Salmib 32:5 - Quiché Bible

⁵ Xink'alajisaj c'ut ri nu mac chwäch la xukuje' ri wetzelal man c'o ta xinc'u' che; xpe pa wanima' qui k'alajisaxic ri e nu mac chwäch la, are c'u ri lal, Ajawaxel, xecuy la.

Salmib 32:5 ပူးပေါင်းရင်းမြစ်များ

Ucab Samuel 12:13

Ri David xucoj rib chupam ri u mac chuwäch ri Natan. “In macuninak chuwäch ri Ajawaxel.” Xutzelej c'u u bixic ri Natan che: “Ri Ajawaxel man cuc'äjisaj ta wäch la che ri mac la ri bano la, man quecäm ta c'u na la.

Ucab Samuel 12:9

¿Jasche man nim ta xawil wi ri nu tzij, xaban c'ut ri man cakaj ta chi nu wäch? A cämisam c'ut ri Uriy ri aj hitit, are c'u xebacoj ri aj amonib che u cämisixic, awechbem c'ut ri rixokil.

Ucab Samuel 24:10

Xuna' c'ut ri David chi macuninak rumal rech chi xerajilaj ri winak ri e c'o pa ri ulew, xubij c'u che ri Ajawaxel: “Nu banom jun nimalaj macaj rumal ri u banic wa'. Quinbochi'n che la Ajawaxel, chi sacha' la camic ri u mac we pataninel ech la ri', u chac c'ut jun man c'o ta u no'j ri nu banom.”

Ucab Samuel 24:17

Aretak c'u xril ri David ri tako'n aj caj ri quebucämisaj ri winak, xubij che ri Ajawaxel: “¡In ri in macuninak! ¡In ri in ajchak'mac! ¿Jas c'ut ri qui banom we winak ri' ri man c'o ta qui mac? ¡In quinbochi'n che la chi ri c'äjisabal wächaj ri caya' la chkaj panuwi' xukuje' paquiwi' ri wachalaxic!”

Nabe Ajawinelab 8:50

Chesacha' la ri e u mac ri tinimit la ri e u banom chwäch la, xukuje' conojel ri etzelal ri e u banom che c'ulelaxic la. Ya' la pa ri canima' ri xebalabin ulok chi chel qui c'u'x che.

Ucab Tzijobelil 6:29

tatabej ba' la apachique ch'awem o bochi'nic ri cuban apachique winak, o rumal ronojel ri tinimit la Israel, aretak c'u cäril ri u quiäk sakil xukuje' ri k'oxomal culic' c'u ri u k'ab pa ch'awem uc' la che u suq'uil we rachoch Dios ri'. Tatabej la ulok kas chicaj kas pa ri c'olbal ri lal jekel wi, ya' c'u la ri sachbal macaj chque ri c'o uc' la; ya' la chque jas takal chque chquijujunal jas ri takal chque ri e qui banoj, xuwi c'u ri lal eta'm la ri chomanic xukuje' ri ranima' ri winak.

Ri Esdras 10:11

Rumal ri', waral, chuwäch ri Ajawaxel Dios re ri e i mam, china' iwib chi ri ix aj chak' tak ajmaquib chitz'akatisaj ba' u banic ri u rayibal ri Ajawaxel. Chinajtajisaj iwib chquij tak ri winak ri e k'ijilal tak diosib xukuje' chquij tak ri ixokib ri man e i winakil taj.”

Ri Job 31:33

Mawi jumul e nu c'u'm tak ri nu mac, jacha' ri caquiban chi jule', mawi nu tzucum qui c'u'ic

Ri Job 33:27

Cubij na: ‘Xinmacunic, xinban ri man suq'uilal taj, man xraj ta c'ut ri Dios xuc'äjisaj ta nu wäch;

Salmib 103:12

Ri ka mac u najtajisam chke, jacha' u najtajisam ri elebal k'ij ruc' ri u kajebal k'ij.

Salmib 103:3

Are' ri quecuyuw conojel tak ri wetzelal; are' ri quecunan conojel tak ri e nu yabilal;

Salmib 25:16

Chinila' la Ajawaxel, chel c'u'x la chwe, xak nu tuquiel in c'olic, quinbisonic.

Salmib 25:18

Chila la ri nu bis, xukuje' ri welem ch'u'j, sacha' la ri nu mac.

Salmib 30:5

Xa c'u jubik' cäbeytaj ri royowal, are c'u ri rutzil man c'o ta u q'uisic. We cujok' chak'ab, ak'abil c'o chic ka quicotemal.

Salmib 38:18

¡Quebenk'alajisaj ri nu mac, quinel c'u ch'u'j cumal!

Salmib 38:19

Ri e nu c'ulel e q'ui chic; e q'ui ri man c'o ta jasche cäquetzelaj nu wäch.

