Salmib 40:10 - Quiché Bible

¹⁰ Man xintz'apij ta u pa nu chi' ri ma ta xintzijoj ri suq'uil la; nu yo'm u bixic ri jicomal la xukuje' ri colobal ib ri cäya' la. Mawi jubik' nu ch'ukum ri lok'ok'ebal c'u'x la xukuje' ri kastzij la chuwäch ri tinimit la ri man ajilatal taj.

Salmib 40:10 ပူးပေါင်းရင်းမြစ်များ

Salmib 22:26

Chixwok, ix ri cäban c'ax chiwe c'ä quixnoj na; chik'ijilaj ix ri Ajawaxel, ix ri quixtzucun che, chixc'asal c'u q'ui junab.

Salmib 25:10

Conojel tak ri u be e re lok'ok'ebal c'uxaj xukuje' e re kastzij chque ri cäquiban ri u rayibal xukuje' ri cäquinimaj ri u takanic.

Salmib 34:6

We meba' ri' xurak u chi', xtataj c'u rumal ri Ajawaxel xresaj c'u chquipam conojel ri e u c'axc'olil.

Salmib 75:9

Ri in amak'el quinwesaj na u tzijol ri u Dios ri Jacob xukuje' quebenbixoj na bix che,

Salmib 89:1

Amak'el quinbij chupam ri nu bix, Ajawaxel, chi sibalaj lal banal utzil; man quintanaba' ta u tzijoxic chi ri lal lal jic.

Ri Isaiy 49:6

jewa' cubij: “Man cuban ta wa' chi catux at pataninel wech xuwi rech quebawalijisaj ri e ramak' ri Jacob, xukuje' rech quebatzelej ulok ri aj israelib ri e to'tajinak canok; in quinban na chi catux chäj chque tak ri nimak tak tinimit, rech cac'am bic ri colobenic ri quinya'o c'ä pa tak ri c'olbal naj cho ri uwächulew.”

Ri Ezequiel 2:7

Ri at, chebaya' qui bixic tak ri nu tzij chque, we caquiya' qui xiquin chawe o man caquiya' taj sibalaj c'u man e nimanelab taj.

Ri Miquey 7:20

¡Ajawaxel, jekeba' la, ri jiquil xukuje' ri lok'ok'ebal c'uxaj ri xchi'j la ulok ojer chque ri e ka mam ri Abraham xukuje' ri Jacob!

Ri Lucax 3:6

Ronojel winak caril na ri colobal ib ri cuya' ri Dios.’ ”

Ri Xuan 1:17

Ri pixab xya' rumal ri Moises, are c'u ri tok'ob xukuje' ri kastzij rumal ri Jesucrist.

Romanos 10:3

Man queta'm ta c'u ri suq'uil ri cuya' ri Dios. Are cäcaj cäquirik ri suq'uil rumal ri qui chac. Man cäquinimaj ta c'u ri cubij ri Dios.

Filipenses 3:9

Xukuje' rech quinriktaj pa ri are'. Jeri' in suc' chic man rumal ta ri u nimaxic ri pixab, xane' rumal rech chi xincojon che ri Crist. Are suq'uil wa' cuya' ri Dios rumal ri cojonic.

1 Tesalonicenses 1:8

Iwumal c'ut xel u tzijol ri u tzij ri Ajawaxel man xuwi ta pa Masedon xukuje' pa Acay, xane' xukuje' pa ronojel c'olbal elinak wi bic u tzijoxic ri i cojonic che ri Dios. Je c'u ri' man rajawaxic ta chic c'o jas cäkatzijoj ri uj.

1 Timoteo 1:15

C'o jun tzij ri cuya' cäcu'bi ka c'u'x chrij, takal c'u che ri tzij chi cäcoj cumal conojel: chi ri Crist Jesus xpe cho ri uwächulew che qui colic ajmaquib, in c'u ri' nim na ri nu mac chquiwäch conojel.

Apocalipsis 22:17

Ri Uxlabaxel xukuje' ri rixokil ri Alaj Chij je cäquibij wa': “¡Tasaj!” Apachin ri cätatabenic xukuje' chubij: “¡Tasaj!” Apachin ri cächaki'j u chi', chpetok. Apachin ri cäraj, chuc'ama' re ri ja' rech c'aslemal ri xak cäsipaxic.