Salmib 40:5 - Quiché Bible

⁵ Ajawaxel, xukuje' nu Dios, man quebajilataj ta ri mayibal ri e banom la xukuje' ri u tok'obisaxic tak ka wäch umal la. ¡Man c'o ta cajunamataj ta wi la! Quinwaj ta ne' quinwesaj qui tzijol quinya' ta qui bixic, sibalaj c'u e c'o c'u na chquiwäch ri quincuin che qui tzijoxic.

Salmib 40:5 ပူးပေါင်းရင်းမြစ်များ

Ri Job 26:14

Xa c'u jubik' wa' chque tak ri e u chac; xak c'u alicha' ka tom jubik' ¿Jachin ta lo ri cacuinic cach'obow ri cuinelalaj u cakulja'?”

Ri Job 5:9

¡ri are' quebuban q'ui xukuje' nimak tak mayibal, jastak ri man c'o ta jun cäticar ta che qui ch'obic!

Ri Job 9:10

¡Ri are' quebuban q'ui tak xukuje' sibalaj e nimak tak mayibalalaj tak jastak ri man c'o ta jun cäticar ta che qui ch'obic!

Salmib 136:4

Che ri xuwi ri are' ri quebuban nimak tak mayibal junalic c'ut ri u lok'ok'ebal c'u'x.

Salmib 139:6

Ri no'j ri sibalaj cajmajibal man ya'tal ta u rikic wumal; ¡sibalaj jutac'aj chi man quinrik ta u ch'obic!

Salmib 71:15

ronojel ri jun k'ij quintzijoj cuc' ri nu chi', chi lal lal uj colowinak banom c'u la suq'uilal chke. ¡Jun jasach wa' ri man quinrik ta u ch'obic!

Salmib 73:28

Ri in c'ut quinkeb ruc' ri Dios, are wa' ri utz na chwe in. Lal, Ajawaxel xukuje' nu Dios, lal nu panibal, quinwesaj na u tzijol ronojel ri banom la.

Salmib 92:5

Oh Ajawaxel, sibalaj e nimak jastak ri e banom la, sibalaj man cäch'obtaj ta ri chomanic la.

Elem 11:8

C'äte' c'u ri' quebe na ri e awach k'atal tak tzij che wilic, e xucuxuj caquibij na chwe: ‘Jix, at xukuje' conojel ri winak ri queteri bic chawij.’ C'ä mäjok c'u chban wa' man quinel ta na bic.” Sibalaj xoyowar ri Moises, xel bic chuwäch ri ajawinel.

Elem 15:11

Oh, Ajawaxel, man c'o ta jun dios ri cacuintaj cujunamaj ta rib uc' la. Man c'o ta chi jun ri sibalaj ta tastalic na mawi nim u bantajic jacha' ta ri lal. Quebe ban la mayibalalaj tak jastak xukuje' xibibal. Ya'tal che la chi cak'ijilax la.

Ri Jeremiy 29:11

In e weta'm ri chomanic ri e c'o wuc' chiwe, chomanic che u banic utzil chiwe man che ta etzelal, che u ya'ic jun eyebal c'uxaj ri cäpe na. In, ri Ajawaxel, quinjiquiba' u bixic.