawaxel ri i Dios, pa ri c'olbal ri u cha'om che u jekelibal ri u bi', junam cuc' ri e iwalc'ual, ri pataninel tak iwech ri e lok'om, ri aj levitib, ri man e i winakil ta, ri minorib xukuje' ri malca'nib ri e jekel pa ri i tinimit.

Ri Rut 1:21

Xinel bic waral e nojinak tak ri nu k'ab, are c'u ri camic e tolonic e nu c'amom ulok rumal rech chi are wa' ri u rayinic ri Ajawaxel. ¿Jasche quibij Noemi chwe, we ri Ajawaxel ri c'o ronojel u cuinem in u c'okom xukuje' in u c'axc'obisam?”