Salmib 32:8 - Quiché Bible

⁸ Ri Ajawaxel cubij: “Ri e nu bak'wäch e c'o pawi'. Quebenya' tijonic chawe, quebenya' a no'j, quinc'ut na ri be chawäch ri caterenej.

Salmib 32:8 ပူးပေါင်းရင်းမြစ်များ

Chapletajic 24:48

Xinxuqui' c'ut xink'ijilaj ri Ajawaxel; xinya' u k'ij ri Ajawaxel ri u Dios ri wajaw Abraham, rumal chi u c'amom nu be pa suc'alaj be che u c'amic ri u mia'l ri rachalaxic ri wajaw Abraham che rixokil ri u c'ojol.

Ucab Samuel 22:33

Ri Dios are' nu panibal c'o u cuinem, ri cubano chi man cäyok' ta ri nu c'aslemal,

Nabe Ajawinelab 8:36

chtatabej la ulok c'ä pa ri caj chsacha' la qui mac ri e pataninel tak ech la ri tinimit la re Israel, c'utu' c'u la ri utzalaj be chquiwäch ri rajawaxic u takexic cumal. Chtaka la ulok ri jäb puwi' we ulew ri' ri xya' la che echbal che ri tinimit la.

Salmib 143:8

Ak'abibal chya' la retamaxic ri lok'ok'ebal c'u'x la chwe, nu jiquibam c'u nu c'u'x chij la. Chya' la retamaxic chwe jachique ri c'aslemal ri rajawaxic ruc'axic wumal, che la c'ut quintz'onoj wi ri curayij ri wanima'.

Salmib 25:12

Ri winak ri nim caril wi ri Ajawaxel, ri are' cuc'ut ri be chuwäch ri takal u takexic rumal;

Salmib 33:18

Ri Ajawaxel amak'el quebuchajij ri nim quil wi cumal xukuje' ri cu'l qui c'u'x chrij ri lok'ok'ebal u c'u'x,

Salmib 34:11

Chixpetok, nu c'ojol, chinitatabej: quenc'utu' c'ut chiwäch ri u ya'ic u k'ij ri Ajawaxel.

E C'ambal tak Tzij 3:1

Mebasach ri e nu tijonic, nu c'ojol; chebac'olo' ri e nu takomal pa ri a chomabal,

Ri Isaiy 48:17

Jewa' cubij ri Ajawaxel, ri torol awech, ri Tastalicalaj u Dios ri Israel: “In ri Ajawaxel ri a Dios ri quinc'ut chawäch jachique ri utz chawe, in quinc'am a be pa ri be ri rajawaxic catakej.

Ri Isaiy 49:10

Man quina' ta na numic mawi chaki'j chi', mawi cubana' la c'ax ri k'ij chiwe mawi ri k'ak', quixinlok'ok'ej c'ut quinc'am c'u i be, quixinc'am bic jawije' queq'uiy wi tak ja'.

Ajilanic 9:22

We c'u ri sutz' cäbeytaj quieb k'ij quieb ic' o jun junab, ri aj israelib quecanaj pa ri qui c'olbal man caquitakej ta binem. Xuwi c'u cawalij ri sutz', ri e are' caquitakej qui be.

Ri Matey 11:29

Chic'amowaj ri weka'bal ri quinya' chiwij, chiwetamaj iwe wuc', chi in coch'onel xukuje' mach'al ri wanima'; quirik c'u na uxlanem che ri iwanima'.