Salmib 27:5 - Quiché Bible

⁵ Aretak chepe ri lawalolaj tak k'ij, ri Ajawaxel quinuch'uk ruc' ri u mu'jal, quinuto' pa ri rachoch; quinuya' puwi jun nimalaj abaj che u to'ic wib.

Salmib 27:5 ပူးပေါင်းရင်းမြစ်များ

Ucab Tzijobelil 22:12

Xc'u' c'ut ri Joas cuc' chupam ri rachoch ri Ajawaxel. Are' c'u xutakej ajawinic ri Ataliy puwi' ri winak pa ri ulew.

Salmib 10:1

Ajawaxel, ¿Jasche sibalaj naj lal c'o wi? ¿Jasche cac'u' ib la pa tak ri k'ij re c'axc'olil?

Salmib 119:114

Lal quintok'en la xukuje' nu ch'ukubal wib; nu yo'm c'ut ri weyebal c'u'x chrij ri tzij la.

Salmib 138:7

Aretak quinriktaj chupam ri sayowem, ri lal cäya' la nu c'aslemal; calic' ri cuinem la quinto'tajisaj c'u la, chuwäch ri coyowal ri e nu c'ulel.

Salmib 17:8

Chinchajij la jacha' ri qui chajixic ri qui c'u'x ri bak'wäch la, chinch'uku la chquixe' ri e qui mu'jal ri e xic' la

Salmib 18:33

ri cubano chi quinxiq'uinic jacha' jun masat, cubano chi man quintzak ta cho tak ri juyub,

Salmib 31:20

Ruc' ri u wächbal la quech'uc la chquiwäch ri qui chomanic ri e itzel tak winak; quech'uc' la chuxe' ri u xotil ri achoch la chquiwäch ri qui yok'onic ri e qui c'ulel.

Salmib 31:21

Tewichi'm ri Ajawaxel, chi ruc' ri lok'ok'ebal u c'u'x xebuban nimak tak jastak chwe pa tak ri jok'otaj aretak e c'o c'axc'olil.

Salmib 40:2

xinuto'tajisaj man xinbe ta pa ri mukbal cäminak, xinuto' rech man quinbik'taj ta chupam ri suk. Co xebutac'aba' ri wakan puwi' jun nimalaj abaj; xebuya' qui cowirisabal ri e u xo'l tak wakan.

Salmib 40:3

Xubano chi xresaj ulok jun c'ac' bix pa nu chi', jun bix che u k'ijilaxic ri ka Dios. E q'ui aretak xquil wa', xslabetaj ri canima'; xquicu'ba' qui c'u'x chrij ri Ajawaxel.

Salmib 46:1

Ri Dios are' ka panibal xukuje' ka chuk'ab; to'l kech pa tak ri jok'otaj re c'axc'olil.

Salmib 50:15

Chinasiq'uij aretak at c'o chupam ri c'axc'olil; in catinwesaj na chupam ri c'axc'olil, ri at c'ut caya' na nu k'ij.

Salmib 57:1

Chel c'u'x la chwe, nu Dios, chel c'u'x la chwe, uc' la quintzucuj wi u to'ic wib. Quinwaj quinto' wib chquixe' ri xic' la c'ä coc'ow na ri xak quieb cubij panuwi'.

Salmib 61:2

Pa ri q'uisbal jutz' re ri uwächulew quintz'onon bic che la, are' c'u ri wanima' cätuktubic, chinto'tajisaj ba la puwi' jun nimalaj abaj.

Salmib 61:3

Lal c'ut ri nu panibal. Ri lal lal je jas jun cowilaj tac'atic ja ri quinresaj pa u k'ab ri c'ulel.

Salmib 77:2

Ri k'ij aretak quinbisonic, quintzucuj ri Ajawaxel, amak'el c'ut quebenyac ri e nu k'ab pa ri u banic ch'awem ruc' Dios pa tak ri chak'ab. Ri nu c'aslibal man curik ta cu'lbal c'uxaj.

Salmib 83:3

E qui banom itzel tak subunic che u banic c'ax che ri tinimit la, ¡xukuje' chque ri e ch'ukum la!

Salmib 91:1

Ri cajeki' chuxe' ri to'banelalaj u mu'jal ri c'o chicaj, ri c'o ronojel u cuinem,

Salmib 91:15

Aretak quinusiq'uij, quintzelej na u wäch ri u tzij; ¡in quinc'oji' na ruc'! Quinwesaj na chupam ri c'ax quinya' na u k'ij;

E C'ambal tak Tzij 18:10

Ri u bi' ri Ajawaxel are' jun tac'atic ja ri sibalaj nim u cuinem, ruc' c'u quebopan wi ri e suc'ab che u tzucuxic to'bal ib.

Ri Isaiy 26:16

Pa ri ka bis cujtzucun che la Ajawaxel, aretak cujpixbej la chinojimal.

Ri Isaiy 26:20

Jät, nu tinimit, chatoc chupam ri awachoch chatz'apij c'u ri oquibal aretak at oquinak chi bic. Chac'u' na jubik' awib c'ä coc'ow na ri royowal ri Ajawaxel.

Ri Isaiy 32:2

Chquijujunal wa' quebux na jun to'bal ib chuwäch ri quiakik', xukuje' jun panibal chuwäch ri quiakik' jäb, jacha' u be tak ja' re jabal pa chaki'j ulew, jacha' ri u mu'jal jun nimalaj abaj pa ri chaki'j uwo sak.

Ri Matey 23:37

“¡Jerusalen, Jerusalen, ri quebacämisaj ri k'axal tak tzij, ri xebabuc' che abaj ri quetak ulok awuc'! ¡Q'ui mul xinwaj xebenmulij ri awal, je jas ri ec' quebumulij ri alaj tak ral chuxe' ri u xic', man xawaj ta c'ut!

Colosenses 3:3

Ix cäminak chi c'ut, are' c'u ri i c'aslemal c'u'tal ruc' ri Crist pa ri Dios.