Salmib 40:9 - Quiché Bible

⁹ Chuwäch ri tinimit la ri man ajilatal taj nu yo'm retamaxic jachique ri suc'. ¡Kas eta'm la, Ajawaxel, chi ma ta ne' nu bim!

Salmib 40:9 ပူးပေါင်းရင်းမြစ်များ

Salmib 119:13

Cuc' ri nu chi' quebentzijoj na conojel tak ri pixab la ri e tz'ibam ri quebel chchi' la.

Salmib 139:2

lal eta'm la ronojel ri quinbano; pune' naj in c'o wi cäch'ob la ri quinchomaj.

Salmib 22:22

Quinya' na tzijol la chque ri wachalal, quinya' na k'ij la pa tak ri u mulixic quib.

Salmib 22:25

Chuwäch ri tinimit la ri man c'o ta cajilabal quink'ijilaj ri jiquil la; chquiwäch ri queyo'w k'ij la quintz'akatisaj na ri e nu chi'nic.

Salmib 35:18

Quinya' maltioxinic che la chuwäch ri tinimit la ri man c'o ta cajilabal; ¡quinya' k'ij la chquiwäch ri q'uialaj winak!

Salmib 37:31

Ruc'am ri u tijonic ri u Dios pa ri ranima'; mawi jubik' quejiljob ri rakan.

Ri Jeremiy 31:33

Are' c'u c'ulwächinic wa' quenbana' na ruc' ri Israel pa ri k'ijol ri': Quincoj na ri nu pixab chupam ri ranima' quintz'ibaj c'u na chupam ri u chomanic. In quinux na qui Dios are c'u ri e are' quebux na nu tinimit. In, ri Ajawaxel, quinjiquiba' u bixic.

Ri Xuan 21:17

Ri Jesus xubij chi che churoxmul: “Simon, u c'ojol ri Jonas: ¿la quinalok'ok'ej?” Xbison ri Lu' rumal rech chi xubij che churoxmul: “¿La quinalok'ok'ej?” Xubij c'u che ri Jesus: “Wajaw, lal eta'm la conojel, eta'm la chi lal quinlok'ok'ej.” Ri Jesus xubij che: “Chebayuk'uj ri nu chij.

Hebreos 2:12

Cubij c'ut: “Quintzijoj na ri bi' la chque ri wachalal, quinbixoj na pa ri u mulixic quib.”

Ri Josue 22:22

“Ri Ajawaxel xukuje' Dios paquiwi' conojel ri cäbix diosib chque reta'm chi man xkaban ta we porobal ri' che ta walijisam ib mawi che ta u tasic kib chrij. Ri are' reta'm xukuje' cuya' retamaxic chiwe iwonojel; we cumal tak we jastak ri'. ¡Cujicämisaj!