Salmib 24:6 - Quiché Bible

⁶ Rajawaxic je qui banic wa' ri quetzucun che ri Ajawaxel, ri cäquitzucuj ri u wäch ri u Dios ri Jacob.

Salmib 24:6 ပူးပေါင်းရင်းမြစ်များ

Salmib 105:4

Chitzucuj ri Ajawaxel, xukuje' ri u cuinem; chitzucuj ri Ajawaxel ronojel k'ijol.

Salmib 22:30

Ri e wija'l quek'ijilan na che ri Ajawaxel, cäquitzijoj na ri are' pa ronojel ri qui c'aslemal;

Salmib 27:8

Ri wanima' cubij chwe: “chatzucuj ri u wächbal ri Ajawaxel.” Are c'u ri in, Ajawaxel, quintzucuj ri wächbal la.

Salmib 73:15

We ta je xinchomanic jacha' ri e are', xinux ta jachinelab quieb qui wäch ri' xebenjach ta ri' ri awalc'ual.

Ri Isaiy 53:10

Ri Ajawaxel xraj xuban c'ax che ruc' tak ri c'axc'ol. Xujach c'u rib ri are' che tabal tok'ob qui mac ri macaj, che tabal tok'ob che u tojic ri macaj, kas cac'asi' c'u na, cäril na qui wäch ri e rija'lil; rumal ri are' utz quel wi na ri u chomanic ri Ajawaxel.

Ri Xuan 1:47

Aretak ri Jesus xril ri Natanael cätajin copan ruc', jewa' xubij chrij: “Chiwilampe' jun kas aj israel, ri man c'o ta wi subunic.”

Romanos 4:16

Jeri' ri winak ri quecojonic cäquirik na jas ri xchi'x ulok chi cäya' na chque rumal ri Dios. Xa' c'u rumal tok'ob cäquic'amo. Rech kas cäquirik na conojel ri e rija'l ri Abraham, man xuwi ta ri cäquinimaj ri pixab, xane' xukuje' ri c'o qui cojonic je jas ri u cojonic ri Abraham. Ri are' ri ka mam konojel.

1 Pedro 2:9

Ri ix c'ut ix winak ix cha'om, ix ajawinelab xukuje' ix cojol tabal tok'ob, ix winak tastalicalaj tinimit, ix rech ri Dios, rech quiya' u tzijoxic ronojel u wäch utzalaj tak jastak ri cuban ri Dios, ri xixusiq'uij ulok pa ri k'eku'm, xixuya' pa ri u sakil ri sibalaj mayibal.