Salmib 51:6

Kastzij, ri lal calok'ok'ej la ri anima' ri jicom, cäc'ut la ri no'j chnuwäch chupam ri wanima'.

Salmib 86:15

Are' c'u ri lal, Ajawaxel, lal jun Dios ch'uch'uj ri quel c'u'x la, coch'onel, lal lok'ok'ebal c'uxaj ronojel xukuje' kastzij.

Salmib 86:5

Rumal rech chi lal, Ajawaxel, lal utz cacuyun c'u la nim ri lok'ok'ebal c'u'x la chque ri quenatan la.

E C'ambal tak Tzij 28:13

Jachin ri quebusach u tza'm ri macaj man utz ta quel na; are' c'u ri quebuk'alajisaj cutanaba' c'u qui banic, cäsach na u mac.

E C'ambal tak Tzij 30:20

Ri ixok ri man jic taj je cuban wa' cäwa'ic, cusu' ri u chi' cujiquiba' c'u u bixic chi man c'o ta lawaloyil u banom.

Ri Isaiy 65:24

C'ä maja' c'o jas cäquitz'onoj chwe, in nu yo'm chi chque ri cäcaj c'ä maja' cäq'uis ri qui tzij, ri in nu tom chic ri cäquibij.

Ri Jeremiy 2:23

¿Jasche catcuinic cabij: ‘Man nu tz'ajom ta wib mawi e nu k'ijilam subunelalaj tak diosib?’ Chawila' jas ri a c'aslemal ri xawuc'aj pa ri beya', chawila' ronojel ri a banom at, ati't camey ri aninak caxiq'uinilok pa ronojel ri cabe wi;

Ri Jeremiy 2:35

Pune' c'u a banom ronojel wa': ‘Man c'o ta nu mac catcha' c'ut. Ri Dios man oyowarinak ta wuc'.’ Utz ri', cabij c'u ya' chi man at macuninak taj, quinchoman c'u na awuc'.

Ri Jeremiy 3:13

Xuwi ta ne we kas cach'ob ri awetzelal, chi xac'ulelaj ri Ajawaxel ri a Dios; xatxiq'uinilob c'u che qui tzucuxic jachin tak catajawinic ri e jule' chi wi chuxe' ronojel che' ri jewel u xak, man c'u xebanimaj taj ri e nu takanic. In, ri Ajawaxel, quinjiquiba' u bixic.’ ”

Ri Jeremiy 31:20

Ri u tinimit ri Eprain uxinak chwe jun nu c'ojol ri lok' chnuwäch: are' c'ojolaxel wa' ri sibalaj quinwaj na. Aretak c'u ne nu yajom, man quel ta pa nu jolom; caslabetaj ri wanima' quinna' jun nimalaj tok'obisam wächaj che. In, ri Ajawaxel Dios, quinjiquiba' u bixic.

Ri Osey 6:1

Tisaj iwonojel chujtzelej c'u ruc' ri Ajawaxel. Are' xujmuchuwic cujrutzirisaj c'u na xukuje'; xujusoco, cujucunaj c'u na xukuje'.

Aj Levitib 5:5

Jachin ri quetamatajic chi macuninak pa jun chque we jastak ri', rajawaxic cuk'alajisaj ri macaj ri u banom;

Ri Malaquiy 3:8

Are c'u ri in quinban c'otoj chi'aj: ¿La cacuin ta pu lo jun winak cut'orij ri Dios? ¡Are c'u ri ix in i t'orim! C'ä quiban c'ut ri c'otoj chi'aj: ‘¿Jas ta ri ka t'orim wi la?’ ¡Pa tak ri lajujil xukuje' pa tak ri sipanic in i t'orim wi!

Ri Lucax 16:15

Ri Jesus xubij chque: “Ri ix quik'alajisaj iwib chquiwäch ri winak chi ix suc'; are c'u ri Dios reta'm jas c'o pa iwanima'. Ri jastak ri nimak qui k'ij chquiwäch ri winak, e are itzelalaj tak jastak wa' e tz'il chuwäch ri Dios.”

Ri Lucax 7:47

Rumal ri' quinbij chawe chi ri q'uialaj tak u mac ri ixok xesachtajic, rumal ri' sibalaj xinulok'ok'ej. Apachin c'u ri xa' jubik' u mac cäsachic, xa' jubik' cälok'ok'enic.”

Efesios 4:32

Xane' chibana' utzil xukuje' chel i c'u'x chbil tak iwib. Chisachala' i mac, jacha' ri Dios xusach i mac rumal ri Crist.

Ri Josue 7:19

Xubij c'ut ri Josue che ri Acan: “Nu c'ojol, chaya' u k'ij xukuje' chak'ijilaj ri Ajawaxel ri xukuje' u Dios ri Israel, chabij ba' chwe jas ri a banom. ¡Mach'uk chnuwäch!”